ياما صبرنا على شينات الأفعالي
حبيت تكون أول مشاركاتي معاكم هذه القصيدة من محاولاتي الشعرية المتواضعة أرجو أن تتقبلوها وأعذروني على تنسيق القصيدة والأخطاء الإملائية
[GASIDA="type=1 title="ياما صبرنا على شينات الأفعالي" width="100%" border="none" font="bold large Arial" bkimage="""]
لاضاق صدري ياتركي ياولد خالي=دايم أحاول بنظم الشعر تخفيفه
أضحك مع الناس كني مونس(ن)حالي=والحزن ياما عطاني في مقاريفه
وياما صبرنا على شينات الأفعالي=وياما صبرنا على الوقت وملاقيفه
وياما فهمنا وعرفنا بكل الأمثالي=هذا وأنا أعرف زماني خوش تعريفه
أبيك تسمع وتأخذ زين الأقوالي=من واحداً قبل لاتكثر تخاريفه
الوقت هذا كثير المال في العالي=لو كان ماندت صحونه على ضيفه
محشوم عند البشر محسوب رجالي=لوكان دايم ربيعه يشبه لصيفه
وإلا الذي- حالته فقراً وغربالي=لاصار ماهو يقدي في مصاريفه
لوهو سلالة حفيد رجالاً أبطالي=لاجاء مسير.. بدوا بالحال تصريفه
وهذا ودينك أحزامك كل الأحوالي=والدين حذراك لاتبادر بتسويفه
وأبعد عن اللي يرى نفسه ومتعالي=ترتاح من خوته ومن كثر تشريفه
والا الذي عند نفسه بالسماء عالي= جاره وخله على وضعه وتوليفه
أعطيه جوه وقله مالك أمثالي=جاره وخله يابن مرضي على كيفه
هذا وممشاي دوم الدوم طوالي=وأجاري الرجل لو كثرت تحاريفه
وراع الردية يرد بزين الأعمالي=ولابد من قالها تكثر تحاسيفه
ومن لايبيني ماحط أسمه بجوالي=لوهو قريب(ن) علية نفسي تعيفه
وأنا ترى مركزي الأول ماهو التالي=والنفس عندي عزيزة ماهي ضعيفه
ودايم أحب أتعنى لمن تعنالي=لو المسافة بعيدة ماهي كليفه
[/GASIDA]
