ترى حلاة الكيف ياشاربٍ له ..!!

عبدالله بن حمود بن سبيّل


ترى حلاة الكيف يا شارب لـه** لا فارقوك اهل الحسد والنجاسه

لا صـار شغـالـه ظـريـف بـزلـه** وظـرف بتقليبـه وقيمـة قيـاسـه

الـى صفـا بنـه علـى مـا شغـلـه** تلقا على الفنجال ردعـة لعاسـه

خطو الولـد تـوه علـى شبـة لـه** جميع هو مات المراجـل براسـه

يـقـوم بالمـعـروف دقــة وجـلـه** والله مهيـئ لـه عـلـى قوبـاسـه

وخطو الولد رجم على غيرحلـه** لو جازلـك مبنـاه بـرّق بساسـه

---

ترى السحاب اول رواحه رشاش ِ * و تاليه وديان تحدِر بالادباش

ان جيت انا باخبرك عما بجاشي * حبل السعه وادرعتني حبل الابلاش

تراه ماينفعك حبل النواشي * اقعد رفاض وخل عنك التوحاش

لقيت بياع المعزه بـــلاش ِ * يسرح على ما لون ويضوي على ماش

يا ونتي ونة من الغوش ماش ِ * ابوه مات وما ورث عقبه ادباش

ابوه مات ولا ورث غير حاشي* وحربش على الحاشي ومن عنده انحاش

خرفش على الحاشي وطقه خراشي * واتلا العهد به هف مع حزم عكاش

عيني وقلبي بينهن اهتواش ِ * و ازريت اميز بينهن ظبي الاوحاش

عيني تقول اصفر بياضه نواش ِ * و قلبي يقول ابيض كما قطعة الشاش

ان تسان هو جاني فيا برد جاشي* وان تسان ما جاني فلا باردٍ ٍ جاش

ان تسان هو جاني فيا برد جاشي* وان تسان ما جاني فلا باردٍ ٍ جاش

:thumb:

اختيار عذب:goooood:

هلا ابو خالد

مرورك هو العذب يالعزوة

لازال هناك امل يابوخالد:)

لك التحية

غالية من غالي




الكيف = القهوة :) (للي يحسبونه ولعه)



تسلم أبو فيصل




--------------
أبو فهد الهمزاني

تسلم ابوفيصل على هذه الجزله

تحياتي لك

الله لايهينك اخوي ابوفهد

شاكر مرورك والتوضيح

لك التحية

ومن قال يسلم يابو عمر

شاكر مرورك يالعزوة

لك التحية

اقتباس:

---

المشاركة الأصلية كتبت بواسطة راعي الوقيد

لازال هناك امل يابوخالد:)

---

:)

ليه وش فيكم عسى ماشر :7ayyoh: <<<< أبوتس يالشفاية :)

تسلم على النقل يابو سمي أبو خالد :)

بس عندي ملاحظة أو استفسار

وأنتم قولوا لي عندي سالفة وإلا من جنبها !! :)

ليه قافية الشين دايم تجي منعشة ومفرفشة <<<< حتى مفرداتها متفائلة :)

حاشي

ماشي

خراشي

نجاشي

رقاشي

أبو منقاشي :)

يعني هل ممكن تلقون قصيدة قافيتها حرف الشين وموضوعها الرثاء مثلاً !!؟

اقتباس:

---

المشاركة الأصلية كتبت بواسطة الجازي

:)

ليه وش فيكم عسى ماشر :7ayyoh:

---

لا تسالوا عن اشياء ان تبد لكم تسؤكم :thumb:

اقتباس:

---

المشاركة الأصلية كتبت بواسطة الجازي

يعني هل ممكن تلقون قصيدة قافيتها حرف الشين وموضوعها الرثاء مثلاً !!؟

---

ممكن
فهذا شاعر يرثي حاله ويقول:
عزاه أوجس في عظامي رخاوه**وعلى نظير العين مثل الغباشي
وقلبي من الجلطات عيى يتشاوه**أوجاع صدر وباليدين ارتعاشي
الله على سنينٍ مضت بالبداوة**قبل نتحضر بالفلل والعشاشي
يوم الأقارب يضمرون الغلاوة**من بينهم ما فات حاسد وواشي
من فارقك لو يوم جاك بحفاوة**يضحك لك حجاجه ويبدي بشاشي
يا زينها لو به تعب مع شقاوة**مار القلوب نظاف مابه غشاشي
من زعل يرضى ما انتظر للرضاوة**ولا حد تكبر كن أبوه النجاشي

والقصيدة أطول من كذا بس هذا الي يحضرني:)

أفا تسوؤنا حته وحدة :)

وش دعوى الهدف نعين ونعاون :)

بعدين أبيات شاعرك هذي تحس إنها تميل للكاعة والفرفشة بدليل البيت الأخير :)

ولا حد تكبر كن أبوه النجاشي :)

يعني ضاقوا الملوك مالقى غير ملك أفريقيا :)

الله يرحم النجاشي ماعمري لقيته داخل في قصيدة إلا ومخليها حلوة وقالب موضوعها من حزن أو توجد إلى ضحك وفرح <<<< البلا يافي اسمه يافي حرف الشين :)

أبو خالد حط القصيدة كاملة أخاف إن شاعرك عقب مارثى حاله كملها بأبيات هزلية تناقض حاله الأولى بس أنت ماتبي تقول <<<< هيك عندي إحساس :)

منورين

ودي اكمل الرد مار جت الصلاة

ولابغيت اطلع وانا مارديت

ولاعمري دخلت ماضوع كود ارد

لي ردة مادري عودة:)

حياتس الله يالجازي


بالنسبة للقصائد ذات القافية الشينية


فأعتقد ان اغلبها ذات طرق قديم وخاصة بالشعر النبطي


اذكر منها ابيات مشهورة :-


يقول راشد الخلاوي في شينيته :-


يقول الخلاوي والخلاوي راشد * على الرزق لاه بالدلي ولاش


نظرت انا في سوق بغداد نظرة * ثلاث بنات كلهن معاش


شرب على غير الظما يجرح الحشا * وقرب على غير الموده لاش


الى ان يقول


له حبة أحلى من الما على الظما * وألذ من مطعوم كل معاش


واحلى من اللي ينقد الطير راسها * ينوشها فوق الجريد نواش


وألذ من در الاباكير في الشتا * إلى جات من بعض الفياض تحاش

ويقول ابن عمار في الفيته المشهورة :-


البا بليت بحـب خلـي علـى مـاش ** ولا حصل لي منه مايبـرد الجـاش


غديت أنا وإياه (طاسة ومنقاش) ** بالـوصـف لكـنـي للمـعـزَّى سـلامــات



اما عن باقي الموضوع فقد تولى الرد عليه العزيز ابو خالد سمي الولد:)


لكما التحية

تسلم يابو فيصل على هالإيراد الجميل

غديت أنا واياه طاسة ومنقاش :)

حتى هنا تحس إنها فكاهية :)

شكراً لك

خوذي اللي ازين منه:)

هذا الشاعر خالد بن عوض بن بخيتان الدحيني في البادية في حدود سنة 1330 هـ وهو من بني عمرو من حرب ،
ولم يتسن له دخول الكتّاب حيث عاش في بيئة غارقة في البداوةيحل ويرحل مع أبويه طلباً للكلأ ، إلا أنه حاد الذكاء ، متفتح الذهن ، قوي الذاكرة …
من هنا بدأ الشاعر حياته شاعراً من صباه ! وحين تقلصت حياة البداوة في السعودية وأخذ البدو في الهجرة إلى المدن إلتحق أبناؤه الكبار في وظائف الدولة ،
أما هو فأخذ في تربية المواشي يبيع ويشتري فيها … يقول :
منذ سبعين سنه تقريباً كنت في الصحراء أرعى أغنامي ، وكان عمري يقارب الخامسة عشر عاماً تقريباً فأقبلت علي راعية أغنام تركب حمارها يناهز عمرها الأربع وعشرين سنه ،
فقالت : أنتم ياحرب ليس فيكم شعراء بارزون ! فعرفت أنها مغرورة … أو أنها تستفزني … أو تنوي أن تتسلى وتلعب بعقلي … فقلت : ومادليلك على ذلك ؟ فقالت : هذه الحقيقة ،
فقلت وإذا إستطعت أن أوقف حمارك هذا مع أني أصغر شعراء قبيلتي سناً فهل تقرين ؟ قالت : وكيف ذلك ؟ قلت : أردد أبياتاً من الشعر والحمار يركض أسرع من الريح فأجعله يتسمّر
في مكانه على شرط ألا تخزيه بالعصى … ولا تضربيه بيدك … ولا تركليه بعرقوبك … قال : فمطّت شفتيها وأخذت تدير النظر في ّ من قمة رأسي حتى قدميّ بنظرات غريبة وساخرة وقالت :
أنت ياهذا تقدر توقف حماري ؟ قلت : نعم ، إذهبي عني قريباً واتركيني أفكر قليلاً ثم عودي . قال :
وبعد برهة عادت فقلت لها : هيا إنطلقي بسرعة ، فلما إنطلقت أخذت جانب الحمار أركض معه وأنا أتلو قصيدتي :-

ياتل قلبي تل غرب السروج=على ثلاث رثعن به تقل قش

تحت المقامة ركزوا له فروج=وأضحى شنين بالي واللزا هش

مافيهن اللي يوم تمشي تروج=راحن مع المنحات يقفا لهن رش

وحبالهن فوق المحالة تسوج=ومن عقب فرّع من محاله تقل طش

حب الحبيب صافي مايعوج=دونك قرض عظمي ومنه اللحم نش

ياعود موز ناعم بالمروج=ومن وين ماهب الهوا راح يهتش

ياصاحبي ريحه زباد يفوح=يازاهي بالمدرعه والنقش

ماينفع الفايت وكثر الهروج=اللي بقا من حال ياكود ينعش

ماياصلنه نافضات الخروج=لو هو من العيرات حيلٍ منحش

ياكود عملي ٍ عضوده فجوج=وركابهن من يم خيل ٍ مطرش

وازريت للقاله حلي ٍ يروج=بيض ثمانه والمبيسم منقرش

نعلم أن الحمار يقف عن السير إذا قيل له _ أش _ وحيث كانت قافية القصيدة بحرف الشين مسبوقة بحرف مفتوح ظن الحمار أنه هو المقصود
فوقف عند نهاية عجز البيت الثالث ، يقول الشاعر :
ولكنني استمريت في قصيدتي والحمار واقف تماماً عن الحركة . أما البنت فقد فغرت فاهها .. وانعقد لسانها .. وشخص بصرها ، ثم اعتذرت بخجل وانصرفت
في روايه اخرى :
ان الشاعر كان يتغزل بهن وتحدته احدى البنات اذا اوقف الحمار بشعره ستتزوجه وقال:-

يابنت هيا من ثمانك عطينا= لاواهني يابنت من نشهن نش

ياعود موز نابتن في البطينا= اللي ليا جاه الهوى قام يهتش

فوقف الحمار وتزوجها.

وفي رواية اخرى :-

لم تنفع هذا الشاعر أبيات الغزل التي أسمعها لفتاته الجميلة التي عندما ملت حديثه اشترطت عليه شرطاً غريباً ومستهجناً ,
وهو ان يُسمعها شعراً يتفاعل مع حمارها المدلل ( أعزكم الله ) فقال :

يابنت هيّا من ثمانك عطينا = لاواهني يابنت من نشّهن نش

وبالطبع كان للقافية أثر على الحمار مشابهاً للفظة ( هش ) التي يساق بها عادةً , وأردف الشاعر يقول :

ياعـــــود موزٍ نابتٍ بالبطينا = اللي ليا جاه الهوى قام يهتــش

والمعذرة على الاطالة وديمقراطية السرد:)

تحيتي لك

حرام

حرام تظلم هالقصة وتحرمها من متصفح مستقل في قصة وقصيدة !!

بصراحة روعة !!

اقتباس:

---

فوقف الحمار وتزوجها

---

تسنها فوافق الحمار تزوجها :)

قصة جميلة وقصيدة أجمل

والشاعر ماشاء الله عليه يرويها وعمره خمس وثمانين سنة :)

ألف شكر على الإيراد

اقتباس:

---

فوقف الحمار وتزوجها


تسنها فوافق الحمار تزوجها :)

---

لا صحيحة لان التحدي على ايقاف الحمار

تحيتي لك

^
^
وأنا وش قايلة !!؟ :a:

عارفة إنها صحيحة شكلك فهمت ردي غلط :)

هههههههههههههههه



هالحين اللي تزوجه هو ولا الحمار خخخخخخ




شهرين اعن ركاب فكري على ماش // واسرج خيالي للقوافي واعنيّه

منداش جوي .. قد له ايام .. منداش // جف المحيط اللي بالابداع يسقيه

مدري نشف ماي القريحه ياعماش // ولا القصيد احيان ياصل مناهيه

....


كتبت هالثلاث ابيات وشاب القاف وله اكثر من شهر عجزت اكمله

تبي القريحة تتفجر !!؟

اقلبها فلاوية <<< موضوع القصيدة قصدي :)

وأبشر بسعدك وبشباب قافك :7ayyoh:

هلا ابو غازي

افا تسيف شاب القاف

ليه ما استفزعت بالزقرت بالمخيم

تسان قاطينن لك كل واحد لو على شطر بيت:)

لاخلا ولاعدم

رايكم ننقل هالصفحة للفلة ؟!



-----------------
أبو فهد الهمزاني