زماااان
زمااااان
وكل ما اتذكر هالزمان انقهر
من زين شينوه :315r:
ماضي غبر لحووول
بس ابشركم اني تساذبن على ولدي ماجد وقايلن لوه اني كنت لاعب
ونسقوني :)
المهم
قبل سنين
وايام لعبنا بالحاره
كانوا اهل الحاره يشتكون علينا دايم
مع اننا نلعب بالملعب اللي بالحاره
الا انهم مهم مخليننا على راحتنا
وكل شوين تجينا دوريه وطردي
لدرجة ان الشرطه خصصوا لنا دوريه بسواقه
كان نحيف الله يذكروه بالخير والبدله اكبر منوه :)
واسموه دايس :thumb:
يعني اسم رنااان بصراحه
المهم ان هالدايس كل يوم طردي ورانا
ويوقف الدوريه ويلحقنا على رجلينوه
ومرتن من المرات اغار علينا دايس
وحنا نهرب
ويلحقنا
وحنا هاربين
ويوقف الدوريه ويلحقنا على رجلينوه
ولا فيه واحدن من الشباب توه جاين من البقاله ومعوه زبادي
قلت تكفى عطن واحد
ودايس يصيييييح لاا تعطيه لااا تعطيه :)
واخطف واحد
والتفت لدايس
وهو ياقف
وانا اركض عليه
وهو يهرب الخبيل :)
وانا ارصوووه بالمتون بالزبادي :)
لياالزبادي متطشرن عليه
ونهرب
طبعاً كالعاده ما مسكنا
وعقب العشااء ولا فيه دوريات يفترون بالحاره
وانا كنت رايح للبقاله
اثريهم مسوين كمين لي
ويمسكوني
ويودوني القسم
ولا هذا دايس جالسن عند الضابط
قال ايه هذا هو اللعين :315r:
قال الضابط علقوا يدينوه وخلوووه واقف
ويعلقوني
ويخلوني تقل مستسلم
الوقت هالحين بعد العشاء يعني حدود الساعه 8 بالليل
قال الضابط انا ابروح هالحين
ولا تتصلون على ابوه الا الصبح علشان ما ياخذوه الا بعد ما يتأدب
انا توي ما حسيت بشي
قلت لاااا مهو الصبح الظهر بعد يكون احسن << احسبه تساهيل
ويمر الوقت
بدن يبردن يديني
نشفن مابهن دم
الدم كلوه بمواطيي :)
ويمر الوقت
بديت اتدهور
ويمر الوقت
وبداء الجوع
ويطلع الصبح ودايس يتشمت بي
ابوووتس دنيا
قال جيعااان
قلت ايه
قال احسن يا حيووووان :a:
قلت طيب ليه تغلط
قال لانك حيووووان
واسكت من الضيم
وهو ياخذ لقمه ويجيبه لي
قال كل
ويمده لي
وانا افتح افمي
وهو يرجعه
قال لا لا منت كفو
ويمده ثاني مره وافتح افمي
ويرجعه قال يا حرااام شكلك جيعان مره
ولا فيه سبايك خوياوه يضحكووون
يعني مسوي كوميدي هو وعلابيه للحين ما غسل الزبادي الناقص
انا هنا قفلت معي من ضحك الخديفه وخوياه
ويمد اللقمه
وما فتحت افمي
ويمده قال كل
ويقربه اكثر
ليما حطه عند افمي
وانا اراعيلوه
يوم غفل عني
وانا اعض اللقمه ويدوه كل قوتي
واحط حيلي بحنوووكي
وهو لوه صياااااح
عضني الرخمه عضني الرخمه << يقصدني بالرخمه اوريه الخبل :)
ويجون خوياه يركضوه
يمسكون وجهي ويسحبووووني
وهو يصييييح
وواحد مسك برطمي ويجرووووووه
والثاني مسك يد دايس وحط رجلوه على وجهي ويسسسسحب
مافيه فايده مااافيه امل اخليه
ويبقسوووني
ويزنطوني
وهو يجي واحد من وراي ويرنن بقس بالعلبا
حسيت فيه نجوم بوجه دايس :)
وانا انصفر
واصحي على صوت المراجعين
اثريهم جاريني وحاطيني بالارشيف علشان محد يشوفن :)
واطلع لهم
قالوا تعال كلم ابوك وانقلع
واشوى عدت سلامات
وتقلدوا تحيتي
