للرائع الرحل الامير طلال الرشيد ( ملتاع ) رحمة الله عليه
حبيبتي كل العواذل تشابه
...........................قلب ظلام وجه يشبه للأصحاب
ولا من غدى لك صاحبٍ ينحكى به
............................لا تسمعين أن كان لك قلب وأحباب
إلى مشيت الدرب يلهث سرابه
...........................وإلى سكنت الدار ناداني الباب
وشلون أنام وهم قلبي صوابه
...........................والشوك ينبت بين جفنين وأهداب
تعبت امنّي .. الأسئلة بالاجابة
...........................وانطر شروق الشمس والشمس بغياب
وتعبت أناظر والمعنّى عذابه
...........................أنك بعيده والملا دونك حجاب
اجمع كلام وما أعرف الإجابه
...........................وعندي شعور صدق والوقت كذاب
كل النجوم اللي امطرت من سحابه
...........................حبيبتي دمعك جرح قلب واتراب
واللي وقف ما بين بابي وبابه
...........................قلب ظلام .. ولابسٍ ثوب الأصحاب
