زعلان ومستانس!

السلام عليكم

ما هنا تفاصيل فالموضوع يقرأ من عنوانه:thumb:

زعلان مستانس معصب ورايق**يضحك هناك ، وهان ممدود بوزه
وشلون ذي تاتي؟ "متحلطم وفايق**في وقت واحد "فص ثومه ولوزه"

ترى أحياناً البعض وخصوصاً المراهقين في حالة ما تعجبك من كدر الخاطر والضيق وبنفس الوقت تسمع ضحكته المجلجلة بالتلفون مع حدا اصحابه أو تراه في مجلس آخر منطلق ونكت وفرفشة ولا كأنه صاحبك الي قابلته قبل قليل مكتئب ومبوز:a:

مدري هل هذا الوضع طبيعي أو لا؟

أو هذا الي يسمونه ازدواج بالشخصية:)

آراءكم واستشاراتكم في كيفية التعامل معه:)

تحياتي

صح لسانك

موضوع بالصميم يابوخالد

فعلا ً هالشي انا ملاحظه على شبابنا وبالأخص المراهقين

وننتظر معك اهل الإستشارات:)


:goooood:

>>>لبست البالطو


ابو غازي باللي سلفنن نظاراتك شوي





/





اخي الاصمعي




الموضوع كبير و اكبر من انه ينشرح





لذلك سأكتفي بالصمت والمتابعه :)

هلا ابو سمي :7ayyoh:

أنت تشوف مدري وشلون مستانس وضايق بنفس الوقت!!

يالله اصفط جنبي بانتظار الي عنده طرف علم بهالحالة:thumb:

تحياتي

اقتباس:

---

ابو غازي باللي سلفنن نظاراتك شوي

---

ماترهم يالشهبا >> بالله

اقتباس:

---

المشاركة الأصلية كتبت بواسطة الشهبا

اخي الاصمعي

الموضوع كبير و اكبر من انه ينشرح

لذلك سأكتفي بالصمت والمتابعه :)

---

آآآآآآه أجل الموضوع كبير:3ajeeb:

تقريباً شكبر أختي الشهبا؟ مثل ----- رفحا:thumb:<<فيه جايزة للي يملأ الفراغ صح:)

أنا حاسس ان الموضوع هذا كبير ويمكن خطير بس ما توقعته الى درجة ممكن تدلين بدلوك وتطلع فاضية:)

حياك الله وان بغيتي تشرحين ترى ما ورانا شي خذي وقتك أهم شي نصل لنتيجة!!

تحياتي

اهلا بأخي العزيز ابوخالد واشكرك على الموضوع القيم
مسألة -مد البوز مع ناس وفتح الفم مع ناس اخرين!
اعتقد انها لا تتعلق بنوع وجنس معين!
نعم عزيزي هناك من الرجال من تلاحظه في المجلس الفلاني
ضاحك ومنبسط اخر انبساط وفي المجلس الاخر على العكس من ذلك!
وهذا المرأة في بيتها غاضبة ومع قريباتها رسمية وقليلة البوح!
ومع صديقاتها ضاحكة بصوت مزعج!
ومن خلال حديثها الهاتفي
تعرف انت يالبعيد عنها
مع من تتحدث!
اقول بعد هذا
ان المسألة اقرب الى حب ومراد النفس
قبل اي شي اخر!
بمعنى ان الشخص الذي ترتاح له النفس
تكون اسهم الابتسامة عنده مرتفعة
ولا ننسى ان للمكان دور كذلك في راحة النفس!
فأنا وانت وهو وهم وهي وهن نرتاح لبعض الاماكن
ونمل من البعض الاخر!.

لك تقديري وعذرا عن قصر وقفتي هذه
وقد اعود ان شاء الله في وقت لاحق.

^

عبد الرحمن حاول مرتن اخرى



/




ابو خالد اذا محد رد ردن يبل التسبد وشرح السالفه كما اراها انا >>>اووخص


وانا ابجي وابنثر سطلي فوق راسك >>>خانه التعبير







والله انني ناقله هم اخاف يصير علي ذنب و اثم .. تخبر عندي علم ومخفيته على الناس >>>>ماسكتن روحه مع غاربه وتبي تطلع نفسه برا







الله يقويكم






/


ابو فيصل الله حيوووه

يا هلا ببو يوسف

اقتباس:

---

المشاركة الأصلية كتبت بواسطة عبدالرحمن

ان المسألة اقرب الى حب ومراد النفس
قبل اي شي اخر!

---

يعني يضحك مع من يرتاح له ويبوز مع من لا يرتاح له!!

نتيجة تبدو منطقية لكنها مؤسفة:puzzled:

طيب ما نقدر نعتبر ضحكه "ليس الا" مجاراة لمن يضاحكه جاهلا بحاله؟

مثل ما يقول الشاعر: أضحك مع الي ضحك والهم طاويني<<يدور أي حل بعيدا عن ما توصل له عبدالرحمن:)

حضور مثلاري ابو يوسف

تحياتي

اقتباس:

---

المشاركة الأصلية كتبت بواسطة الشهبا

ابو خالد اذا محد رد ردن يبل التسبد وشرح السالفه كما اراها انا >>>اووخص

وانا ابجي وابنثر سطلي فوق راسك >>>خانه التعبير

---

لا أبشرك يبي يجي الي يشرح السالفة كما ترينها أنتي بس احتفظي بسطلك دامه تبي تنصب فوق غاربي:)

وبصراحة بصراحة أنا متوقع اني أجد التفسير المناسب عند صديغتك الجازي لأنه سبق له ان نزلت موضوع مضمونه تقريبا ان كل انسان براسه مجموعة صناديق كل صندوق فيه احساس معين وأن هناك من يقدر يتعامل مع أكثر من صندوق بنفس الوقت وهناك من لا يقدر يركز الا بصنيديق واحد ويمكن تكون الحالة الي اتكلم عنها من أصحاب الصناديق المزدوجة:goooood:
شكرا لحضورك اختي الشهبا

تحياتي

على قولت الجباري

ضايق ومستانس ورايق وطفشان ... تجمعت بي كلبوها بساعه

هلا بالاصمعي ومواضيعه الشيقه :hala1:
الظاهر انه متفشيه ماهو بس بالمراهقين ألا تسان صرت انا منهم :a:

قبل فتره قصيره ضرب الامبير معي ودلي أخابط وأزابد وهاوش الوغدان ياما بغت تطلع عروقي من نفوخي >> يتهاوشون على القيم بوي :)الوكاد خليتهم مايسوون تيس أربد:) , ألا يوم دق الجوال بمخباي واطلعوه ليامار هذا واحدن غالين عندي بالحيل شرواك وأنا أشبك معوه يالله حيوه ياهلا وغلا ومسهلا ومن هالتراحيب والحجاج يضحك .. زبدة السالفه يوم لقيتهم ظهري ليامار يضحكون علي واسمع حديهم يقول أستغفر الله :a:الظاهر انوه ناقدن علي


أما اذا أخذناها كحاله عامه عند الشباب والمراهقين ففعلا هم كثيرون على هذه الحاله وأكثر الشباب المراهق القريب منك كل ماتنشده عن حاله قالك والله اني طفشان وزهقان وملل واليا أقفى ولقى حدا خوياه تلقاوه يضاحك الهوا
وأعتقد انها حاله في عمر معين وتزول لان في هذا العمر تلقى حتى تفكيره غير وانتقاداته للي حوله واجد وتلقاه متسلطن على اخوانه اللي أدون منه ولاهو عاجبه شين أبد لا العيشه ولابيشه :) فهو متقلب المزاج ويبيلك تصكر عليه بالمزلاج لين النور ينباج ثمن تسرحه بالنعاج أما يعتدل وألا زاد انعواج :315r:


غدي أم الصناديق عندها شرحن وافي واكيد انه كافي :)

^
^



ما عقب ردك كلام ..

أتوقع " تقلب مزاج " .. و هالحاله أحس إنه عندنا يـ البنات أكثر .. :)




.
.

^
^

عاد هذا يعتمد على الصناديق اللي بروسكن تسانهي كله مفتحه وكاد ماتقدرن تحكًمن بهالمزاج تلقينوه يتقمز من صندوق بصندوق :)


-

اقتباس:

---

خليتهم مايسوون تيس أربد:)

---

قصدك هيس اربد:)

خوش شرح يالونش

بارك الله فيك يالعزوة

يا هلا وغلا حي هالطلبة

مرحبتين خيو

هلا بريحة هلي:)

اقتباس:

---

المشاركة الأصلية كتبت بواسطة الونش

على قولت الجباري

---

اقتباس:

---

المشاركة الأصلية كتبت بواسطة الونش

ضايق ومستانس ورايق وطفشان ... تجمعت بي كلبوها بساعه

---

اسم الله ما خلو شي هالشعار وانا احسب محد سبقني عليها بس ترى أن جبتها بترتيب أحسن من ابن عمك:thumb:

اقتباس:

---

المشاركة الأصلية كتبت بواسطة الونش

هلا بالاصمعي ومواضيعه الشيقه :hala1:

---

اقتباس:

---

المشاركة الأصلية كتبت بواسطة الونش

الظاهر انه متفشيه ماهو بس بالمراهقين ألا تسان صرت انا منهم :a:

قبل فتره قصيره ضرب الامبير معي ودلي أخابط وأزابد وهاوش الوغدان ياما بغت تطلع عروقي من نفوخي >> يتهاوشون على القيم بوي :)الوكاد خليتهم مايسوون تيس أربد:) , ألا يوم دق الجوال بمخباي واطلعوه ليامار هذا واحدن غالين عندي بالحيل شرواك وأنا أشبك معوه يالله حيوه ياهلا وغلا ومسهلا ومن هالتراحيب والحجاج يضحك .. زبدة السالفه يوم لقيتهم ظهري ليامار يضحكون علي واسمع حديهم يقول أستغفر الله :a:الظاهر انوه ناقدن علي

أما اذا أخذناها كحاله عامه عند الشباب والمراهقين ففعلا هم كثيرون على هذه الحاله وأكثر الشباب المراهق القريب منك كل ماتنشده عن حاله قالك والله اني طفشان وزهقان وملل واليا أقفى ولقى حدا خوياه تلقاوه يضاحك الهوا
وأعتقد انها حاله في عمر معين وتزول لان في هذا العمر تلقى حتى تفكيره غير وانتقاداته للي حوله واجد وتلقاه متسلطن على اخوانه اللي أدون منه ولاهو عاجبه شين أبد لا العيشه ولابيشه :) فهو متقلب المزاج ويبيلك تصكر عليه بالمزلاج لين النور ينباج ثمن تسرحه بالنعاج أما يعتدل وألا زاد انعواج :315r:

غدي أم الصناديق عندها شرحن وافي واكيد انه كافي :)

---

ههههههههه

أجل منتفخ ويتطاير من عيونك الشرار ويوم جاك هالتلفون فشيت على طول:)<<ألا أكيد الي جاك تلفون هههههههه

سالفة انه أشبه بالحالة العامة بين المراهقين ممكن والله بس ليه مدة هالبوز وانت مدلعة ومنغنغة ويا دهينه لا تنكتين ولا ورى هلي يضاحكهم هوا الا قصايد صبح:)

طيب واذا هالآدمي مهو بعيد عن الفيضة؟؟

لاهنت على هالتصبيحة الي تشرح النفس يابو خالد وولم نفسك لفيضة خريم:goooood:

تحياتي

يا هلا بالمختصر حياك الله

اقتباس:

---

المشاركة الأصلية كتبت بواسطة بالمختصر..

^

^



ما عقب ردك كلام ..

أتوقع " تقلب مزاج " .. و هالحاله أحس إنه عندنا يـ البنات أكثر .. :)




.

.

---

أهاااااا عندكن أكثر:qannaj:

طيب وش اسبابه؟

تحياتي

اقتباس:

---

المشاركة الأصلية كتبت بواسطة الونش

^

^

عاد هذا يعتمد على الصناديق اللي بروسكن تسانهي كله مفتحه وكاد ماتقدرن تحكًمن بهالمزاج تلقينوه يتقمز من صندوق بصندوق :)



-

---

هههههههههه:7ayyoh:

أجل توافقن الراي ان السالفة ممكن تكون متعلقة بالصناديدز!

عاد راعية الصناديز الله العالم معروجن به :)

تحياتي

اقتباس:

---

المشاركة الأصلية كتبت بواسطة راعي الوقيد

قصدك هيس اربد:)

خوش شرح يالونش

بارك الله فيك يالعزوة

---

حيى الله ابو سمي

المسألة فيها قولان :thumb:

لا هنت على مداخلاتك الحلوة :hala1:

تحياتي

والله شوف يابو خالد هذي اشوفه انه حاله ذكيه و قويه عند الشخص

احس ان الانسان اللي يعين حاله معينه لـ شخص " ما " و يقلب مزاجه لـ شخص " ما "

هذا يمتلك مهاره نفسيه عميقه

بـ حيث انه عندهـ القدرهـ على تعيين الحاله المناسبه لـ كل شخص ..!

ياليت نقدر نتحكم كذا :)

ياخي لا قفلت معي ، تلطمت كل اليوم خخخخ

بودي ما اقفله بـ وجه اللي ماله ذنب ، بس الطنيه لا جت .. جت :)

وفيه ناس الحاله هذي مرض معهم : تلاقيه كل فترهـ بـ مزاج لـ نفس الشخص اللي كان معه

مرهـ يضحك معك و مرهـ مكتّم ؟

هذا عنده مشاكل مشاعر : محروم من شيء يبيه وجدانياً ولا يقدر يبوح .

وششـ رايك بي ؟! وانا مسوي دكتور نفسي :)

زين ولا من جنب القده يمين :) ؟!

مشكور ابو خالد من افضل المواضيع اللي قريتهم في الانترنت

..

اقتباس:

---

المشاركة الأصلية كتبت بواسطة راعي الوقيد

قصدك هيس اربد:)

خوش شرح يالونش

بارك الله فيك يالعزوة

---

ياحليل ساهر عندك :7ayyoh:
حيا الله ابو فيصل :hala1:


لا أنا قصدي تيسن أربد :cool:

أما الهيس الاربد فهو الاسد المنطوي فلما أكون ضايق وزعلان ماراح أشبهه بالأسد راح أشبهه بأقل منه ألا وهو التيس الأربد >>> يدور مخرج من ساهر :)

ههههههههههه

توقعت ان هذا هو السبب بس قلت خل نصيده لو مرة:)

حياك الله يالشايب

وش قالوا لكم

باسطة بصناديق خضره عند المسجد !! :7ayyoh:

وش اللي صناديقي وراعية الصناديق !!؟

ياشباب ياراعين الصناديق

الصناديق والصندقة كلها في روسكم أنتم بس

أما الجنس الرقيق الناعم روسنا ماتشتغل بهالطريقة البدائية :)

روسنا شبكة معلومات يعني كمبيوتر موصول بالنت :7ayyoh:

ذس نمبر ون رداً على الأخوين أبو خالد (( الأصمعي والونش )) :)

أما بخصوص الاستشارة التربوية النفسية فالظاهر إنكم لاقيني !!

كل يوم والثاني سادحين لي مشكلة ويالجازي تعالي حليها :) <<< تتعلم هياط :7ayyoh:

بالله وش شغلة ابن دهيم دامي أنا متولية كل شيء :)

بعدين خلاص ولى زمن الاستشارات المجانية :)

من اليوم وطالع بفتح لي ركن في هالمضيف

والاستشارة تختلف تسعيرتها بناء على سهولتها وصعوبتها وبرضو بناء على راعيها هو مقرش والا على باب الله :)

هذا رد مبدئي

ولي عودة بإذن الله

وما على مراهقكم إلا العافية إن شاء الله

وعشان تتطمن قلوبكم عليه بقول لكم

ياحظكم به :d:

تحيا وتبقى

وأهلين وسهلين خيو أبا خالد

عاد ماحنيت لهلك أشوف كلن رجع لهلوه :)

مدت البوز من زود الدلع والنغنغه الزايده وهالحين من مد بوزه يعطونه موزه وألا أول من مد بوزه كلن يهوزه :)

وروضة خريم ان الله سهل موافدزه مع الاوف :thumb:

هلا بخالتنا الريم :7ayyoh:

وكاد انه شبكة معلومات متشعبه والصناديق يسمونها دستريبيوشن بوكسز :)

يعني هالشبكه موصله للصناديق المذكوره :)

ومن سرعة التنقل بين الصناديز يهنق الكمبيوتر ثمن ينعفس المزاج :)

ذس از ذا ديسكريبشن فور نمبر ون :)

:)

-

^
^
^
ماشاء الله تسنك بتنافسني على هالأيقونة :)

أجل ديسكريبشن وديستريبيوشن !!! :)

والله إن بسطة الخضره وصندقتها أبرك :7ayyoh:

رغم ان الامر ظاهر في المراهقين اكثر لكنه ايضا موجود ولو بنسبة قليله في كل البشر

احياناً تقلب مزاجك كلمه او نظره او حركه سواء للافضل او الاسوأ

واحياناً مهما كنت معصب وزعلان ........وجود شخص او حضوره ينقلك من حالتك الى حاله اكثر هدؤ وراحه

هذه من خصائص البشر وتناقضاتهم .....لا تضر الا ان زادت عن حدها وتجاوزت المعقول


تسلم يابو خالد

دوماً متميز في مواضيعك :goooood:

اقتباس:

---

المشاركة الأصلية كتبت بواسطة طلال

والله شوف يابو خالد هذي اشوفه انه حاله ذكيه و قويه عند الشخص

احس ان الانسان اللي يعين حاله معينه لـ شخص " ما " و يقلب مزاجه لـ شخص " ما "

هذا يمتلك مهاره نفسيه عميقه

بـ حيث انه عندهـ القدرهـ على تعيين الحاله المناسبه لـ كل شخص ..!

---

شايف كذا :a:

فعلاً ان التحكم لهالدرجة شي عظيم بس أتوقع أن المتحكم بمشاعره بهالقوة ما يكون زعلان زعلان ممكن يكون مجافي أو بدون مشاعر ظاهرة مع شخص وفالها مع آخرين !!

نبهتنا لوجهة نظر بصراحة ما كانت مستحضرة على الأقل بذهني أنا مرة!!

اقتباس:

---

المشاركة الأصلية كتبت بواسطة طلال

ياليت نقدر نتحكم كذا :)

ياخي لا قفلت معي ، تلطمت كل اليوم خخخخ

بودي ما اقفله بـ وجه اللي ماله ذنب ، بس الطنيه لا جت .. جت :)

---

شرحك سرى:thumb:

اذا كنت مستانس أضاحك ظلالي واذا قافله معي أعبّس بوجه رغوده حتى:)

وأشوف ان هذي هي الحالة الغالبة على أكثر من اختلطت بهم !!

ما شاء الله استشاري نفساني درجة أولى:goooood:

مرور مثري لاهنت يابو سعد<<بلبسك هالأسم:)

تحياتي

أبو خالد وأبو فيصل ومداخلات أشبه برشات العطر وحضور لا يزيد المتصفح الا بهاء ونور <<سرج الله يحييكم:)

ابو خالد هونت منتم هلي تسان به رده هههههه

خلاص الوعد روضة خريم ان االله أحيانا
حياكم الله :7ayyoh:

يا هلا وحيالله بالدكتورة الجازي:7ayyoh:

الله يرحم والديك شوفي لك حل مع تنسيق خطك ما يقتبس منه جزء يا اقتباس لكامل الرد يا الله يعينك تقعد ساعة تعزل هالسطور عن بعضها والنتيجة غير مضمونة:)

اقتباس:

---

المشاركة الأصلية كتبت بواسطة الجازي

[FONT=decotype naskh variants][SIZE=6]بالله وش شغلة ابن دهيم دامي أنا متولية كل شيء

---

أنتي طال عمرتس أولى تعلمين الحلاقة بروسنا من ابن دهيم:thumb:

مار لاقينا هالسبيعي تسن ما عندنا نفسانيين يا شمر<<اشتغلت العنصرية:)

الجازي يالجازي

الجازي يا بنت عمنا:hala1:<<خليتس بنت عم يوم قلبنا على هالسبيعي هههه الله يجيبه بالسلامة

نثري صناديدزك وصررك وصناديز كل الي تعرفين بس هاتي لنا العلم الوكاد عن حالة هالمراهق مدري الي طاب الفيضة وبلشنا به زعلان ومستانس بنفس الوقت وليس بنفس المكان!!

حياك الله أختي الريم وانتظر عودتك لإثراء الموضوع

تحياتي

اقتباس:

---

المشاركة الأصلية كتبت بواسطة ريم شمر

رغم ان الامر ظاهر في المراهقين اكثر لكنه ايضا موجود ولو بنسبة قليله في كل البشر

احياناً تقلب مزاجك كلمه او نظره او حركه سواء للافضل او الاسوأ

واحياناً مهما كنت معصب وزعلان ........وجود شخص او حضوره ينقلك من حالتك الى حاله اكثر هدؤ وراحه

هذه من خصائص البشر وتناقضاتهم .....لا تضر الا ان زادت عن حدها وتجاوزت المعقول


تسلم يابو خالد

دوماً متميز في مواضيعك :goooood:

---

يا مرحبا حيالله أم طلال

وتميز المواضيع بتميز التفاعل من أمثالك الله يحييك:7ayyoh:

أجل تقولين طبيعي هالشي:3ajeeb:

أم طلال هو مهو سالفة انه يكون زعلان وتتغير نفسيته ويرضى ، لا هو ماسكه معه الحالتين مع بعض بس هذي مع ناس وهذي مع آخرين رغم ان الي متكدر خاطره معهم وزعلان أقرب له حتى نفسياً من الآخرين !!

شكرا لحضورك المثري ولا هنتي

تحياتي

اقتباس:

---

الله يرحم والديك شوفي لك حل مع تنسيق خطك ما يقتبس منه جزء يا اقتباس لكامل الرد يا الله يعينك تقعد ساعة تعزل هالسطور عن بعضها والنتيجة غير مضمونة:)

---

اقتباس:

---

---

هذا خاصية في التنسيق للتمييز بين الدكاترة والمرضى :)

والله مدري ليه يطلع معي كذا

أنا أنسقه زي ماتنسقون أنتم

يعني النص كامل أنسقه مرة وحدة

مافيه هالزحمة اللي تطلع عقب !!

اقتباس:

---

أنتي طال عمرتس أولى تعلمين الحلاقة بروسنا من ابن دهيم:thumb:

---

طيب كم تعطوني على الراس :7ayyoh:

اقتباس:

---

مار لاقينا هالسبيعي تسن ما عندنا نفسانيين يا شمر<<اشتغلت العنصرية:)

---

اقتباس:

---

الجازي يالجازي

الجازي يا بنت عمنا:hala1:<<خليتس بنت عم يوم قلبنا على هالسبيعي هههه الله يجيبه بالسلامة

---

إلا شمر !!

دام السالفة كذا أجل أبشر بالجازي للأمراض النفسية والعصبية وجراحة القلب والشرايين وبتاع كلو :)

اقتباس:

---

نثري صناديدزك وصررك وصناديز كل الي تعرفين بس هاتي لنا العلم الوكاد عن حالة هالمراهق مدري الي طاب الفيضة وبلشنا به زعلان ومستانس بنفس الوقت وليس بنفس المكان!!

---

اقتباس:

---

---

مراهق طاب الفيضة :3ajeeb:

لاتقول مراهقكم في الأربعين !! ويبي يعدد ولا يدري وش يسوي <<<< هابلها هالتعدد بتدخله في كل سالفة :7ayyoh:

ترى هالحالات ما عندي لها علاج إلا التنويم بشهار :)

*
*
*

أنا أقول يابو خالد مراهقكم هذا لازم تذكر الله عليه

ترى مامثله في المراهقين :)

يعني بالعادة المراهق لامنه طفش أو زعل أو تكدر مزاجه إما تقفل معه وتنسد نفسه عن الكل ويجيه اكتئاب حاد وتسود الدنيا بعيونه وينعزل عن الناس وعن أهله وأحب الناس له !!

أو يصير عدواني ويصير مصدر إزعاج للي حوله يضرب هذا ويكفخ ذاك وحتى لو مزح ممكن يصير مزحه مزح صعايدة :7ayyoh:

لكن مثل هالمراهق اللي عندك بصراحة فلتة ماشاء الله تبارك الله عليه ,,,

لاتسولف به عند أحد ثم يصكونه بعين تطيره لشهار أو الفيضة الصدزية :)

يمكن متضايق من شيء معين أو حتى من شخص معين فيحب ينعزل عنه تفادياً لردات فعله الغاضبة اللي هو كابتها في نفسه عشان مايخسر أخوه أو أبوه أو أمه بالمواجهة <<<< أو اللي متسبب في ضيقته :)

وفي نفس الوقت ينفس عن غضبه المكبوت بالعلاقات الخارجية الأخرى فيضحك وينبسط مع هذا وذاك لحد ما ينشرح صدره وتهدأ نفسه ويرجع لوالديه رايق وفايق :7ayyoh:

تسانه خالد أو حدا أخوانه فلا تنشبون في حلقه خلوه لما يهدا من حاله وبيرجع لكم زي أول وأحسن بعد :)

*
*
*


هاه وش رايك في الدكتورة الجازي الشمري :)


ماودكم تسوون مظاهرات على ابن دهيم

مش عاوزينك يا ابن دهيم

ارحل ارحل بدنا الريم

السطر الأول بالمصري والثاني بالسوري مراعاة للتنوع الثقافي في المضايف :) <<< أبوك يالتصريف :7ayyoh:

رد يبيله مخمخة والنوم يرسل لي مراسيله واحد تلو الآخر

الوعد بكرى ان شاء الله

تحياتي

ابوخالد

الله يعطيك الصحه والعافيه ,, واشكر جميع من اثرء الموضوع


يبدو لي ان المقصود اعلاه اخ صغير او ابن

على كل حال ,,


عندي راي لعله حول ماتقصد وانت خير العارفين يابوخالد

على ضفاف رد الدكتوره الجازي الشمري:)

اقول

اولا
بعض الامور ماتمشي بالهوش وان مشت له اثر سلبي كبير على المراهق لاصار ماهي على كيفوه


وحاول انك تكسر حاجز الكبت بينك وبينه

يعني على سبيل المثال ,, قلل من النصح شوين ,,

خلك معوه ديمقراطي ببعض الامور:)

حاول انك تعاشروه ,, والصلاه ضروريه للمراهق ,






ياخي رفع بوه بلك بيتين:)اليا سوى طيبه

لاتستغرب تراني مجربه:)

هذا قبل سنه تقريبا طلعنا قيله بشمال قطر مع بعض الربع ومعي اخون لي بعمر المراهقه ,, الوكاد غزينا نيشان وقعدنا نرمي ولابنا اللي صاب النيشان

واصوت لاخوي الصغير تعال ارم ,, جاء هو واذنوه تقل مغرافه:)

وهو يرمي واول طلقه وهو ينقش النيشان ابواذان :a:

بيني وبينك تهولت وتنومست بنفس الوقت لو انه صدفه ,, ايه لنا ساعه نرمي وماعندك احد

وارسلوه بيتين ترفيعيه من نوع حدر الفراش:)

ومن هكاليوم وهو قاضبن الدله ليومك هذا:)

والعذر منك تسان مداخلتي شاطحه خصوصن تاليه:hala1:

لك تقديري

اقتباس:

---

المشاركة الأصلية كتبت بواسطة الجازي

ارحل ارحل يا ابن دهيم


مش عاوزينك بدنا الريم

---

هههههههه

شعار 100%:thumb:

حيى الله الدكتورة الجازي

عز الله كفيتي ووفيتي ما شاء الله عليك

اقتباس:

---

المشاركة الأصلية كتبت بواسطة الجازي

طيب كم تعطوني على الراس :)

---

ما نعطيتش شي مادي بس ندعي لك هههههه

وبعدين يكفيتس انك تعلِّمَين بنا وحنا نتحمل أخطاءك الطبية لين تاخذين خبره كافية ثم تفتحين لك عيادة برى الساعة بألف والحسابة بتحسب مثل الدريع وشلتها :)

اقتباس:

---

المشاركة الأصلية كتبت بواسطة الجازي

إلا شمر !!



دام السالفة كذا أجل أبشر بالجازي للأمراض النفسية والعصبية وجراحة القلب والشرايين وبتاع كلو :)

---

كفو كفو يا بنت شمر:goooood:

أما والله من الطنخة بهالراس:thumb:

اقتباس:

---

المشاركة الأصلية كتبت بواسطة الجازي

أنا أقول يابو خالد مراهقكم هذا لازم تذكر الله عليه

---

اقتباس:

---

المشاركة الأصلية كتبت بواسطة الجازي

ترى مامثله في المراهقين

يعني بالعادة المراهق لامنه طفش أو زعل أو تكدر مزاجه إما تقفل معه وتنسد نفسه عن الكل ويجيه اكتئاب حاد وتسود الدنيا بعيونه وينعزل عن الناس وعن أهله وأحب الناس له !!



أو يصير عدواني ويصير مصدر إزعاج للي حوله يضرب هذا ويكفخ ذاك وحتى لو مزح ممكن يصير مزحه مزح صعايدة



لكن مثل هالمراهق اللي عندك بصراحة فلتة ماشاء الله تبارك الله عليه ,,,



لاتسولف به عند أحد ثم يصكونه بعين تطيره لشهار أو الفيضة الصدزية :)

---

لا اله الا الله

هو مميز مميز هما يقولون القرد بعبن أمه غزال ههههههههه

كلٍ يشوف مراهقه غزال لو هو يعلتس الحبال:thumb:

اقتباس:

---

المشاركة الأصلية كتبت بواسطة الجازي

يمكن متضايق من شيء معين أو حتى من شخص معين فيحب ينعزل عنه تفادياً لردات فعله الغاضبة اللي هو كابتها في نفسه عشان مايخسر أخوه أو أبوه أو أمه بالمواجهة <<<< أو اللي متسبب في ضيقته



وفي نفس الوقت ينفس عن غضبه المكبوت بالعلاقات الخارجية الأخرى فيضحك وينبسط مع هذا وذاك لحد ما ينشرح صدره وتهدأ نفسه ويرجع لوالديه رايق وفايق

---

والله معقول

مهو هين هالمراهق والله كبرتيه بعيوننا وانا بزعمي ان تصرفه مااش ماله سنع:)

ألا ما يمكن يكون عنده خلل بالصناديز مثلاً :thumb:

اقتباس:

---

المشاركة الأصلية كتبت بواسطة الجازي

تسانه خالد أو حدا أخوانه فلا تنشبون في حلقه خلوه لما يهدا من حاله وبيرجع لكم زي أول وأحسن بعد

---

وهو كذلك

نصيحتك مقبولة ومحل اعتبار فلك من الشكر أجزله ومن التقدير أخصه دكتورة الجازي

حضور ولا أروع أخي الجازي:hala1:

تحياتي

يا هلا ومرحبا

حيى الله راعي قطر وأهل قطر كلهم

ما عينت الخال ابو نواف وش علومه؟

وصل له سلاماتي لا هنت

الغالي ابراهيم تقول:

اقتباس:

---

المشاركة الأصلية كتبت بواسطة إبراهيم الشميلي

خلك معوه ديمقراطي ببعض الامور:)

---

يا خوي وش سالفة هالديمقراطية !!

ركبوا ظهورنا هالمراهقين والنسوان وما غير ديمقراطية وتفهم وحقوق المرأة والطفل ولا راح بالرجلين الا حنا :)

أما سالفتك مع أخوك فهي رايقة صح وراح نجربه مع هالمراهق اغديه تجيب راسه :)

مداخلة رائعة وحضور مميز بارك الله فيك أخي ابراهيم فلا تحرمنا تكراره

شكري وتقديري

الحاله هذي ليست منطبقه على المراهقين دون غيرهم


اراها في المجتمع عموما بين كبيرهم وصغيرهم



وربما تكون اقرب من ازدواجية الشخصيه



يسلمو خيو الاصمعي

يا هلا ابو نورة

أجل تشوفه متفشية الله لا يبلى

طيب وش أسبابه

هقوتك قل الدِين؟ ولا كثر الدَين؟

الله يزينها يالغالي

شكرا لحضورك الجميل

تحياتي