تصميم بانر .. يطيح بالدكتاتورية ! !

/

السلام عليكم ورحمة الله وبركاته ..

دائما ما أصمم بانرات او شيء يخص المضايف او شبكة شمر ، ولا آخذ التغذية العكسية :)

تماشيا مع أوضاع المنطقة ورأيت أن ابتعد عن الرأي الواحد وأجعل الامر فيه ديموقراطية تحسبا لأي انتفاضة موجهة ضدي :)

http://www.shmmr.net/vb/uploaded/6_01296590672.jpg

يفترض أن يتم تدكين" تغميق " السماء بحكم وجود القمر بها ، ولكن رأيت بنظري الثاقب أن وجود لمسات أناملي بسماء التصميم يفترض أن تترك ضوءا غير ضوء القمر

<<< ما صارت ديموقراطية :)



همسة :

النقد مسموح ، ولا يعني بالضرورة الأخذ به :)

النقاوة اعلى من كذا بكثير ، ولكن لزوم النشر الانترنتي اجريت تقليل للنقاوة

اخوكم ابو سلطان

معك ابو فارس
حزب التجمع الهذرلوجي المعارض :)

نبدأ بالنقد
يا ابو سلطان
يازين شغلك بالبرمجة والحركات واللازم منه

بس انحش عن التصميم
هالحين مسوي التصميم هذا كأنه ثلاث ادوار
دور للقمر--
ودور للشعار
ودور للخيل

يحتاج شئ مدري وش هو
بس اقترح فرمتة التصميم واعادته من جديد




والوعد ميدان التحرير:)


دمت بخير

/

طيب يابو فارس ..

انا عندي مرونة ، هذا تعديل على السريع لقانوني الفيزيائي في التصميم ، وخصوصا المادة 76 :)

http://www.shmmr.net/vb/uploaded/6_01296663080.jpg


أكثر من كذا .. بحل ادارة مضيف التصاميم خخخخخخخ

طيب والخيل اللي تحت قاعد تخرعنا بانصارك يعني

ياخوي الشعار يجهر :)

*
*

احذر الميدان
في حظر تجوال



انا مع ابو فارس
ليه 3 ادوار
يحتاج دمج بطريقة اخرى
والختم فوق حق المضايف( القمر )مبتور الاطار ليه؟؟
اعتقد ماله داعي في التصميم وكافي كلمة مضايف شمر
او تحطه بالخلفية بمود سوفت

تسلم الانامل

*
*

اللي اشوفه انه كله على بعضه رهييب و عاجبني :)

تسلم يديك :)

..

مرونتك وليونتك ماتنفع
الاول والثاني كانهم وجيه يابانيين ماتفرق بينهم
والعتب على النظر


---------
وش رايك تريح نفسك
وترسل المعلومات والمقاس والمطلوب لشخص اسمه طلال
وبيجيك التصميم مانازينه


واضمن لك الشئ هذا

--
لوليتا شكرا لانضمامك لحزب الهذرلوجيا التقدمي الوطني الحر المؤيد المعارض

تسلم يابو فارس على الشهاده الطيبه من شخص أطيب :)

..

ابو سلطان شوف

وش هدف البنر ؟ اعلاني صح ؟ :)

اختصار ايقونة لـ الفيس بوك و كلمة شمّر تفيد بـ الغرض بـ نجاح و سهوله

مثل هذي

تخدم الاعلان اكثر

لو تسوي لنا تصميم و تدمج و شغلات ما اعتقد انه يوصل الفكره للمتلقي بـ سهوله و بساطه

سويت ايقونه يارب تعجبك :)


http://www.shmmr.net/talal/Facebook_shmmr.png


..

عندنا يقولون الواحد لازم يدحلس القائد :)



يعني لا تستغرب إن سمعت كلمة



أوف يالله وش ملكة الإبداع هذي طال عمرك والله ولا ليوناردو دافنشي و لا بيكاسو و لا طلال :)


^
^
^
شف مثل هالعبارة يبو فارس تكسب به ود طرفين ( المشرف العام و طلال ) <<<< ليت تصاميمك مثل كلامك :)

--------------------------------

ودي أقول رأيي يبو سلطان بس أخاف تطيح من رابع دور عقب كلام الترفيع فوق :)

--------------------------------


طيب لازم نقول كلام مفيد أو نقد هادف



شعار طلال متناسق مع ستايل الموقع أكثر من شعار أبو سلطان

لأن اللي فهمته أنه بيكون شعار لموقعنا هناك بالفيس بوك




شكرا لكم



--------------------
أبو فهد الهمزاني

تصدق ابو فهد؟

بديت الوم نفسي
شكلي حطمت الشاب الانيق ابو سلطان

اشوف من كتبت ردي كانه فص ملح وذاب




يا اخي وينه بس خلوه يرجع
احلى تصميم وابداع-------------يرقع بس ماينفع

-----------

تصميم رائع يابوسلطان
ودع عنك البرادعي >مايقصد ابوفارس:)

المهم ضبطوه كويس تراني ضيف عليه الاسبوع الجاي:a:
ابي شعاعه يتناغم من شعاع التعدد وانصارووه:315r:

^
^


شلون يعني تعدد ؟


يحط بدل القمر أقمار



فالليالي السود تزينها الأقمار :)



----------------
أبو فهد الهمزاني

نعم نعم صحيح ايها الموحد الكريم :)
فالتعدد عمل حسن والعمل الحسن
يعني انه فيه حسنات والحسنات نور
والنور يعني الخير والخير مطلب
الخيرين امثالك وشروا القراء.

اقتباس:

---

المشاركة الأصلية كتبت بواسطة ابو فارس

معك ابو فارس
حزب التجمع الهذرلوجي المعارض :)

نبدأ بالنقد
يا ابو سلطان
يازين شغلك بالبرمجة والحركات واللازم منه

بس انحش عن التصميم
هالحين مسوي التصميم هذا كأنه ثلاث ادوار
دور للقمر--
ودور للشعار
ودور للخيل

يحتاج شئ مدري وش هو
بس اقترح فرمتة التصميم واعادته من جديد




والوعد ميدان التحرير:)


دمت بخير

---

ردي اللي قبل مستعجل فيه بالحيل ، ضايقتني صلاة العشاء وبعدها جدولي فل ثلاث ساعات :)

/

وقلت بعد فرصه اشوف من مع المعارضة

اسمع يالبرادعي :)

التصميم فيه روح رومانسية ، وطبعا هذا خارج مدار فلكك ، ولكن من باب نشر الثقافة نترجم الطبقات اللي قلت عليها ..

الجزء العلوي [ سماء وقمر ]

المنتصف [ نهر ] وبأيدلوجيا الرومانسية يضفي " لون السماء " معطفه على الماء فيكتسيه ويعطيه لونه .. طبعا كتابة المضايف ظلالها على الماء .

الجزء السفلي ، شاعرية الصحراء واشباح فرسان المعارك يلازم مخيّلتي " حفظها الله " فأستمدّيت هذا الايحاء في ترجمته بتجسيد يحاكي عالم رومانسية فرسان الصحراء


طبعا .. عصى الرحى هنا هي الرمانسية وأكيد هذا سبب عدم التقاطك لها :)


الجزء الاخير .. هو برزح بين الخيال والواقعية


شفت وش لون انت ظالمني ، لو ماشرحت لك الآن كان حتى في سبتمبر القادم ما أعتقد انك تلتقط المقلب السياسي قصدي الرومانسي :)


تسلم والله يخليني لكم انشر ثقافة الرمانسية بالايحاء :)

اقتباس:

---

المشاركة الأصلية كتبت بواسطة متفاائل

طيب والخيل اللي تحت قاعد تخرعنا بانصارك يعني

ياخوي الشعار يجهر :)

---

الخيل اشباح فرسان الصحراء ، يعني غيرنا عندهم طائرات شبح في السماء ، خل لنا على الأقل شبح فرسان في الصحراء :)


الشعار يجهر إذا نظرت له بنظره جافه ، اعد النظر له وشاهد جيد السماء وشفاه الوله وسراب الأنين ، سوف تجد أن النظر إليه ممتع جدا :)


لا هنت يا بو عمر

اقتباس:

---

المشاركة الأصلية كتبت بواسطة لوليتا

*
*

احذر الميدان
في حظر تجوال



انا مع ابو فارس
ليه 3 ادوار
يحتاج دمج بطريقة اخرى
والختم فوق حق المضايف( القمر )مبتور الاطار ليه؟؟
اعتقد ماله داعي في التصميم وكافي كلمة مضايف شمر
او تحطه بالخلفية بمود سوفت

تسلم الانامل

*
*

---

هلا بلؤلؤتنا ..

فرحتنا برؤيتك ، تشفع لك ان تتخطّي سوط تحليلي :)

فالحمد لله على سلامتك ، ونسأله سبحانه أن يديم أمن واستقرار منارة علم عروبتنا واسلامنا ..


/

خليك من البرادعي :)

^
^

عجست اصبر :)

اقتباس:

---

المشاركة الأصلية كتبت بواسطة طلال

تسلم يابو فارس على الشهاده الطيبه من شخص أطيب :)

..

ابو سلطان شوف

وش هدف البنر ؟ اعلاني صح ؟ :)

اختصار ايقونة لـ الفيس بوك و كلمة شمّر تفيد بـ الغرض بـ نجاح و سهوله

مثل هذي

تخدم الاعلان اكثر

لو تسوي لنا تصميم و تدمج و شغلات ما اعتقد انه يوصل الفكره للمتلقي بـ سهوله و بساطه

سويت ايقونه يارب تعجبك :)


http://www.shmmr.net/talal/Facebook_shmmr.png


..

---

شهادتك أعتز فيها " بردّك الأول " :)


لا يأخذ حزب المعارضة بالطّوشه ياملي ، هو ماهو دعاية ، هذه الواجهة الرئيسية لصفحة الفيس بوك :)

فالشعار ما ينفع ، وخصوصا إذا كان الموقع بالفيس بوك " اصلا "


تسلم يامللي

اقتباس:

---

المشاركة الأصلية كتبت بواسطة أبو فهد

طيب لازم نقول كلام مفيد أو نقد هادف



شعار طلال متناسق مع ستايل الموقع أكثر من شعار أبو سلطان

لأن اللي فهمته أنه بيكون شعار لموقعنا هناك بالفيس بوك




شكرا لكم



--------------------
أبو فهد الهمزاني

---

ما أدري وش اللي فهمته يابو فهد ، هو نفس شعار الموقع بالفيس بوك ، بس بدل ما اصمم واحد ثاني دعايه ، اقتبس اللي بالموقع هناك ..


وبعدين انت خبرتك ببرنامج الرسام ، وانا ابي اللي يستخدمون فوتو شوب :)

^
^

وين الديموقراطيه :)

<< العسكر ماينفع معهم ديمو قراطيه خخخخخخخ


لاهنت يا بو فهد

اقتباس:

---

المشاركة الأصلية كتبت بواسطة عبدالرحمن

تصميم رائع يابوسلطان
ودع عنك البرادعي >مايقصد ابوفارس:)

المهم ضبطوه كويس تراني ضيف عليه الاسبوع الجاي:a:
ابي شعاعه يتناغم من شعاع التعدد وانصارووه:315r:

---

حاسس إني عايش في عالم ، ما يفهمني فيه غيرك :)

شوي وشوي .. وشكلك تبي تجيب أجلي بسالفة هالتعدد :)


لاهنت يابو يوسف ، والله يحييك إن ما شالك الفيس بوك تشيلك عيوننا :)

اقتباس:

---

المشاركة الأصلية كتبت بواسطة أبو فهد

^
^


شلون يعني تعدد ؟




----------------
أبو فهد الهمزاني

---

يعني تبيني اروح هالحين اكتب مقاله بإحياء هالسنّه المهجوره


ما أدري ليش ، احيانا الحديث في بعض القضايا كأنك تسير بحقل ألغام مزدوج كليمور السحالي وبوبي تراب تماسيح :)


السحالي .. عرفت خريطة حقل الغامهن ، بس التماسيح الله يستر :)

والله انا اشوف ان الهوتميل احسن من الياهو
وبوه سهولة في التعامل اكثر <--- مايدري وين التصاميم :)

هلا بريال الفسحة

ما شاء الله عليك ، قراءة في عمق التصميم ، صحيح مثل ما تفضلت هو في خيال الياهو ، ولكن الروح السائده له روح الهوتميل

نظرة ثاقبة


انتبه للعتبه وانت طالع لا تنخمع :)

مدري.. بس تقل لو كانت الخيل جاية من القمر
ونازلة للمضايف يكون أكفأ..

يعني الخيل بالدور الثاني

يـجــــــــــــــنـن










:3ajebni:












عسآإْك على القوهـ ، بو سلطـآن






لكَ وديٌٌ.."شمووســه"..rooose2

تسلم يمينك يا بطل

والله عمل بنر حلو كثير ..

بس همس ممكن ..

فيه عندك الرابط ودي تنزله شوي وتغير لون الخط يكون أجمل .

ولا يظرك مبدع يا بطل ..

تقبل مروري طال عمرك ..

أخوك فهد ..

كنه ناطحة سحاب
الا هو كم دور ياريس !! :)

تعيش وتصمم يارب

اقتباس:

---

المشاركة الأصلية كتبت بواسطة ابو فارس

هالحين مسوي التصميم هذا كأنه ثلاث ادوار
دور للقمر--
ودور للشعار
ودور للخيل

---

بالنسبه لقضية الادوار اتوقع ان عنده واسطه بالبلديه ومطلعينن له تصريح 3 ادوار:solh:


او ان ابو سلطان ناوي ياخذ الثانيه والثالثه:puzzled:


الوكاد اني ابي اسوي تصميم بس مدري متى

اقتباس:

---

المشاركة الأصلية كتبت بواسطة صلفيق

مدري.. بس تقل لو كانت الخيل جاية من القمر
ونازلة للمضايف يكون أكفأ..

يعني الخيل بالدور الثاني

---

يا دكتورنا .. ابو فارس استهدف العقل الباطن ، وصرتم مقتنعين ان فيه ادوار بالسالفه خخخخخخخ

<<< يعني أنه ماهو شايف الادوار :)

/

اخاف اسوي كذا ، يصير اقتباس من بابا نويل وعربات العزلان :)


لا هنت يادكتورنا

اختي شمووسة

تسلمي وربي يخليك


احترامي

اقتباس:

---

المشاركة الأصلية كتبت بواسطة المشرف العام

هلا بلؤلؤتنا ..

فرحتنا برؤيتك ، تشفع لك ان تتخطّي سوط تحليلي :)

فالحمد لله على سلامتك ، ونسأله سبحانه أن يديم أمن واستقرار منارة علم عروبتنا واسلامنا ..


/

خليك من البرادعي :)

^
^

عجست اصبر :)

---

اذا ابو فارس البرادعي
بخليني منه لاني بحب عمرو موسى وبكره اسرائيل :)
وساتخطى المراحل والقمر المشطور
واسبح في النهر المعكوس
لاصل الى فرسان البيد الشجعان
واخذهم لميدان التحرير :)


لولا الاذواق لبارت السلع
وكل عين تشوف اللي تحبه

الله يسلمك ابو سلطان
ربنا يخليك ولا يحرمني من مشاعركم الطيبة
دمت اخي
تحياتي

*
*

حلو ومناسب لموقع قبلي

لكن القمر ليس له موقع من الاعراب ويمكن هو اللي مخرب التصميم


ولو يسويه طلال اكيد بيكون احلى :qannaj: