دوي 11 ابــــــريــــــــــــــــــــل
اخواني رغم ان شهر ابريل معروف بانه شهر الكذب الا ان ذلك الخبر كان صحيحا
وكم تمنيت ان يكون من (( كذبة ابريل )) ولكنها الحقيقة المرة التي اخترقت
صدري كاختراق الطائرات مبنى التجارة العالمي وانهارت اضلاعي كانهيار ذلك
المبنى وكان لصرختي دوي كدوي الانفجار
ملاحظة هامة جدا : 11 ابريل ليس لها علاقه لا من بعيد ولا من قريب بــ 11
سيبتمبر
********** 11 ابريل
في الحادي عشر من ابريل تعرضت لهجمات انتحاريه محد درى عنها ولا
سموها ارهاب .....................
عنوان القصيدة (( دوي ))
الاهداء لكم وللشاعر / عقاب بن عفات الربع
[poet font="Simplified Arabic,14,black,normal,normal" bkcolor="" bkimage="http://www.shammar.org/vb//backgrounds/6.gif" border="double,4,gray" type=0 line=200% align=center use=sp char="" num="0,black"]
في داخلي طفلٍ صرخ يبكي على انقاض الزمن = هي صرخته كالقنبله في داخلي تدوي دوي
كان الخبر كالصاعقة كالطائرة فيني سكن = وانهارت ضلوعي انا بالارض صارت تستوي
احداث جدا مؤلمه عقلي لها جدا فطن = يوم احدعش ابريل شهر الكذب والصدق احتوي
ودموع عيني ما قدر يصمد لها رمش وجفن = حيلي ضعيف ومعتصم في حبل جبارٍ قوي
يا عقاب انا كلي حزن انا مدينة للحزن = لا تلومني لو شفتني جالس وحيد ومنطوي
يا عقاب خلوها كذا ضحك وشياطين وطعن = يا خوك تكفى قلوبهم يا خوك وش هي تحتوي
مليت انا من حكيهم هذا ظهر هذا بطن = الله من هذا النظام الفوضوي الفوضوي
يا صاحبي وين الهرب؟ لا صارت الدنيا سجن = كل الامور بنظرتي عادي وصارت تستوي
وانا ادري ان الميت والله ما يزيد الا غبن = وانا اعتبرت الحي ميّت لو غدى اغلى خوي
الصبر صبري ما نفد والجرح جرحٍ بي كمن = والموت ينهشني ارق والوقت يكويني كوي
انا البسيط اللي ابد ما غره اضواء المدن = جيت متمسك في تقاليد القبايل وبدوي
وان جبتها للتضحيه ترى لها عندي وطن = انا الوفاء والمرجلة والصدق مني ترتوي
شفت الشموخ اللي رفع راسي ولا لحظة طمن = وانا غروري يرتفع ما دام يشووني شوي
هذا الزمن كله معاصي وابتلاءات وفتن = هذا الزمن والله يبي رجّال رجّالٍ سوي
النار شهوات وطرب والنور تدفع له ثمن = ونفسك يابن ادم ضعيفه في سهوله تنغوي
يالله انا سألك يالله اسكن بجنة عدن = وتغفر لي ذنوبٍ جنيته في طريقٍ ملتوي
وفي داخلي طفلٍ صرخ يبكي على انقاض الزمن = قصيدته كالقنبله بالكون تسمع له دوي
ولكم مني كل التقدير
اخوكم / محمد الربع
الرياض
[/poet]
السلام عليكم ورحمة الله وبركاته
هذا الزمن كله معاصي وابتلاءات iiوفتن هذا الزمن والله يبي رجّال رجّالٍ iiسوي
النار شهوات وطرب والنور تدفع له iiثمن ونفسك يابن ادم ضعيفه في سهوله iiتنغوي
يالله انا سألك يالله اسكن بجنة iiعدن وتغفر لي ذنوبٍ جنيته في طريقٍ iiملتوي
وفي داخلي طفلٍ صرخ يبكي على انقاض الزمن قصيدته كالقنبله بالكون تسمع له iiدوي
الشاعر/ محمد الربع
صح لسانك .......... والله يعطيك العافيه,,,,,,,,
تقبل تحياتي..........
محمد الشهري
