زرعـت خوخ ويطلع الزرع رمان
وأزرع نخل يطلع لي الغصن كينـه
واسحـب بنات ويركب البيّر شيبان
وارمي حصاة وتأصل الأرض طينه
وابّحر وأنا عندي سفينة وربان
ويضيع ربانـي وتبقــى السفينـــه
وانزل ويأخذني مع الموج طوفان
واغوص والقـى الحوت عينيّ بعينه
واصرخ بصوت وينتفض مارد الجان
ويظهـر علـىّ مفتلٍ سـاعديــنــه
واذكر له الخاتمّ وسيـرة سلـيمـآن
ويطيح سيف المعركة من يدينـه
وارجع واعيش بعالمٍ كله احزان
ومن القهر صارت حياتي غبينـه
غيريّ يعيش بلذة العمر طربآن
وأنا دموعي وســط عيني سجينه
اضحك واجامل والفرح من له أزمان
بعد السمآء والأرض بينيّ وبينه
لو الصبر غصنٍ نمت منّه أغصان
سقيت من دمّ القهر ياسمينه
كنّي وحيد بكوكبٍ مابه إنسآن
إلا القهر هو والحزنّ ساكنينه
الشاعر \ حمـــود مسلـــمّ
