ديوانية أبو ناب وأبو حسن للتقبيل
إلا سوعال يالربع
هل كل واحد يبي ديوانية هنا بالفلة يعملها بدون قيد أو شرط؟
إذا الجواب بنعم أجل أبي إسوي لي ديوانية لي ولخوي دربي أبو حسن ونسميها ديوانية فرفر وكركر على كيفك أو نسميها بإسم أم الدنيا البيت بيتك .
طيب نفترض إن السماح بإستحداث هذه الديوانية مسموح وإن لم يكن كذلك ننتظر لجنة التعديات لإزالتها.
يالله يا أبو حسن جمع لنا أدوات البناء للبدء في إنشاء هذه الديوانية قبل ينتبهون لنا المشرفين ثم يقشطونها يللا بسرعه.
ويش هالي أنت جايب معك يقول طحين وملح وقوطي سمن ضب يبي خبزه يمال الحجاف تو الناس وتونا مفطرين يا أخي أنت كل همك بالأكل والشرب ماتخاف تنفضخ كرشك هالي لازة حنوكك؟
رح جب لنا حديد وسمنت وطابوق نبي نبني ديوانيتنا مثل بعض الناس هنا.
ويشو هذا يا أبو حسن ؟
سمك يمال البوص والعاكوص ويشبلاك أنت بس تجدل من هالماكولات البحرية يخوي حنا ماجهزنا ديوانيتنا للطبخ والشوي للساع.
وين مواد البناء ؟
كم تبي ؟ هه وهذي 10000 ريال رح إشتر حديد وكم كيس سمنت وطوب يالهتلي .
نعم :
يفاح الكتلي صوتلي ، طيب أبشر بس رح تلحلح .
ويش عندك لك جعير تقل رغاء بعير يالمزعج ؟ لا بس أغني مستأنس .
طيب وين المواد الي قلت لك ؟
عيو يعطونك ليه ؟ يبون فلوس طيب ليش ماعطيتهم فلوس قال نسيتهم في جيب مرتبة التاكسي الي ركبت فيه الصبح الليموزين .
وجع تعرفه قال لا بس لونه أبيض وسائقه هندي ومكتوب عليه اجره ومتجه للدمام وبس.
تدري بلاش من هالحياة ومن هالديوانية يخي وانا أخطف يد النجر أبي أفضخ رأسه يخي وهو يبترم مثل الدأب الأسود وهو يمسك شارع الحمل مثل الصاروخ وأبو ناب وراوه تقل فشقه ويوم وصل تقاطع مدخل رحيمة يمار أنا أقرب له من شراك نعله وهو يروغ يم مكتب شيخ رحيمة السابق للإشتشارات القانونية ويوم بغى يدخل المكتب يخي وأنا أشوته بيد النجر وهي تلحقه مثل السهم ويوم سمع وحيفته وهو يقع على الأرض يمار تمر من فوق رأسه ياهي مستقرة في جبهة الشيخ يمار هو من صيد أمس.
عاد كاتب الشيخ بلغ الإسعاف والشرطة والهلال الأحمر والرقابة والتحقيق والإدعاء العام وماندري ويش يصير تاليه.
أبو ناب كان بايعها ولكن يوم سلم أبو حسن وصار في يد الحكومة تغير الوضع قام يبتسي الله يدفع البلاء تقل وغد.
وهذه الحادثة ستقضي أما على أبو ناب أو على ديوانيته هو وصديقه أبو حسن.
مافيه أحد يبغى ديوانيتنا للتقبيل؟
لاتفوتكم ترو يبي يجيها نزع ملكية
