السلام عليكم ورحمة الله وبركاته
حبيت أتكلم عن عائله معروفه وأشتهرت بالكرم وحسن المعشر والفروسيه والعقاده ولها بصمات معروفه في قبيلة أل مفضل وشمر ولا قصور في جميع القبائل
حبيت أعطيكم نبذه صغيره عنها
وهي عائلة الشعيلي من أل مفضل من اليحيا من عبده من شمر وبعض عزاوي رجالها المعروفين
وأبو شعيل هو ذياب بن سعيد أل مفضل وذياب له
أخو أسمه ذيب وهو أبو عائلة البطر من المفضل راح نتكلم عنها فيما بعد وذياب وذيب أخوان من سره
والذياب أبو الشعيل وذيب أبو البطر وكلهم من العوائل المشهوره بالمفضل
ومن شعيلي أشتهرو بالفروسيه والكرم
منهم راعي العبدا الفارس المشهور راضي غدير الشعيلي
وكذالك خيال العبيا الفارس هجهوج رشيد الشعيلي
وحامل بيرق أل مفضل بمعركة جراب شريده بن قعيب الشعيلي وقيل فيهم الكثير من القصيد
ورعي القامه عايد الشعيلي والقامه هي قائمة البيت كان يعلق الذبائح فيها من كرمه وكان من الكرما المعروفين في عهده
وراعي العوجا شتيوي الشعيلي
وكذالك الفريس والكرما المعروفين مفلح الشعيلي وقعيب الشعيلي وحمد هجهوج الشعيلي وحميدي الشعيلي ومحمد الشعيلي وغدير الشعيلي ورمضان الشعيلي وعواد الشعيلي وتبنان الشعيلي وصلفيق الشعيلي وخلف الشعيلي وديلم الشعيلي وخشان الشعيلي ومناور الشعيلي وغيرهم لاكن لاأذكر اسمائهم
في قبيلة المفضل وعبده
ومنهم شعرا دواس تبنان الشعيلي وراضي الشعيلي وغيرهم
وشعيل مساكنهم في حائل والخطه والسعيره وهجرة الخشيبي ودولة الكويت وحفر الباطن والرياض والدمام وأكثرهم في الكويت انزاحو بعد سقوط حائل
ولهم مواقف وبطولات وقيل فيهم الكثير من القصايد والمراثي بس حبيت اختصر واذكر بعضن منها والي عنده شي يذكره
وهذي نبذه صغيره عن العائله الكريمه المعروفه واتمني منكم اذا عندكم معلومات عن اي عائله معروفه تضيفونها واشكركم جميعأ
أخوكم الرجل
