اقتباس:
المشاركة الأصلية كتبت بواسطة أبو رغد
لا لا أفزعي فقد يأتي الرأي من مفضول فيأخذ به الأفضل <<تنبلع من السفن أب :)
كنت ناوية أفزع معك بس بما إن رايي صار مفضول وأنت الأفضل ,, فالأفضل لي إني أفزع لقريبك وولد عمك ,, خربانه خربانه على قولتهم :)
وخل السفن ينفعك :)
اقتباس:
المشاركة الأصلية كتبت بواسطة أبو رغد
ودي اذبح!
والجريمه ما تستحق الذبح!
ويمكن بعد مهي جريمة
ألا جريمة!
لا مهي جريمة
ألا جريمة وتستحق
لا ما تستحق
ألا
لا
وينك ياجونجر تشوف ربعنا :)
الناس يقولون بيحبني مايحبنيش :)
وحنا يالله أذبح ما أذبح .. جريمة لا مهي جريمة :)
ياويح تسبدي :)
:) خخخخخخخخخخخخخخخخخخخخخخخخخ :)
معليش ضحكه خارجة عن النص بس غصب علي طلعت :)
عموما أنا ميولي للذبح <<<< سفاحة :)
وما لوه إدبح ياعم إدبح ,,
إئطع عرء وسيّح دم :)
<<<<<<<<<<<< ريا وسكينة :)
اقتباس:
المشاركة الأصلية كتبت بواسطة أبو رغد
يابن دهيم الي للأشوار تاتيك**ناسٍ تبث همومها والشكاوي
ويش السواة بمعطي البل والشيك**لبيوت مليانه وناسٍ غناوي
وعن ولد عمه يبخل بقطعة الكيك**ويبيت جاره من عنا الوقت طاوي
يعني يصح الوضع يا صاحبي هيك**أو ننتفض ونقيم ضده دعاوي
وش عاد لو يدعونه المجتمع بيك**في نظرة الأقراب بالحيل غاوي
إلا وش معنى غاوي ,, معليش ثقافتي جونجرية :)
اقتباس:
المشاركة الأصلية كتبت بواسطة أبو رغد
طبعاً ما أود من أخي د عبدالله مناقشته أو من يرى أنه يقدر يفيد بهذا الموضوع هو عن كيفية التحكم بأحاسيسنا تجاه من يفعل ذلك خصوصاً وهو قريب منا ولنا ونرى بأن لنا حق في هذا الخير الذي يبعثره على من لا يستحق الا من وجهة نظره هو ..
وكيف نقاوم ما يختلج بنفوسنا من مشاعر تجاهه أو تجاه من ينالهم فضله؟
وهل شعورنا هذا طبيعي أو تحكمه الأنانية والحسد؟
وكيف السبيل الى التخلص منه ان كان غير طبيعي؟
تحياتي
نجي للجد ,,
وبما إني نويت أفزع مع قريبك وولد عمك بناء على إن رأيي مفضول :) <<<<< تبي تحسسك بالذنب :)
فأنا راح أحط نفسي مكان قريبك وأشوف هل ممكن أتصرف هالتصرف اللي تقول عنه وهل تصرفي هذا فيه ظلم لأقاربي المقربين ,, مع إنك أنت بنفسك أكدت على سالفة إنه ماسوى جريمة ولا ظلمكم ,, ,,
وما دام إنه ماتعدى على حقوقكم ولا تطاول عليكم ,, كل اللي سواه إنه تصرف بحرّ ماله زي مايحب ويمكن يكون صرفه على الأباعد بس برضو حر وما يلحقه ملامة ولا عيب ,, لأن له أسبابه اللي نجهلها ,, وحتى لو ماكان له أسباب ,, مادام إنه ما غلط عليكم فليه تلومونه وتزعلون عليه ,,
الحين أنتم اللي ظلمتوه :)
وعلى قولة الشاعر :
وظلم ذوي القربى أشد مضاضة **** على المرء من وقع الحسام المهند
يعني المسكين كافيكم خيره شره وهو ماسلم من اتهاماتكم وظنونكم :)
هذي نقطة ,,
النقطة الثانية ,,
خلونا نشوف ونلتمس له أعذار على تصرفه اللي تشوفون إنه جانب الصواب :)
أنا لو كنت مكانك يا أبو رغد ماراح أرضى إنه يعاملني مثل معاملته للأباعد ويساويني بهم ,,
إذا ماكنت مثل أهله وأحبابه ونفسه بعد :) فما يعني لي شيء ولا راح أعتب عليه !!
ولو كنت مكانه بعد ما أرضى لنفسي إني أعامل أقاربي المقربين بمثل معاملتي للبعيدين لأن قدرهم ماتعدله الفلوس والعطايا ,, قدرهم في القلب <<<< والملاّس بعد :)
وأحس لو أعطيتهم كأني أجرحهم وأهينهم ,, لأن عطاياي لهم ماراح توازي معزتهم ولو كنت مكانهم راح أنجرح وأزعل !!
يمكن قريبك يمون عليك ويعتبرك بمكانته وهو وإياك واحد ,,
وعشان تكون الصورة واضحة ,, خلني أضرب لك مثل بأفضل البشر <<<< على طاري المفضول والأفضل :) <<< حاقدة عليك :)
الرسول صلى الله عليه وسلم ,,كان أقرب الناس له فاطمة رضي الله عنها ,,
ومع ذلك فاطمة بنته أغلى بناته وأحب الناس لقلبه ,, لما جت تطلب منه خادم ,, أعطاها كلمات معنوية رأى أنها خير لها من خادم ,, مع إنها في نظر البعيدين القاصر واللي تهمهم المادة ,, إن الخادم أفضل ,, خصوصا إنه عليه الصلاة والسلام مانصح غيرها من الأباعد بهالنصيحة وكان اللي يجي يطلب منه يعطيه بكل كرم وأريحية ,,
فحاشاه عليه الصلاة والسلام أن يكون قصده الصيت والذكر الحسن أو إنه يبحث عن شيء ناقصه في الأقارب !!
لكن هو يرى ورأيه عليه الصلاة والسلام هو الحق إن وصيته هذي أفضل لها من خادم ,,
أهل بيته أقرب الناس له وأحبهم ومع ذلك كانوا أقل حظوة ونصيب في الأمور الدنيوية من غيرهم عنده عليه الصلاة والسلام ,,
الهدف من هالمثال ,, إن غلا ومحبة الأقارب لايمكن ترجمتها بالمادة والأشياء الظاهرة ,,
لكن المشكلة لما يسيئون الظن ويفهمونها عكس المراد ,, ويصرون على أن ينزلوا إلى مستوى المساواة بالأباعد ,, ولو عرفوا الفرق بين المنزلتين كان عضوا أصابع الندم :)
يعني إذا كنت يابو رغد محتاج لاقدر الله ,, فما أظنك ترضى أن يقضي حاجتك أقرب الناس لك <<<< هذي وجهة نظري الخاصة :)
لأنها معروف والمعروف يصنع حواجز بين المقربين ,,
بينما لو كان من بعيد فراح أعتبره بمثابة الدين متى ماسددته طاح عن ظهري حمله ,,
بالنسبة لأسئلتك :)
ما أعتقد إنها من باب الأنانية ولا الحسد ,, بس مجرد تنفيس يدل على حرصك على قريبك ومعزته عندك :)
<<<<<<< وش رايك فيني أنفع مصلحة اجتماعية :)
على فكرة ,,
كلامي فوق وجهة نظر خاصة جدا جدا جدا ,, يعني ما ألزمك فيها ولك حرية قبولها أو رفضها ,,
بس حبيت أشرح لك رؤيتي الفضلى :) والناس يختلفون وللناس فيما يعشقون مذاهب :)
لذلك ,,
قل لقريبك إني دافعت عنه وما قصرت كوده يوصلني من هالشيكات شيكين أو ثلاثة :) :)
