السلام عليكم و رحمة الله و بركاته
مسيتم بالخير
ما اقدر اصبر عنكم يالفلة
كود اجيب لكم اعلومي التسايدات
<<<< الله يستر
يالربع قرروا لي الدخاترة عملية :(
قلت تم به مابه إبر :)
الموهم وهم يعطوني موعد تنويم
قبل العملية بيوم
قلت خير و بركة الواحد عالاقل يقدر يريح راسه ولو لليلة وحدة
<<<< من قوة الكر و الفر اللي بالبيت :)
و انا اتكل على الله و اجيهم على الميعاد
يمار كل غرفة عندهم به شخصين
و لقيتهم حاطينن مع شايبن كبر التمرة
يوم دخلت وهو يخزني بعينوه
وانا اديور
و اقول بليا هالعملية كله
اللي هذا اوله
المهم و يغيرون الغرفة كله
و يحطوني لحالي
وانا من زود الأمن و الأمان جايبن لابتوبي معي للعملية
و قبل المغرب بشوي و تجين السستر اللي تجيب الهم
قالت ابو فهد انت لازم سوي حلق شعر مشان عملية و بعدين تروش
قلنا تروش هينه
اما حلاقة وشو لوه
قالت طبعا هي شرق آسيوية
لا لازم كدااااااه بعدين دكتور مشكلااااااااااه اس هداااااه
اويطي
و انا اتلابش معهم
اقول لهم ليه ما كتبتوا بموعد التنويم انك تجي محلق المحل الفلاني
و انا وياهم بمخانق
لما عطون الشفرات و قالوا دبّر عمرك
اما لو يجي باتسر و منت محلق
ترى بنقضبك الباب
وانا اقول اوكي اوكي
قالوا لي بوه لوه شغلة ثانية
من نص الليل لازم تنام
<<<<<<<< تنام بعينك هذي مابه حتسي
لازم تصوم
قلت لهم يالربع إذا العملية الصبح قبل الفطور و عقب نص الليل صيام لما العملية
باللهي وش الوجبة اللي بصوم عنه من نص الليل لما الفطور
قالوا لي لا تشرب حتى ماء :(
و يجين دكتور التخدير و ينشدن
انت مدخن ، قلت لوه ايه ادخن سيجار
قال آخر شي اتوقعه منك انت تدخن
قلت خذاك قلتها معناه اني ما ادخن وليه تنشدن
قال روتين
آآآآآآآآآآآخ منك يالروتين
قال ورني اسنانك
قلت شفهم
بيض يتبالصن
حتى من شوين مار التلميع الساطع و مصنفرهن
قال عندك تركيبات اسنان قلت لوه لا
قال آخر عملية عملته متى
قلت والله ما اذكر من كثرهن ما عاد اجمعهن
قال بنج كامل
قلت بنج و نص
وهو يتركن
و يجيكم الصباح الأغبر
و يحطوني على سرير العمليات و يسوقوني سوق للغرفة
الغرفة ام اكباس
اللي به برج اكباس فوق السرير
وهم يبنجون
و انا يقالي ابتعابط معهم
ما دريت إلا يوم واحد يقولي سلامات لا بأس طالع من الشر
اثاريهم قاضين من العملية و انا يوم يقالي بقاوم اثاريها راحت نومة :)
و يكتب لي الدكتور خروج من ثاني يوم الصباح
و انا اروح يم الكونتر
بالعادة القى بوه سساتر
بس هالحين لقيت اثنين سعوديين
قلت انا عندي خروج
قالوا طيب و اذا عندك خروج ؟
قلت ابي اطلع و اخلص اجراءاتي
قالوا مالنا شغل و اذا تبي تطلع شف هذاك الباب
و انا تقفل معي
قلت شوف انت وياه انت هنا ممرض جايبينكم الدولة لاجلنا حنا يالمرضى موب جايبينكم تكشخون و كل واحد فيكم يزين تسريحة الثاني
قوم انهض انت وياه
انت تعرف تكلم مين
والله بشخطة قلم لا انتفك ورا الشمس
قالوا حبيبي حنا هنا دكاترة :3ayyen_khair:
موب ممرضين
و يدفعون لنا دبل راتبك لاجل نخلص هالاوراق اللي بيديننا
و ترى ما عندنا انت لحالك
فتفضل لو سمحت على غرفتك لما تجيك الممرضة و تعطيك اوراق الخروج
و اخوكم يبلع العافية و يقول " تيّب "
و يا عل ما عادت
و توتا توتا قضن الحتوتات
" طبعا الموقف من احلام اليقظة "
و خوذوا هالدرس من ابو فهد " لا يغرنك تواضع من امامك فتقوم تهايط عليه " و اعط الناس مقاماتهم " و انشد ترى النشدة زينة قبل تورط "
--------------------
أبو فهد الهمزاني
