التصويت على الفائز في مسابقة ... الكاتب الساخر ...
السلام عليكم ورحمة الله وبركاته
بعد الاعلان الذي استمر لفترة طويلة عن النسخة الثانية من مسابقة الكاتب الساخر ...
والتي كان الفضل في أن ترى النور ...بعد الله ... للاخت الغائبة الحاضرة عجايب ...
والتي كانت المشرفة على النسخة الاولى من هذه المسابقة ..
والتي تشرفت بالفوز بلقبها الاول ..
اليوم ...
لدينا ... فقط ... مشاركتين ...!!
ستتنافسان على الفوز ... باللقب ...
تصويتكم ... ورأي لجنة التحكيم ... سيكونان كفيلان ... باعطاء كل مشاركة ما تستحقها ...
والآن أترككم مع المشاركات ..
............... المشاركة الاولى .................
المكان : بيت ابوسعد راعي الشبه
الوقت : الساعه 8 عقب صلاة العشاء يبدى وفود الشيبان بالتوافد على شبة ابوسعد
الوقت الحالي : 7 مساء
::
وش اللي انت مجمعهم عندي الله ابومن جمعكم يالسمرمد ... دي دي يالله
يايبه هذولا خوياي ..
انت عندك خويا يهالدجاجه الصقعا ؟
يالله اقلعهم الله يقلعك هذا مجلس رجال وانت مجمع هالوغادين
(ويقوم الابو يتسحت خويا فهد وهو فاصخن عقاله)
وينزر على ولدوه فهد قدام خوياه ورح سو قهوة وشاهي ولا شوفك تعدى المجلس
::
الساعه 11 مساء
وانت داخل المجلس تلقى على ركن المجلس اليمين
أربع شيبان متقابلين يلعبون بلوت وكل واحد قدامه بناية شاهقه من التتن والزقاره بأفموه
أبوسعد يعفس باكيت التتن ويحذفوه على سعد (يعني قم نظف الطفايات)
واثنين منهم يصارخون على بعض لأن واحد منهم نسى يفرش سراه لأنه التفت على التلفزيون اللي ماسك خفارته خويهم ابوراشد اللي يتحرى دوروه لكنه أجّل رغبته
لأن قناة غنائية طلعت فيها المغنية الفلانية اللي عينها تقل عين بقرة وخصرها تقل خصر سلقه من زينها حسب وصف ابوراشد (للجمال العربي) لها
فا ابوراشد أخلف خويه ابوسعيّد يوم صاح لما طلعت الفنانه وأدى إلى التفات ابوسعيّد للتلفزيون ونسى انه يفرش سراه مما أدى الى أن خويه ابوخلف طلع من طوره وقام يشتم كل عضو صاحي ومهرقل بجسم ابوسعيّد
وكل هذا كان قدام مرأى وأسماع سعد اللي أعتقد أن أبوه على حق يوم قال طلع سمرمدك من المجلس هذا مجلس رجال
ماهقى أنه بيكون تحت رحمة شيبان عواطليه أكبر همهم 400 البلوت وخصر الفنانه ام عيون بقره
::-::
للأسف هالنمااذج كثيرا جدا مانراها ونعيشها
ودائما مانلقى النتائج عكسية على الابناء من ضياع هيبه الوالد أمامهم
وسيرهم على طريق الضياع مادام أبائهم على تلك الشاكلة
فكما قيل :
إذا كان رب البيت للدف ضاربا فشيمة أهل البيت الرقص
والعذر على الاختصار الشديد
فلم أُريد الاطالة عليكم كيلا تملوا
....................... المشاركة الثانية .........................
الوضع مهو عاجبني .....
ياجماعه فلوس ولافيه اكثر من فلوس دولتنا والحمد لله ويارب يكثرن اكثر واكثر كل يووم
نبيهم يحطوون لنا ملاعب ونبي حدايق ونبي مسابح في كل حي عشان نسبح انتم عارفين وضعنا كيف في المنطقه با الصيف حر نموت حر
وخاصه المدن فوووق مهو حر كتمت نفس من ها البيووت وهاالعماير
تصدقوون انا مره في الصيف في عز الحر ميت حر بموووت خلاص وانا احسن علي روحي وقلت يا بشر انت
ليش ما تروح لي احدى الفنادق تغرنق أي تتمخطر وتبرد با المسبح
لحد مايجي العصر ويبرد الجو شوي علي الاقل
وانا اروح لفندق وانا اقص تذكره للسباحه وليتني ما دخلت المسبح اول ما خشيت لقيت امة لاالله الا الله كلهااا قدامي
يعني اذاجيت تبي تنزل المسبح من الزحمه الي فيه لازم تقول لو سمحتوممكن تسوون لي مكان معاكم
لاكن انا بعد ماشفت حادثت غرق جده تغيرت وجهة نظري مية وثمانين درجه السالفه فيهاا الروااااح
خلاص ما ابي لا حدايق ولا ابي نوادي رياضيه ولا ابي مسابح ابي اعيش ابي الحياة
تخيل عزيزي القارئ انك احد سكان جده وكنت في تلك المنطقه المنكوبه ماهو شعورك وما اصعب ان اطلب منك ايضا ان تتخيل
بأن لك صاحب او اخ او قريب غرق ومات هناااك ,, ما اصعب هاذا الشعور
هناك اطفال تيتمو و نساء ترملن
وهناك أباء وامهات علي ابنائهم يبكوون
ويقولوون ماذا نفعل بلمليون
فلندعو لي هاؤلائك الاموات فهم شداء عند ربهم ان يرحمهم برحمته وان يدخلهم فسيح جنانه
فدعو لهم
