"وصية حب".. للشاعر محمد الجعيدي + شيلهـ
[ALIGN=CENTER][TABLE1="width:85%;background-color:black;"][CELL="filter:;"][ALIGN=center]
السلام عليكم ورحمة الله وبركاته
هذه القصيده للشاعر محمد الجعيدي..
سمعتها على قناة الصحراء واعجبتني ..
دورت عليها بالنت ولقيت كلمات القصيده .. مع شيله ..
هذآآ رابط الشيله..
http://www.sadanajd.com/voices-action-show-id-5905.htm
وهذي هي القصيدهـ..
ياللي طرقت الخفوق تجـدد طعونـك=خل المعذب يداوي جرحـه الدامـي
كم لي وأنا دالهٍ في محجر عيونـك=وأبكي على ما مضى من ماضي أيامـي
من طول هجرك تعافى العظم من دونك=أرجوك لا عاد تزرع فينـي أوهامـي
خلني أداري جروحي وأتبع ظعونـك=وأعيش في رحلة العشـاق بأحلامـي
يا عد ياللي ضماة العشـق يردونـك=راح العمر وارد وصادر وأنا ظامـي
عجزت أناجي ضنوني تسمع ظنونـك=لكن خسارة هقاوي راحت قسامـي
لا من سمعت اسم باسمك قلت يدعونك=يفز قلبـي وعينـي دمعهـا جمامـي
أنبح صوتي وأنـا لبيـك يا عونـك=ومن كثر ما العي عليك الجفن ما نامي
ظلمت حبٍ تهشم وسط مكنونـك=لا تظلم الحب أنا ما أرضـاك ظلامـي
مخزون حبك توفـى عنـد مجنونـك=مدفون بين الضلوع وقبـره اهدامـي
ليتك حضرت لوفاته يـوم يدعونـك=كانك تعزي على قبره مـن العامـي
رجواي فيك انتهـت لا لا يردونـك=وشلون يرجع وحبك مات منظامـي
وصية الحب إلـى جاتـك يودونـك=لـساحل فراق تبقى فيـه ما دامـي
وهناك تلقى معـك منهـم يغرونـك=وتموت من حسرتك وتعض لابهامـي
من خان لأجلك حبيبـي لازم يخونـك=ومن هو حكى لك عليك يصير نمامـي
هذا المعذب يوادع آخـر طعونـك=يشكي إلى الله ظلم وينكس أعلامـي
..
اتمنى انها تحوز على إعجابكم
..
تحيآآآتي..
[/ALIGN][/CELL][/TABLE1][/ALIGN]
