هوى البال تكفيني جروحي عن التجريح
[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]
هوى البال تكـفـيني جـروحـي عـن التـجـريح=من الـعــام تـلـعــب بالـضـمــايــر وتـحــرجـها
قضت حاجتك واجـبرت قلبي على الـتـسـريح=قـبـل تـهــتـــنـي روحــي وتـاخـذ حــوايـجــها
عطيت العـهـد واليوم قلـبك عـطـى تـصـفـيـح=والاحـبـاب ماتـقــلـــب وتـنـكــر مـنـاهـجــها
لاجل خـافـقٍ عـنـدك خذى الفوز والترشيـح=من الـلـي يـعــن خــيــول كـذبـه ويـسـرجـها
خذى الـفـوز قـدامـي عـقـب ركـلـة الـترجـيح=وانـا اشــوت والـكـوره تـعــــدي مـدارجـــها
تـدربــت لـكـنـي عـجـزت اضـبـط الـتـجـنـيـح=ولاافـهـم خـطــط قـيـض الـملاعب وثـالـجـها
اسولف ولااضبط لـعـبـة الـضـحـك والـتــبـريح=ولو ضـعـت فـي سـحـر الـهـنــوف ومغانجها
كـتـمـت النكد وافـطن لدربي لاجل مااطيـح=واداري لـواهـيبٍ كـوى الـجــوف واهـجـها
انا كنت اسـير بـحـكـمـة الــرمـز والـتـلـمــيـح=لـعـلـك تـعــدل مـن طـبـــوعـــك عــوايـجـــها
وعـقـبه غديت اذكر هـوى القلب بالـتـصـريح=ونـارٍ عـلـى مدخــل عــروقــي ومـخــرجـها
جـحـيــمٍ تحت لـفـح الشمـالي بوسط الـشيـح=تـشــادي صــواريــخ الـحـــروب وبـوارجـها
تـجــي لـلـضـمـاير من ظـهـر زيـنـة الـتـسـلـيـح=من الـمـجــد مـاهـابــت بـالامواج هـايـجــها
لك الله يالـولا العيب عـنـد الـعــرب لااصيـح=واخاف اسـتـمـع هون السوالف وسـامـجـها
عـطـور الهوى تسـري لنا مع هـبـوب الـريـح=واذا فـاح يـســري بالـضـمــايـــر ويـبــهــجــها
طيـوفٍ رمــت قـلـبـي وانـا الـفـارس الزحـزيـح=وقعت اشتكي من نـجــل الاعـيـان داعـجـها
غــزالٍ يشادي غـصـن مـوزٍ بـوسـط الـسيـح=على الـنـبـع عن مـلــح الـثـمــايل وهـامـجــها
ثـنـــايــــا الغلا يـوضــي بـيـــــاضـــه بــلا تــلـــويح=الا لـيـتــنـــي مـاشــفــــت بـسـمــة مـفـــالـجـــها
احـسب الـهـوى راسـي ولا يـقـبــل الـتــنــزيح=ولااحــدٍ يـعــاف عـهــود قـلـبــه ويـسـهـجــها
ويوم انكشف فارس زمانك بـدى الـتـفـضـيح=بـهــرج الــذي حــاس الـحـقــايــق ودبـلـجــها
قضت فترة الضحـكه والاونـاس والـتـفـسـيـح=وضــاعــت وعــودٍ بـالـرخــى كان يـنـسـجــها
وروحـي مـهـي للـعــرض بالـبـيــع والـتـشـلـيـح=ولا لـعــبـــةٍ تـقـــدر بكــيـــفـــــك تـبــرمـجــها
او انك تـجــيـب الــروح بالعذر والـتـسـمـيـح=مع انـك تـركــت جروح الارواح صـانــجــها
جـروح الـزمـن تـظـهـر بـجـسمـي بـلا تـشـريح=قـبـل شـوف تـقــريـر الــفـحـوص ونـتــــايـجــها
ومدام الـهـوى تـظـهـر حــروفـه بـلا تـوضـيـح=عـلامـك تـهــــيــن شـعــور روحــي وتـزعـجـها
انا تبت عن بـعــض الـطــواريـق والـتـطـبـيــح=والاريــام غـضـيــت الـبـصــر عـن مكـايـجــها
خـطـا العمر مايطـهـر مع الغسل والـتـمـسـيـح=واخــبــر الـجـبــال الـسـود محــدن يدحــرجـها
فلا تـرتـجـي لـجـروح روح الـشـقـى تـصـلـيـح=والابــواب سـكــرنــا بـوجــــهـــك مـزالـــجـــها
فلااريـد من كـفـك لـدرب الـخــطـا تـصحـيـح=ولو شـفـت طـعـــنـات الـحـشـى لا تـعـالــجـها
واذا ضقت راح اكثر من الـذكـر والـتـسـبـيـح=لـمـا الـلــه يـزيــل هــمـــوم قـلــبـــي ويـفــرجـها
[/poem]
