مرحبا فووووز
أهلين شامان
انا من مجتمع يسمح بقيادة المراه للسيارة
واي من النساء اللي بذمتي ولي عليهم مونه
لن اسمح لهن بالقيادة طول ما انا موجود وان شاء الله اني ما اقصر معاهن بشي
وأقصد هنا ان تكون لديها سيارة من غير الضرورة ، لانني ان شاء الله سوف اقوم
بجميع الأعباء .
الله يطول بعمرك.. ويعطيك الصحة والعافية..
بالنسبة للتعلم للضرورة // انا معك في هذه النقطه
حصل موقف لواحد من الجماعه زارنا بالكويت وانا ما حسيت الا رقم غريب
يتصل علي والا هو يعلمني اني زايرنا لكنه الان ممسوك بالحدود ( السالمي )
ولا ييعرف السبب الاكيد طلب مني اجي واخذ الحريم .
انا وصلت السالمي وما حصلت الحريم ، طبعا هم مو سامحين له ان يقوم باتصال
لين واحد عطاه تلفونه وكلمني ،، كانوا مانعين الحريم انهم يكلمونه ( طلع مشتبه فيه )
الأكيد ان البنت وامها حركوا بالسيارة البنت تسوق لين وصلت الجهراء .
انا كلمت الشرطي على الحدود قلتله ما مرتك بنت سعودية تسوق سيارة سعودية
يقول اي والله مرتني واستغربت وما قدرت اوقفها قلت يمكن سامحين للمراه تسوق :3ajeeb:
الملاحظة هنا // البنت هذي بالذات اخوها الكبير كل ما سافر معاها بالليل والا طلع للبر
خلاها تسوق السيارة لين صارت ما شاء الله خبره .
الملاحظة الثانية // الله يهداها مشت 130 كيلو ومن احلى شي .. لين وقفت عند البيت
دعمت رنج روفر موديل 2007 وقتها راعيه جارنا توه مطلعه من الوكاله .. بس حكته شوي بس :)
هههههههههههه
مع صعوبة الموقف.. الحمدلله ربك لطف فيهم..
فوز ... تعلمي وابعدي عن القير عادي خلك على التماتيك تماتيكي تماتيكي
