.. ودي .. اسولف عليكم ..

بسم الله الرحمن الرحيم

/
/
/

السلام عليكم ورحمة الله وبركاته

..

..

هذا يا ربع الفله .. واحد يحب بنت عمه .. واسمها صيته ..

..

وابوه معيي عليه .. فقال هالقصيده .. يترجا ابوه ..

..



يابوي عذّبني جفا رمش صيته


صارت حياتي بين همٍ وغربال


البعد يا صيته ترى ما نويته


لا تسمعي للهرج والقيل والقال


أنتي دفا القلب المعنّا وبيته


وأنتي علاج الروح يابنت بتّال


منك ابتديت الحب وفيك انتهيته


يا أجمل بنات الخلق في كل الأحوال


والله لوترضى بهالحب صيته


لأجعل مهرها من عزيزات الأموال



وبعد هالقصيده .. خطب له ابوه .. وزوجه صيته ..

..

ما أدري وش صار للبدوي .. وسافر بالطياره ..

..

وشاف اللبنانيه تغريد ..

..

وبدل رايه بحب صيته وقال ..




يابوي انا غيّرت رايي بصيته


ماعاد أبيها لو تقولون بريال


القلب شاف اللي على الشط بيته


فيها الجمال وصافي الحسن يختال


يابو عيون وساع قلبي كويته


مابين قلبينا تقاطيع وإرسال


وضّبت قلبي لك وغيّرت زيته


منشان تقبلني على عثرة الفال


ياحبني للبنان لو ما لفيته


لا صار خلي وسط بيروت جوال


إن ما نواني بالمواصيل جيته


أسوق له من صافي الحب فنجال



( أقول مدري كيف بتفهمك اللبنانيه )




..

يالربع مو قليل خاتمه .. عوذه منه ..

..

خلوكم من عاشق صيته ..

..

محاتسيكم .. له فتره وهو .. مفهي .. وفاتح افمه ..

..

ما ادري وش فيني .. انا مسحور .. والا بي بلا ..

..

قلت اروح للمستشفى .. اغديني اتعالج ..

..

وانا اروح واأدخل على الدكتور ..

..

الا دكتوره مو دكتور .. انا .. متردد بين اطلع والا ادخل ..

..

وأنا اتوكل على الله وادخل ..

..

الا طلعت لبنانييه .. والله انها ملكة جمال .. بس حتسيها خرطي مو شي ..

..

اثري لهجة اهل لبنان مو شي ..

..

اتوقع افضل لهجه هي لهجة الشام .. لهجه السوريات ..

..

يؤبرني هالوش شو حلو .. يبعت لي حمى ..

..

اما حنا يالخليجيين .. نتطنز على العالم ..

..

وامحق من لهجه ..

..

تصدقون ودي اسجل لكم .. صوت واحد قطيفي .. عندنا

..

والله ودي ارجع اليا منه حتسى ..

..

يا ويلي .. تحس حنكه مقلوب .. والا كانه يحتسي مع رجله ..

..

والا حقين الغربيه .. ايش بك يا بويه ..

..

والجنوب .. فين تشتغل ..

..

والشمال .. يارجل ما انت رجل ..

..

والله حاله ..

..

لا واهل الوسطى .. هذولا اكثر ناس .. يضحكوني ..

..

توهم جايين من الديره وساكنين الرياض ..

..

سبحان الله يقلب السانه على طول .. ما يسولف ..

..

الا يقولك .. الله يحييك .. تعال فيذا .. عيال الليل ..

..

والله مشكله ..

..


يالربع ..

..

لي كم من يوم ..

..

ودي بعرضه .. بدحه .. بسامري .. بفرينسي .. بحنده ..

..


ابي العب ..

..

مبطي ..

.

..
..



ادري بتقولون مهبول .. وهذا الصحيح انا مهبول .. خخخخخخخخخ





:


:



:




اذا اردت ان تطاع .. فأمر بما يستطاع ..

..

لا تكن كغيرك .. كن مختلف .. لكي .. تكسب نفسك وترضي ذاتك ..

..

حكمة المجنون .. تاتي بلا مضمون ..

..

وصية الشهيد .. تختلف عن وصية من مات على فراشه ..

..

..

..

..


تلولسوا بتحيتي .. ليس بلحيتي ..

:

:



بقلم // فارس الصحراء11

حجزززززززززززز 111111111111



قبل يوسف أفندي

كلنا بنا هالعجله

يا الله ان تحييكم كلكم ..

[align=center]
اطعجني يافارس الصحراااااااااااء








ولك سو هاظ الحجي خوش مولية :)



مافيه يافارس مثل البدوية والله لو تطبق السماء على الارض :)






بلا لبنانية لا هم هم

ولايهونون ربع بالزاف بالزاف :)





فارس صح لسانك ولسان عاشق صيته الخبيل عقب

ماهو يقول





أنتي دفا القلب المعنّا وبيته


وأنتي علاج الروح يابنت بتّال


منك ابتديت الحب وفيك انتهيته


يا أجمل بنات الخلق في كل الأحوال






يقول






يابوي انا غيّرت رايي بصيته


ماعاد أبيها لو تقولون بريال


القلب شاف اللي على الشط بيته


فيها الجمال وصافي الحسن يختال








افا بسسسسسسسسسس <- متحمس الخبيل :)







وزي ماقلت يافارس مافيه زي السعودية باللي خلق واويل المنطعج بس :)




أنا مابي الا بدوية غيره ماملا عيني ولا يملا العين الا البدوية :)






والمقصود بالبدوية اللي محافظتن على بداوته ماهو اللي نشوفه الحين بدوية ومنصلخه


بس لاسمعت المدح بالبدوية قالت انا بدوية ههههههههههههههههههههه













اطعج يافارس لله درك على هالسالفة وسعت صدري وانا متضايق <- أخر مره تضايقت قبل 6 شهور :)





توسد إحترامي
[/align]

قومي العبيلي يالطرقا...يأم الاثويب الامعرقا..


تقيصيريلي وأبرقا..


وابدوّر غريضلي...يحي يحيه يحيه.....يدح!!!

لولو وشنقل تحذف ردودهم :)





<- يدق على خاله الضاري علشان يجي ويحذف ردودكم ههههههههههههههههههههههههه

والله انك صادق يا يوسف ما مثل البدويه ابد ابد ..

..


عسى الله يزوجك بدويه وعلى هواك تجي .. مزيونه .. وبدويه ..

..

..

لا لا يضيق صدرك .. افا عليك ..

..

وليه انا تساني الشلفا .. اررررخو ابووووي ..

..


متى تعرس بس .. يا يوسف ..

اقتباس:

---

وابدوّر غريضلي...يحي يحيه يحيه.....يدح!!!

---

اطعج يا ابو غازي ..

..
عز الله اني ششت .. تصدق .. اني حاط السيف بام الجمايل (( اسم سيارتي )) على شان

الدحه .. والعرضه .. اررررخو ابوي .. لا لقيت لك ناسن شواشه ..

..

ياشين أحلى لهجه لهجة أهل لبنان
وليا قالت هيدا وقامت تدلع على هالقنوات
ماودي أغير القناه
ماعمري شفت لبنانيه قشرا
كلهن يهبلن
بس إذا وصلن 40 يخربن ويطلع لهن كروش ويغدن مثل زول منصور البلوي:solh:


ماألومه هاللي جنب صيته n)وراح للبنانيه
اللبنانيه أرخص وأحلى:thumb:

واستلموا سلامي

ههههههههههههههههههههه

سناعيسو ..

..

لا بالله لهجت اللبنانيين ما تصلح اللي تسمعه بالمسلسلات .. حقتهم لا يغرونك ..

مو لهجتهم هذي لهجت السوريين .. والشوام ..

..

اقتباس:

---

بس إذا وصلن 40 يخربن ويطلع لهن كروش ويغدن مثل زول منصور البلوي

---

ههههههههههههههههههه

هذي تسيف جبتها ..

اقتباس:

---

أرخص وأحلى

---

الرخيص للرخيص والغالي للغالي :)



والبدوية غاليه ماهو كل من هب ودب ياخذه ههههههههههههههههههههه



يالشيخ ههههههههههههههههههه

اقتباس:

---

والله انك صادق يا يوسف ما مثل البدويه ابد ابد ..

---

اقتباس:

---

يافارس ياحلو حتسيهن وكشختهن وواوووووووووووايلي بس <- منفتتن تسبدوه :)

وكشخته لرجله ماهي زي غيره تكشخ للخلق كلهم :)


..


عسى الله يزوجك بدويه وعلى هواك تجي .. مزيونه .. وبدويه ..

اللهم آمين اللهم آآآآآآآآآآآآآآآآآآآآآآآآآآآآآآآآآآآآآآآم ين الله يسمع منك يازين هالدعوه ياعلك تصير سوبر فايزر وتعرس :)

..

..

لا لا يضيق صدرك .. افا عليك ..

..

وليه انا تساني الشلفا .. اررررخو ابووووي ..
كفو كفو ياراعي الشلفا بيض الله وجهك ومايلحقك شك يالغالي

بس تخبر الواحد لاسمع صوت اميمته وخيواته واخوانه الصغار يتضايق لاصار مبطي عنهم :)



..


متى تعرس بس .. يا يوسف ..

---

يافارس ماش ماش ماأعرس يما اسوي شين براسي وماهقوتي يبي يصير ههههههههههههه




انا الظاهر صمل زي ريال الفلس وغابر :)

اقتباس:

---

المشاركة الأصلية كتبت بواسطة فارس الصحراء11

والشمال .. يارجل ما انت رجل

---

منين نخشتها هذه؟



اقول مثل اللي طلع من حايل واول مرة يسافر لبنان
واخذوه للضيعة
قالوا هيدي الضيعة
قال والله الضيعة حياتي اللي قضيتها بحايل


احلى هبال هبالك
يخلي لك عيالك
ويبارك في مالك
وش وداك له
هذه جت عكس


المهم اللغز دوخني

فارس لا يكون انت صاحب هالموقف خخخخخخخخ



اجل لهجتهم مو شي



معجبك لهجتك انت و راسك





سي يو سلااااام




--------------
أبو فهد الهمزاني

[poem=font=",6,skyblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يافارس الصحرا ترى الدار به زين=لايعجبك مكياج بعض الخوارج
[/poem]

فارس سماالله عليك شبك..بك حراره؟..؟دخلت سالفه بسالفه:)
الحين قولي انت تحسي في صيته ولا بالدحه ..حدد اتجاهك:)







بس هذا ابو صيته ملعون اجل يبدل حب صيته بوحده لبنانيه صج عديم ذووقn)<--مابوه احلا من هالنقااب

هلا بفارسنا




ياخي سوالفك يبيلهن جلسة بر ودلال وبريدز


ياخي انت كااااااايف



\






اجل قعدتبه صيته هههههههه


عقب ماهي العشقه راحت وطي













وبصراحه من ناحية الجمال كل بلد فيها الزين والشين



لكن مافيه مثل زولن شفته هكا اليوم ابد









هههههههههه











لاهنت يالذيب



ونستنا اللي يونسك



وتقلد تحيتي

اقتباس:

---

يافارس ماش ماش ماأعرس يما اسوي شين براسي وماهقوتي يبي يصير

---

هههههههههههههههههه

يوسف كل شي يصير .. بس انت عليك .. دقة السلف ...

وما عليك ربك يعين ..

..

وانت وش اللي براسك ومانعك .. عن العرس

ابو فارس هههههههههههههههه

..

نخشتها يا رجل .. ههههههههههههه

..

اقتباس:

---

المهم اللغز دوخني

---

اللغز رمعه ابن غيث .. ابو فارس .. ابشر بغيره

اقتباس:

---

معجبك لهجتك انت و راسك

---

ههههههههههههههههههه

شقردي الله يعز هالخشه .. ههههههههه

..

لهجي احلا من لهجتهم .. ليتك تسمعني وانا احتسي خخخخخخخ

اقتباس:

---

المشاركة الأصلية كتبت بواسطة عبدالله الجعيثن

[poem=font=",6,skyblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يافارس الصحرا ترى الدار به زين=لايعجبك مكياج بعض الخوارج
[/poem]

---

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يسلم السانك .. ما دخل هرجك الشين = بنت الجزيره غير .. للخيل سارج
[/poem]

اقتباس:

---

بس هذا ابو صيته ملعون اجل يبدل حب صيته بوحده لبنانيه صج عديم ذووقn)<--مابوه احلا من هالنقااب

---

هههههههههههههههههه

نور ليه منقهره ...

..

ما عليك منه ابو صيته .. ما عنده سالفه

هلا بعمي الشبث ..

..


والله انك صادز ..

..

كل بلد به الشين والزين ..

..

اقتباس:

---

اجل قعدتبه صيته هههههههه


عقب ماهي العشقه راحت وطي

---

هههههههههههههههههههههه


جا سيلن غطا على سيلها ..

..

..

مااااااااااااااااااااااااالت على الخبل ...



اللي يقاله عاشق صيته..



لو يحبه صدز تسان ماباع الغالي بالرخيييييييييييييص...




تقلب تحيااااااتي