( الضمـــــــــــه الـــضـــمـــه ) ................>> للشاعر ذعار بن محمد
><[] يامن وصلت بغلاك لعالي القمه ><[]
><[] غالي ولو ان في صدك مجازيني ><[]
><[] اقسم برب الملا وبذمتي ذمه ><[]
><[] مافيه غيرك بني آدم ملا عيني ><[]
><[] فيك التفاكير والاعيان مهتمه ><[]
><[] لاعاد ربي زعل مابينك وبيني ><[]
><[] الله يامرك وتراعيني بهمه ><[]
><[] وتصفى الضماير بعد ماانته معاديني ><[]
><[] واذكرك بالغرام اللي نزف دمه ><[]
><[] الين نشفت عروقه والشراييني ><[]
><[] لو لا الصبر كان مااحدن يارد الجمه ><[]
><[] ولولا الامل مابقت صورتك في عيني ><[]
><[] يجيبك الخالق ومطلوبي يتمه ><[]
><[] برضاك ولا على حسب القوانيني ><[]
><[] واضمك براحتي والضمه الضمه ><[]
><[] يصفابها الخاطر وتغفابها عيني ><[]
><[] وتطفي لهيب الخفوق وعطرك آشمه ><[]
><[] ومن عدك العذب تضميني وتسقيني ><[]
><[] وتذم وقتٍ سقاني مره وسمه ><[]
><[] صدك ظلمني ووقتي مايراعيني ><[]
><[] ماعاد اذم الغلا والوقت ماذمه ><[]
><[] ماني مخليك وانته لاتخليني ><[]
