عرض للطباعة
السلام عليكم ورحمة الله وبركاته
كيف الحال يااجماعة الربع
عندي سؤال
ومالقيت وين اطرحه ..
فقلت نمون على اهل العام .. واذا مايصلح هنا .. وجههوه براحتكم الا بالفله فكوني منهم :)
سؤالي
لنفرض ان أحد يبي يسوي مجلة لعايلته ( فخذهم )
يعني ماهو للقبيله ككل لا للفخذ ..
وش تكون عناوين المجله ؟
عناصرها يعني
مثلا
1- غلاف
2- كلمه
3-
4-
الخ
وعلى فكره المجله .. يمكن تكون عدد واحد فقط ..
ابي نصيحتكم .. بالعنااصر .. وهل اسويها على شكل مجله او جريده
واشكركم ... مقدما ... ياهل العرف
أنتظركم ..
أهلا بالاخت الفاضلة عجايب ...
وتمونين على أهل العام كلهم وأنا أخوك ..
صراحة ماعندي جواب ..
ولكن متابع ..
1- الغلاف وتكون عليه شجرة العائلة .
2- كلمة مؤلف تلك المجلة .
3- نسب العائلة .
4- شجرة العائلة .
5- بعض الأسماء البارزة والتي كان لها تأثير في العائلة بالإضافة إلى طرح القصص التي حصلت لهم ويتفاخرون بها .
6- أماكن تواجد العائلة .
7- خاتمة
8- المراجع
9- الفهرس .
أنصحك تكون على شكل مجلة
ما أدري تبين هلون والا انا مخطي
ابو عبدالله
اشكرك على رحابة مجلسكم ياااقايد
لاهنت
اقتباس:
المشاركة الأصلية كتبت بواسطة أبو روز
حلوو حلووو الله يوسع لك .. ذكرتني بعناصر ناسيتها
طيب هل تشوف انه كويس اكتب اخبار العائله يعني اللي تخرج توظف هالسنه
لان كل سنه عند اسرة من هالعايله وهالسنه علينا
ورايك وهداية الله لاهنت
^^^
ما شاء الله عليكم
بس أنا كنت أظن إنها أول مرة وتكون الأخيرة ولكن تقولين انها سنوية
ما أدري كيف تكون هذه المجلة اشرحي لي أكثر يمكن أقدر أفيدك .
8
8
لا يعني اقصد ان كل سنه يصير فيه اجتماع
واللي تصير عنده يسوي حركات في اجتماعه
( رجال فقط )
ولن هالمره .. الدور علينا .. وأسرتنا صغيره مرره
قلت ( من خلف الكواليس ) اعمل .. مجله .. وأقلام او ميداليات .. توزع بالأجتماع
طبعا اذا اعجبوا فيها راااح تكون بداية العدد
يعني اللي بعدنا بيسوون الجزء الثاني .. او نستمر حنا لو خصص لنا من الميزانيه .. مبلغ
>> هذا في حالة اعجبهم العدد الأول اللي ابي اسويه
ياليت تكون وضحت الصوره .. وتدري ايش الصعب
أنك لازم تكون دقيق .. في الاخبار وصحتها .. او القصص وتفاصيلها ..بل ادق تفاصيها
بجد صعبه .. لاهنت ابو روز
كان لردك دعم .. والله لي
اشكرك من هنا الى هناااااااااااك
^
^
مدام كذا ...
لا مانع من أن يحتوي العدد الاول .. على ماذكره ابو روز ...
مع آخر أخبار العائلة ... والمناسبات القادمة .. كالافراح .. وغيرها ...
مع بعض التوجيهات ... والمواضيع ذات الصلة .. كصلة الرحم .. والصدقة على اولي القربى .. وماشابه ذلك ...
أي أن تكون كالمجلات العداية مادامها سنوية ... بس العدد الاول ... يحتوي على التعريف بالعائلة كما ذكر ابو روز ..
[align=center]
والله ماودي اقول شي اخاف يشكون اللي مسوي المجله :)
بس عندي أقترآح ..
لو يكــون فيه لقاء مـع كبآر العائله وكل عـدد يكون مع شخص اذا كان فيه خطه لأعادة اصداره طبعآ :)
واذا مافيـه نيه لطرح عـدد ثآني مآيكون لقاء بشكل سؤال وإجابه .. يفتـح المجال له ويتكلم عن الوقت اللي عاش فيه طفولته وشبابه مع العائله وعن وضـع العائله أول مع ذكر اسماء لكبار العائله بجيله
مدري يمكن يبيله شغله :)
وأقتراح ثاني لـو يكون بآخر الصفحـه عنواين وآرقام كبار العائله
ولازم بعد تضيفون أرقام اللي ماسكين مناصب <_ علشان العالم تستلمهم كل من تخرج دق عليهم :)
ماش مابغيت امر ولا آقتــرح <_ انزلع بس :)
بالتوفيق وعساك ع ـالقوه :)
[/align]
^
^
اقتراحات جميلة ...
ماشاء الله عليك يايوسف ...
حيالله بنت الشايب
تبين الجد ريحي راسك بيجيكي مطفوق
يعكر عليكي جوء فرحتك بالمجله
والله وجع راااااس
واصابعك مو سوء
وبعدين وش فيكي على اهل الفله ؟؟؟؟؟؟؟؟؟؟؟؟
استاذنا منصور .. لاهنت ياااقايد ردك .. مكمل للخطه اشكررك
يوسف
صح صح >> عكس غلط غلط اللي يقولها شقردي :)
لاهنتتتتتتتت بجد فكرتك رائعه ... وجدا كذلك
ردك مأخوذ بعين الاعتبار وأضفت شيء منه لعناصر المجله
اشكرررررررررررررررررررررررك جدا
لاهنت
واحد شقردي
ليييييييييه التحطيم :( ؟؟؟
لا ان شاء الله مااعتقد ان في العايله احد يكره الجديد خصوصا ان هالحركه تعتبر أول مره
فاعتقد راح يجي الانتقاد للاعداد القادمه
لاهنت بارك الله فيك
وش فيها الفله ..!!!!!!!؟؟؟ فديت مواطيها انااااا :)
انا اقول اهم شي لاتنسين الامور التسويقية للمجله مثل انتس تحطين كلمات متقاطعه وكاركتير للعدد .....
بالتوفيق ياعجايب
8
8
فكررره رائعه والله
فكره يستحق الواحد ان يتعب عليها
الغلاف يكون صور كبار العائله
وياتي كلام المولف ومن بعده كلمه للكبار
اقولك تعالي للفله وحنا نصمملك المجله مع خالي يوسف