ولاقول قول ياهل الذوق ماجاز
اتمنى هذا النص القليل يحوز على اعجابكم؟
اقول؟
اروي بيوتن للمعاني معاطيش
ولاقول قولاً ياهل الذوق ماجاز
البيت والمعنى كما الطير والريش
تِم التعادل بينهن وانه الانجاز
قلت القوافي لاتغزل ولاطيش
ولاهن على تاديب مخطي ولا اللغاز
بين الحنايا يوم هلن مراهيش
مئات ورداً للحشاء فرد واجواز
طبن تقل طابور عسكر من الجيش
والعقل ضابطهن ويعطيهن العاز
لولا المثل يمكن مع الناس ماعيش
اوقد؟ مبطي برغي العقل بي باز
اطفش لياشفت السروت الدراويش
يفوح مري فوق كبدي تقل قاز
العن زمان الهيس والسامج الديش
خلا الردي يلعب على الرجل نقاز
هان الرجال النادرين المداغيش
نزل كراسيهم لجل عين ......
واقع حصل بالوقت ماقلت تهميش
شفت انتمائـه لردي حيل منحاز
يادور يانصر الخياش المماحيش
رفعت ناساً مالهم صنف وطراز
هذا ولك مني تجاهل وتطنيش
يلي رفعت البوم واخفقت بالباز
