[frame="15 98"]
[poem=font="Arial,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالبيد ملينا سخافة حضارات = نكبر ونستلطف علوم غريبة
نمشي على الدنياء بليا اتجاهات = ابسط طريق نحوس به ونغديبه
باسم الثقافة لعن ابوها ثقافات = اللي تمس الدين أو تستعيبه
يا ضاع دين وسوّسن القناعات = يبقى خلايا بالعقل وش نبي به
نبي نفكر بصوت عالي وبسكات = ونحاسب انفسنا ونسبق حسيبه
نقضّ جرح الروح ونجر ونات = ونعالج جروح المريض وطبيبه
نتجرع الواقع بمر المذاقات = والمر ترياق الجروح العطيبه
حنا غرقنا في طميم الملذات = نسعى ورا العصفور نطلب حليبه
يالماء المقطر نشربك سبع قطرات = ونعتب على دلو القراح وقليبه
ناكل بلا رغبة .. ونرغب بلا ذات = ونخاف من بعض الحلول الصعيبه
أول رجل واحد يشيل الثقيلات = واليوم عشر رجال ما ينهقي به
الجار ضاعت حشمته والجمالات = والشيخ حلق لحيته دون هيبه
الأرض غير الأرض حتى السموات = شحت بماها ونطلب الله يجيبه
بقلوب يملاها الحسد والخرافات = وكفوف لطخها الخطاء مستريبه
العيب فينا ما يبي له علامات = ونقلب على وجه الزمان ونعيبه
الماضي أبرك وجه من حاضر مات = مثل العنب ماضي بحاضر زبيبه
قالوا حضارة .. كيف لون الحضارات = أنا بدوي كان الحضارة غصيبه
[/poem]
[/frame]
