عليكم بعلاج أبو حسن للكحه
أمس العصير الطفيليل زهم علي جاري ابو حسن قال هلو قلت هلاء قال هو أنت أبو عارف قلت وصلت على خير انا ابو قاشل ماغيره أنت من أنت قال أنا جارك أبو حسن ، قال أقول قلت إيه قال أحلف إنه أنت أبو عارف قلت ويشبلك أنت هو بك خلاف قال لاوالله بس يخي صوتك متغير علي قلت أما هذي كلامك صحيح قال ويشبلاك انت معرس على أم عيالك وغايلتك قلت لابالله إلا أعرست علي أخي هالي يقولون لها أم الجنوب قحة ناشفة ومستمرة لها أكثر من الشهر وغيرت صوتي ووضعي العام قال أبشر بسعدك والله إن الله أشاء إن دواك عندي وأنا أبو فندي.
قلت تقول وتفعل يا أبو حسن ويشو علاجك قال هالحين كم مرة قلت قال وقلت ويقولون لاتكتب بالفصحى ، قال المهم شب لنا بعد العشاء والعشاء والعلاج عندي وأنا أبو هندي هالمرة قل تم قلت تم قال يايينكم بعد العشاء وأعزم الربع الخاصين قلت صار.
يافلان أزهم على فلان وفلان ولان الخ وقلهم تقهووا بعد العشاء عند ابو عارف قال وأنت ليه ماتكلمهم قلت ما أقدر من الكحة قال أجل أزهلهم الله يعافيك ثم قال بعضهم أكيد يبي يسألني هي قهوة أو معها عشاء قلت إذا سألك أحد قل فيه عشاء خفيف متبرع به أبو حسن ولاندري وشو قال صار قلت توكل على الله.
مالكم بطويله يوم صليت العشاء يمار عيونهم تقل مشاهيب بالروضة يصلون معنا بمسجدنا مسجد عبد الله بن عمر رضي الله عنهما. ، قلت بيني وبين نفسي البلشة كان ابو حسن يمزح ولايجي أو يجيب عشاء ثنين أو ثلاثة وهذولا متجمعين يتلمضون لكن قلت ياولد هونها وتهون تجيب لهم من مطعم هلا لك خمس دجاجات وتعشيهم والشيطان على رأسه حصاة.
يوم طلعت من باب المسجد بعد الصلاة وهم يتسابقون علي بالسلام ويش لونك كيف حالك ماتشوف شر قلت الحمد لله عسى ماتشوفون شر والله ركتن هالقحة شوين ولكن ابو حسن يقول عنده علاج منتاز وهو جاي بعد العشاء إن شاء الله قال حديهم وووووووووووو والله والعوافي يخي ويش عرف أبو حسن للعلاج قلت والله ما أدري يمكن أن الله يحط سره في أردى خلقه قال ههههههههههه صدقت والله يا ابو عارف يابعد حيي أنت هالراس.
قلت تسلم تسلم يابو دباس على وزن الراس قال مقبولة منك مدام فيها عشا قلت الله يبارك بهالعشاء الي مار جمعكم قال حديهم مايستحي ولايجامل قال هذا العشاء من ابو حسن ولايكفينا منك أن الله شفاك لازم تعيد لنا قلت ويش أنتم عاملين أعيد لكم قال بمناسبة شفاءك تستأهل العيد قلت أنتم عيدولي شايبكم قال أبشر بس أظنه حرام بدعه مافيه أعياد إلا رمضان والضحية قلت صح يالمفتي.
جاك ابو حسن لابس الفروة وعليه له كوت من حدرها مخابيه متنفخة من وراء الفروة قلنا ويش هالي معك يا أبو حسن عساوه فقع قال لا هذا عشاكم وعلاج ابو عارف قلنا كفو والله ، قال قم جب قدر وصحن وسكين وحط بالقدر خمسة لتر ماء وحطه على الهيتر بسرعه قلت هنا بالمجلس قال نعم قلت لا عطني الي معك نخلي هالحريم يصلحنه داخل وحنا مرتاحين قال قلت لك أنا أبي أسوي عشاكم بنفسي وقم جبلي الي قلت لك وشوين فلفل أسود وشوين ملح يالله بسرعه قلت أبشر.
دخلت على السيدات والساده وجمعت الأغراض وجيت ياوالله المجلس فاضي مابه إلا أبو حسن وثنين ضبان كبار حيات مطلقهن بالمجلس ويقول عطني السكين قلت ويش تبي قال أبي أذبح الضبان وأطبخهم لك قلت وين الربع قال يوم طلعت الضبان من مخابيي هربو هذولا ربعك هالي تنتخي بهم قلت والله معذورين هذولي ماهن ضبان هذولي تماسيح.
ذبحهم وطبخهم وأكلنا بعضهم وأخذ الباقي لعياله لإن عيالي طلعو من البيت وراحوا للجبيل يوم سمعو أن فيه ضبان أحياء بالبيت.
والله إنني تقل أحسن عقب دواء أبو حسن.
الي منكم يعلمني كم قلت وقال في هذه السالفة له جائزه بس يتأكد تروني عادهم.
