السلام عليكم ورحمة الله وبركاته ..
ياهلا والله يهالوجيه اللي من عرفتكم وأنا من رجف لدحديرة :)
يالربع تخبرون هالايام اللي فاتت كنت هاجد وأتعذر اني إجازه وان ماعندي وقت أدخل بس الحق حق :)
أبعلمكم باللي جرىا وأبي منكم تشورون علي وش اسوي بهالمصيبة :qannaj:
تخبرون العماره اللي انا ساكنن به كله مزين وعيال نعمه ولاطلعت برا تشوف المواقف أخس سيارة أفالون 2008 وسيارة واحد فسقان يشغله مره بالشهر <_ كرسيدا تروني اتسذب :)
المهم والمهمات وقبل فترة لاحظنا صياح وجعير بالعماره وقلت يمكن انه منتهي سربوت وماسكتن غلط :)
راح اول يوم وجا الثاني ونفس الصوت وأستمر هالصياح لمدة اسبوع كامل :wallah_hoo:
وأنشد العيال قلت انتم تسمعون الصياح والجعير ولا بس براسي يالربع شكيت بعمري :)
قال أخوي البارح صجني ماقدرت انام وحنا نسولف الا الصياح وانا اقولهم اص اص نبي نسمع وش يقول ...
طبعاَ هو اللي يقول ماهو أنا ___> الله أكبر أقتلوووووووووووو الكفار [ فاصل بكاء وجعير ] وعقب يكمل ويصيح وينك ياصلاح الدين وينك ياخالد ابن الوليد تعالو شوفو الكيفران وش يسوون وآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآ ه <_ يعني يبتسي :)
وأنا أدق على الشرطة ويمسكون الجوال اللي عندي قلت علي الطلاق الا أبلغ باتسر نصبح والطواريء مطوقينا عاد مبطي هاجدين ماداهمو علي الحرام يطشرون مصارينا على الجدران بس خلونا نتلاحق أعمارنا وهم يذلون وأنا ابلغ ..
عاد تخبرون بعض العسكر مسوي ذهين يقولي وين تشتغل هههههههههههههههههههههههههه
قلت ياخي انت دوريات صح قال ايه قلت طيب ارسل لنا دوريه ولاتقعد تسوي جمس بوند علي :)
المهم اننا تناقرنا وقلت له الارهابي هذا اذا فجر تر انت المسؤل عطن اسمك وانفخ عليه وقال خلاص نرسل لكم كتيبة من الحرس اذا تبي دريت اني وخذت :qannaj:
قلت طيب ترن اتحراهم برا ياجمس بوند واحدكم يالله ينقل بطنوه المفروض يمشون لكم راتبين راتب لك وراتب لكرشك :)
ماخذيت ربع ساعة الا رقم غريب يدق علي وتخبرون محد يدق علي يعني على طول ارد :)
قال فلان الفلاني قلت لا أمه مسوي امزح وامون قال معك النقيب فلان من المباحث العامة وأنا من الخرعه طحت على ركبي قلت هلا هلا والله برجال الدولة والله الا تشرب فنجالك طبعاَ مخارج الحروف عندي انعدمت وصار الحرف يطلع غير واضح :wallah_hoo:
قال انت عمارتكم بالشارع افلاني قلت ايه ياذخر الأمة قال اطلع <_ وخذ :)
وأطلع الا الزقرت اللي متحيزمين بالمسدسات وواحد معه عجرة مدري وش يبي :solh:
قالو وين الشقة قلت مدري بالضبط بس نسمع صياح وربكم كريم :)
وهم يقعدون 3 ساعات بالشقة عند الداريش وانا يوم ابطىا ماصاح المروح قامت تدرج سبلتي دريت اني رحت بخبر كانا ...
قال وين الرجال اللي يصيح ...قلت ياحضرة الشرطي مدري وينه يمكن نام ولا حطو له اخوياه حبوب منومه <_ ابوك يالتحليل
وهو يسطرن وهم يقومون يزخوني سما ورضخ بالقاع ..
وصارت الدنيا عندي تستدير وصرت اشوف السقف يميني ومره يساري ومخدتي العلم به تفتش يحسبوني مدمن :wallah_hoo:
المهم اني طلعت عقب ماخذوني ومالكم بتفاصيل التحقيق أسرار دولة لاتدخلون يامواطنين :)
ويالربع صرت الحين دايم مقفل جوالي اذل تدق امي ويسمعون صوته تخبرون رجل مهم أنا يعني أروح للبقالة ووراي أمن انتبهو لحد يفكر يتعرضن :)
ابي شوركم يالربع وش اسوي بهاللي يصيح يوم طلعت قام يجعر ولو ادق الحين يجون ويدبوني ويخلوني اقول للعنز يادنيتي ماهو ياخالة من قشرالضرب اللي يبي يجيني :)
توسدو إحترامي
