مشاهد من حياة الطعوووس ..
بسم الله الرحمن الرحيم
ســــــــــــــــلام مصفى ومنقى ومغسول بماء ورد ...
لأحلى ..زقرتات وزقرتيه .. بالمضايف كلها ...
بكره الخميس واللي مايتنكس يخيس ..
يالربع .. ياليت صديقاتي
موضي الشمراني وصيته وزبيده
كان كل يوم أسير عليهن ويطقن لي ببلاش ...
:)
انا لا قالت صيته .( آآآآآآآ ) قلت أمممممممممم .. >> بري حالي
ماعلينا ..
يالربع .. خويتي .. (طعس ) له يدين وراس ..
طبعا مثلي .. انا وياها طقم .. بس مدري احس انها ماركه .. أعنف شوي يعني
ضاق صدري بالمدرسه لحالي .. ودبرت لها ( و ) وجبتها هالسنه معي ..
طبعا هي ماشاء الله عليها ماخلت دوره ولا شهاده الا خذتها
بس البدوي بدوي .. لو ايش
المهم
قدر الله ومسكت مربية صف ثاني ابتدائي
واليكم مقتطفات من يوميات عجايب وخويتها
اول يوم قلت لها تكفين الدله وبري حالي ولبيه خليها بالبيت الصبح وتعالي المدرسه لاتفضحينا عند البزارين يعلمون اهلهم
طبعا البدوي بدوي مايفتهم .. من عصر الرسول ( الأعراب)
وقدر الله وتجيها بالصف بنت من ديار مطير بالصمان ... ناقله لنا
بنت طعس بكرتونها وصوتها طوويل
هي تقول ياابله كأنها تنخي
وخويتي : يالبيـــــــــــه
الله يرحم التربيه والتعليم
عاد خويتي مبسووطه عليها تقول : عجايب ياحي عين ذا البنت
تحب المطر والبل
تقول : ليه ياأبله مانطلع للساحه ندعي الله يجيب مطر ؟
قلت انا زين زين :( فاقعتن مرارتي .. خايفتن عليها من الموجهه تنتقدها ...
وفي يوم حصة العلوم ..
كان فيه درس المخلوقات من حولنا
مقارنه بين الجمل والأسد
وخويتي تشرح
( الأسد يأكل اللحوم - والجمل ياكل الأعشاب / الأسد قصير والجمل طويل / الأسد مفترس والجمل أليــف )
قالت البنت : لااااا ياابـــــــله .. الجمل ماكل خـــالي ..!:a:
وين أليف ؟ اجل :(
تقول خويتي وش اقول ؟ ماعاد هو اليف ..
***
اليوم طالعه مع البنات بالباص كان فيه مشكله وقلت اطلع معهم كمراقبه
ونزل السايق فجأة شكله يكلم له هندي والبنات اول وثاني وثالث
صغااار جالسات .. وانا استلعن ابي اخوفهن
قلت يالله انزلن .. روحن لبيوتكن على رجليكن
وهن يراعن لي :a: :a: :a: :a: :a:
ويغدي لهن صياااااح لا لا ..
حاميها حراميها .. :)
***
ايام اغنية (عبدالقادر) طقوها الطقاقات بعرس
رقصت عليها بنت جيراننا وهي تقوم جدتها
تعلم اخوها .. تقول : اختك شلحت فصخت الحياء راقصه على عبدالقادر .. :a:
يوم قال اغنيه عادي
قالت : انت سلوقي كأنك أياها .. مثلها . :)
***
عمتي
شافت بناتها يشربن بايسن
قالت : والله ان الأيدز ماجاكن الا منه :a:
( فاهمه الأيدز .. زكمه )
***
وللحديث بقيه الى موضوع اخر
عجايب كراني ..>>الجو يساعد
طحياتي ..........
