عصيدة التمر ( محلى ) لذيييييذة لا تفوتكم يا جماعه
الأغراض اللازمة :
طحين أسمر _ تمر طبعاً نشيل منه ( الفصم .. قصدي النوى ) التمر والطحين نفس المقدار بالوزن ..
ماء حار _ أصبع زبده ذايبه _ قليل من الزنجبيل الناعم والملح والفلفل الأسود المطحون و المنخول والهيل المطحون و المنخول
فرن للطبخ ... خخخخخخخخخ
الإعداد :
بدون زيت أو زبده .. احمسي الطحين بصينية تيفال حتى تشمين ريحته الزينه .. واللي فيه زكام مايشم .. يحمسه إلين يشقر شوي ثم اتركيه يبرد ..
وبعدين انقعي التمر بالماء الحار لمدة نصف ساعه ..ثم اخلطيه بالخلاط الكأس .. ( من أول كنا نمرسه مرس .. بس هالحين .. ماشاء الله كل شي تسهّل .. ) >>> لا تطلعين عن الموضوع ..:p
نرجع لمريستنا .. قصدي لعصيدتنا ...:D
بعد ما تطحنين التمر اشخليه علشان كانك ناسيتن شي من الفصم يطلع في المشخالة ماهو تكسرين سنون ضيوفك |512|
بعدها تجيبين قدر كبير أو زبدية ثم تحطين فيها عصير التمر اللي أنتي سويتيه ثم تحطين عليه الطحين شوي شوي وتحركينه .. إلين ينتهي المقدار ويصيرسمكه أخف شوي من سمك خليط الكيك ..
ثم تضيفين له نصف الزبده والملح والفلفل الأسود والهيل والزنجبيل ولا تنسين تذوقين الطعم علشان تعرفين ضبط الطعم والا لأ .. ماهو تاكلينه .. انتبهي .. بس ذوقي بطرف لسانك ..
ثم أحضري القدر اللي تبين تطبخين فيه العصيده وادهنيه بباقي الزبده .. ولا تنسين تدهنين حتى الجوانب .. وصبي العصيدة فيه ومن المهم جداً جداً إنك ما تحركين الخليط بالملعقة بعد صبه بالقدر علشان ما يلصق بالقدر ويحترق ..
بعدها حطيه بالفرن بعد ما تولعينه .. ماهو تنسين .. :o
وبعد ما تشوفينه طبخ خلي لنار هادئه .. واتركيه لمدة أربع ساعات من غير ما تحركينه بملعقه .. لكن نسمح لك تفتحين غطا القدر بس للاطمئنان ..
وبعدها ..
وعند التقديم ..
وحسب الرغبة ..
رشيه .. بقليل من الزبدة والفلفل الأسود ..
وادعي لي بطولة العمر والصحة والعافية ..
-----------------------
أمكم العجوز السنعه ..
