عرض للطباعة
انشدك عن رجلن جهل وازعل خوات امه
خوات امه خوات له وخوات ابوه خالته
ثقيل بالحمل وثقله لا وقف عمــــــــــــه
خفيفن وان قعد خاله وعلمه عند عماتــــه
قديم قاضي لونه قديــــــــم قاضي دمه
خفيف واجرد واطرق والا ياكثر سياته
عمي ويشوف بالظلماء كثير من نقل همه
دليله مايتيه ابدن (هلا حله لنا هاتـــه)
هلا بالشمالي وبلغزه الجزل ..
الحقيقة هاللغز من أنواع الألغاز اللي استمتع معها كثيراً
وأتمنى أنها تطول في البقاء بيننا ..
.
.
سأعود بعد أن أستعيد حيويتي الذهنيه :)<-- أيه هين ترجع ونشوف
هلا بك اكثر يالقرم
وحياك الله باي وقت يالغلااا
المنتدى منتداك والبيت بيتك
بانتظاااار عودتك ياراعي البيرق
ومافيك حيله وفاااااااااالك البيرق هههههه
والله يوفقك ويسعدك ولاتطول الغيبه
شهر شهرين سنه سنتين هههههه
وتحيتي وتقديري لقلبك النقي
في امان الله
عندي رمعه أولى .. أدري أنها ما هي لهناك ..
لكن أبي أقوله :)
وشرايك بالمناره ..
هلا والله وغلا
براعي البيرق
ولو على عيني انت ورمعاتك
بس للأسف ما اصبت هالمره
وبنتظااااااارك وانتظار رمعاتك القادمه
تحياااااااااتي لك وكن بخير
مساء الخير.... الشمالي......
يمكن يكون (( القارمن ))
اقتباس:
المشاركة الأصلية كتبت بواسطة al-shmaly
والله من أخلاقك الطيبه يالشمالي ..
ولا كان قايل ..
وين رايح يالخو .. أنا أنشدك عن رجل .. وانت ترمع المناره .. :)<-- يرمع وهو مغمض
عندي رمعه ..
وشرايك بالمشعل اللي ينقل أول لقص اأثر الحنشل ..
اقتباس:
المشاركة الأصلية كتبت بواسطة الكاسح@
هلا والله ورحب بالكاسح
نورت متصفحي المتواضع
والله يسعد اوقاتك بكل خير
وللأسف مش القارمن يالغلااا
بانتظاااارك ياذيبااان
والله يوفقك ويسعدك
اقتباس:
المشاركة الأصلية كتبت بواسطة راعي البيرق
هههههههههههه
الله يضحك سنك
وياعلي ماذوق حزنك
وهالرمعه غير صائبه
ولاتحرمنا طلاتك العذبه
والله يوفقك ويسعدك ياذيباااااان
[align=center][/align]عندي رمعه طال عمرك ..
وشرايك بالجدي ..
والله اللغز مهو هين يالشمالي
عندي لي رميعة وعلى الله التوفيق
مهو الرادار
وتقبل مروري ورميعتي
:
[align=center][/align]عندي رمعه ثانية يالشمالي ..
وشرايك بالنجر ..
هلا وسهلا
راعي البيرق ؛ وابو طروق
وانتم ورمعاتكم على راسي من فوق
بس ما اصبتم الهدف
والله يوفقكم يارب
دمتم بخير
أبي والله أغثك يالشمالي :)
كل شوي رمعه يالشمالي ..
رمعتي الجديده .. وشرايك بالسبيل .. سبيل العظم الأول
....
على فكره أنا أرمع عرج .. علشان كذا تبي تكثر رمعاتي وادوخك .. :315r:
طيب وشرايك بالخنجر وأمه الشبرية وابوه السيف
مادري شلون بس أبي أرمع
:
[align=center]
صح لسانك يالشمالي ....!
والله يقوي الجميع .........!
لكم تحياتي
[/align]
ما يصير
السراج؟؟
ياعلي ماذوق حزنكاقتباس:
المشاركة الأصلية كتبت بواسطة راعي البيرق
وهلا بك انت ورمعاتك
وبالغكس انت تسعدني بتواجدك العطر
وما اصبت هالمره يالغلاااااا
بانتظاااااارك برمعه جديده
والله يوفقك ويسعد يارب
حياك الله ابوطروقاقتباس:
المشاركة الأصلية كتبت بواسطة أبوطروق
شرفت ولاكلفت انت ورمعاتك
وللأسف ما اصبت هالمره
بانتظارك ياذيباااااان
والله يوفق الجميع
ابقاك الله شاعرنا القديراقتباس:
المشاركة الأصلية كتبت بواسطة كحل المحاجر
وصح ابدنك طال عمرك
وياعلي ماذوق حزنك
على حضورك العذب
والله يوفقك ويسعدك يارب
هلا وسهلا في سهام الغيثاقتباس:
المشاركة الأصلية كتبت بواسطة سهام الغيث
وللأسف الشديد ماصار
بانتظارك والله يحرسك
ويوفق الجميع يارب
انا يا اخوان ودى ارمع هالرمعه وان شاء الله تكون بالمرمى
(((((((((((((( الضرس )))))))))))
99999999999999
حياك الله اخوي محمداقتباس:
المشاركة الأصلية كتبت بواسطة مجيد الصلال
نورت مضايف شمــــــــر
ونورت متصفحي المتواضع
وللأسف ماصارت بالمرمى يالغلاااا
بانتظااااارك وانتظار رمعاتك القادمه
واتمنى لك النجاح والتوفيق
ودمت بخيــــــــــــــــــر
الشمالي ...
كيف الحال أنشالله بخير.....؟
وجب الآن عليك أن تأتي بالحل , أخي الكريم بما أن لغزك , جلس فتره طويله بدون حل , والآن وجب عليك وانا اخوك انك تكتب الحل وتشرح للاخوان اللغز...!
ولك مني كل الشكر والتقدير...!
حياك الله مشرفنا كحل المحاجر
والله يجمل حالك انا ابخير ياوجه الخير
ودامه وجب علي ابشر بي طال عمرك
انت تامر امر وانت احلامك اوامـــــــر
(((الحل هو المعكاز او العصا )))
طبعا اللي يتعكز فيها الشايب واللي
يرعى فيها الراعي وان شاء وصل الحل
وخوات امه وخوات ابوه يقصد بهـــــــــا
اصابع اليدين واصابع الرجلين (الله يكرمكم)
ويقول ثقيل بالحمل ثقله لاوقف عمه
خفيفن وانا قعد خاله وعلمه عند عماته
وهنا المقصد لاوقف وتعكز على العصا
بيكون الحمل ثقيل على العصا والا قعد
بيكون وزن العصا خفيف وهالبيت هو المغزى
وقديم قاضي لونه ودمه وهزيل واجرد واطرق ولا ياكثر سياته
طبعا العصيان القديمه الصلبه وطبعا له حسنات وله سيئات بعد
ويقصد انه يضرب به وهالنوع من العصيان مافيه شي يكسرها!!!
وطبعا البيت الاخير كما هو معروف عمي ويشوف بالظلما كثير من نقل همه
ودليله مايتيه ابدا هلا حله لنا هاته هذي سلمكم الله الشيبان هم اللي
يشيلون همه عند الكبر لاقام يتعكزون وايضا العميان مايمشون الا به !!!
ارجـــــــــــو اني وفقت بالشرح مشرفنا كحل المحاجر
واعتذر اذا الشرح ما وفى لاني في العمل واكتب على عجله
هذا وتقبلو مني خالص الاحترام والتقدير
اقتباس:
المشاركة الأصلية كتبت بواسطة al-shmaly
كبير يالشمالي صح السانك وأعتلى شانك...!
كفيت ووفيت عز الله , سلمت ودمت
لك كل الشكر والتقدير على ماتقدمه من جهد وعلى هذا الخلق الرفيع ...!
تحياتي لك أخي الكريم ...!
ماعليك زود يا القرماقتباس:
المشاركة الأصلية كتبت بواسطة كحل المحاجر
وصح ابدنك طال عمرك
والله يسلمك ويعافيـــك
والعفو طال عمرك من ابسط ماقدمت
وشهادة اعتز فيها وافتخر من شخص رايع
والله يقدرن على تقديم كل ماهو مفيد وقيم وراقي
وان شاء الله اكون عند حسن ظنك وظن الجميع يالغلاا
وتحيتي وتقديري لكل من قرأ والله يوفق الجميع