قولولي ياناس ويش أعمل بغيت ثوبين وخذوا ثوبي
السلام عليكم ورحمة الله وبركاته
مهما تقدمت بك السن تمر عليك مواقف وتجارب وأحداث غريبه وتقف عاجزاً عن كيفية التعامل معها بالشك الصحيح.
لقد حصل معي موقف من هذا النوع نادر الحدوث وإحتاج إلى مشورة إخواني وأخواتي في مضايف شمر للخروج من هذا المأزق بطريقة سليمية دون سفك دماء.
الذي حصل معي هو الآتي:
لقد عقدت العزم على الإجازة السنوية في منتصف شهر 8/2008 عاد قال الشايب أبي أشخٌص يعني أكشخ على أهل حائل وبداءت رحلة المشتروات الخاصة بالتشخيص نبداء من الحذاء أجلكم الله إلى البشت الملكي وصرت أسأل عن أكثر محلات الخياطة الرجالية سمعة ومهاره .
وقال لي أحد الأصدقاء المستشارين عندك الخياط الفلاني لايفوتك ي أبو عارف يصب الثياب صب ويخليك تطلع ولد ابو عشرين سنه وكان في مدينة تبعد عن مقر عملي 70 كيلاً على قول قول إخواننا المثقفون.
طبعاً فرح الشويب بهالكلام الذي يدغدغ المشاعر ويسر الخاطروركبت سيارتي بعد الدوام ولم تأتي الساعة الخامسة مساءّ إلا وأنا أترزز أمام محل هذا الخياط المنعوت.
طبعاً إلى حد هنا مافيه مشكلة ودار بيننا الحوار البديهي التالي:
سلام عليكم وعليكم السلام أهلاً وسهلاً نعم يالطيب ممكن أخدمك بشيء تفضل ، الله يبارك فيك دام فضلك نعم أنا جايك من طرف فلان يسلم عليك ويثني على شغلك وكان في وده أن يجي معي لكن صار عنده شغل، هههههههههه الله يحييك اهلاً وسهلاً مرة ثانية أنت تأمر ونحن ننفذ.
ياسلام على الأخلاق لقد أخجلتموني بهذه الحفاوة الزائدة الله لايهينكم الإسم الكريم ثابت السقاف عاشت الإسامي يا نقي يعني ناجي جيب لعمك أسمك الله يسلمك ابو عارف جيب لعمك ابو عارف شاي .
قلت لا لا مايحتاج فقط أبيك تفصلي ثوبين إثنين من اطيب الخام عندكم أبشر ياعمي هذا بكم 240 وهذا 300 وهذا 180 طيب أبي من هذا وهذا ولايهمك ياعمي خذ الي تشتهي جليه أكل أخذ الي أشتهي نعم لا لا بس أنا أتكلم فلالي ماهو الفلالي يعني فل الخام وفصل توكل على الله طيب وقف هنا عطني المتر المقاس ياناقي.
ويش تبي نوع الثوب كويتي صعودي أو قطري حقازي طيب شروطك ياعمي أخنا المقاس ـبي أزارير مخفي أو مكشوف مكشوف ، ساده أو كبك ساده وأبي مخبا جوال يسار يسار أو يمين لا يسار هههههههه طيب يسار ليش يسار أنا أشدف أعسم أيسر زين ويش هالتحقيق لابس أنت أول واحد يطلب الجيب يسار معليش.
أوكيه خلاص خلاص كم المقدم كامل المبلغ على شان يمكن ارسل لك واحد يجيبهم طيب ولايهمك ياعمي بس عطنا رقم جوالك نحطه بالحاسب حتى ياجيت مرة ثانيه تعطينا رقم الجوال فقط ونحصل على معلوماتك المقاس وكل شيء ونفصل لك غيابي بالتلفيون كلمنا فقط وأبشر بطلبك دفعت المبلغ وأخذت كرت وصل ومشيت.
للي يبي يضحك أو يأخذ عبره الضحك في الحلقة أو الحلقات الجاية هذه الإتفاقية والمصخرة والمذبحة والملعنة صارت في الملاحق اللاحقة إنتظرونا هذا إذا ماغيرت رأيي وبعتها عليكم بيع كم تدفعون بالحلقة الواحدة هي مسلسل من 12 حلقة كل حلقة صفحتين وعلى الله العوض.
