% قصة زواج % ( اهداء لمنصور الغايب )
[align=center]
بمناسبة زواج اخونا منصور الغايب حبيت اهدي له اي موضوع
او اي سالفه ينبسط عليه
ولا شفت ازين من اني اذكر له المعاناة اللي مريت فيها يوم زواجي علشان يتعض
فالسعيد من اتعض بغيره والتعيس من اتعض الناس به
وقبل ابداء في سرد المعاناة اللي للحين وهي تسبب لي تكه وغصه في التسبد
بقول ان فيه واحد من الاخوان الغالين علي حيل ( وكلكم والله غالين )
يقول يالشبث انت تصير لك مواقف بس تملحه
وهو صادز
بس اوعدوه واوعدكم اني ما املح هالسالفه ابد واجيبه زي ماهي
نجي للسالفه
كان يوم زواجي يوافق يوم خميس ليلة جمعه بقصر درة الخليج ( ياربع تروه فات لا تروحون )
وكان فيه يوم الاربعاء عشاء بأستراحه وحضرها عدد من الاخوان بالمضايف
واخوكم بالله العريس ( شبيثان ) مشتط وشادن حيلوه
واسهر معهم هكا اليوم ضحك وسوالف لين الفجر
ورحت للبيت ( مع اني مستأجر شقة ولا في الخيال )
وعقب ما صليت وجلست اخر جلسه على فراش العزوبيه
قمت اهذري مع نفسي
ياربي وش بيصير ؟
ياربي تهونه علي ( تقل يبي يولد الاخ )
ياربي وياربي وياربي
لين جت الساعه ست الصبح
وانا اقوم من الفراش واقوم اهز
واغني ( الليله احساسي غريب .... عااااشق وانا مالي حبيب )
وافتر
ومادن يديني ( مثل الوغدان اللي بالفوازير حقت رمضان )
وما فطنت الا ابوي داخلن علي
وبدون ما يكلمن
وهو يمسك راسي ويحطوه على صدروه
وهو يقوم يقراء علي المعوذات
واية الكرسي
وليما تخدرت ونمت ( الله العالم ان بي بلا )
ويوم جت الساعه ثمان الصبح
وانا انقز تقل مقروص
وركض داخل البيت
قالت امي وش بلاك ياوليدي
قلت راح الوقت علي ماسويت شين
العيال ينتظروني
قالت ياوليدي تو الناس ماصار شين للحين
واراعي للساعه ليمار تو الناس
ويوم قرب الظهر واودي اهلي للقصر
وارجع للبيت واخذلي دش حق صحصحه
واروح للحلاق
وانجضع عندوه قلت حلق وسو اللي تبي تسويه انا ابي اغفي لي شوين
والله يوم جت الساعه ثنتين يمار خالص
وانا ارتسب السياره ابي اروح للشقه
واوقف عند اشاره
واول ما ولعت الاشاره خضراء وهي تطفي السياره وتعيي لا تشتغل
والمصيبه انه بنص الشارع
وشارع رئيسي
وبدون سابق انذار
والمصيبه الاكبر منهو اللي يبي يقدر اني عريس
والله ماجابو لي خبر
الوكاد وهي تخرب عندي
وانا انجضع على الدبه واقوم اشر للناس برجليني
وكل ما كلمني واحد قلت تلااااااااااايص ماني ناقصك
وانا اتصل على شنقل
قلت ياشنقل افزع لعنبو بليسك
قال العلم
قلت عض خشمك وتعالي بالشارع الفلاني متعطل
وهو يقوم يضحك ليه تتعطل وانت عريس ( ياربع انا فاضي لغباؤه )
قلت شنقل واللي يرحم والديك تعال واسأل السياره عيت ترد علي
ياخي حرام عليك صلتن الشمس تعال افزع
قال ثواني وانا عندك ( اخس يا ابو الحروف )
وشوين ليمار هو عندي
وحنا ندفه ونطلعه برا الشارع
قال وش تبينا نسوي
قلت لا نسوي ولا نعمل
يالله لحين ودن للشقه العيال بيجون والسياره بعدين نشوفه عقب شهر العسل
واجي الشقه عقب صلاة العصر واخذلي دش شطافي
وانخمد يمكن خمس دقايق
ولا هذولا فرقت حسب الله جايين
وياقرادة عينك يالشبث
( تصدقون بغيت اقطع العلاقه بكل خوياي بهكا اللحظه )
والحمد لله تمت الامور على خير
ويسره رب العباد
وكنت سعيد بحضور اكثر من 12 عضو من مضائف شمر
وبالتوفيق لاخونا منصور الغايب
وتقلدوا تحيتي
[/align]
