مساكم الله بالخير وصبحكم الله بالخير
وش لونكم<<:3ayyen_khair: لا يجي واحد ويقول أحمر أو أخصر
المقصد :thumb: أنتم طيبين يعني بخير أو لا :473r:
المهم سالفتي سالفه
في يوم من الأيام كتنت
رايحه مع الوالد الله يحفظه للمزرعه
ويوم جيت المزرعه وأنا أغدي جنيه تقل رسبن لي شين ماني طبيعيه
وقمت أنوقز بين النخيلات <<أبوك يالتعبير
وأبوي يقول لا تاطين المرز (( على فكره تروني :7_5_135: مادري وشوا المرز للحين ))
الوكاد
قمزت حدا القمزات
وهي تزل رجلي
وأنا أفكس على رأسي بوسط السري
وأنا أشهق هكا الشهقه اللي ماراحة ولاجت شهقه
وأبي أرد النفس ماحص قامت تمغط هكا الشهقه
أييييييييييييييييييييييييييييييييييييييي ييييييييييييييييييييييي
وأقوم أبي أفزع يم أبوي غديه ينقذن
لا أموت مأحد دريبي
ويما أقبلت عليه وأنا مارديت النفس<<خخخخ عاد تروه ماهو بعيد لاتفسرون بشئ ثاني
الوكاد يوم أقبلت عليه ..
وهي تنكس الشهقه(( يعني رديت النفس)).
يوم رد أنفسي وأنا أقوم أبسي
وهو ينطحن أبوي ليه ليه وش بلاس
وأنا أبسي تقطع قلبي من البسى
رديت عليه وأنا لي مشاهقه وأبساء
وقعت بالماء
يوم سمع حسيي
وهو يطخه ضحك قال وهذا اللي مبسيس
وأنا أستحي >>وأنا أزين لي سذبه<<
قلت لا يبه بصوت متقطع ثوبي توسخ
وانا أبي أروح لعمامي بوه
كسرت خاطروه وحب راسي وقال
لاتبسين وأنا أبوس
هلحين نروح للبيت واتغيرين ملابسك<<خربت السالفه أنا ما أبي البيت
وأنا أبتسم << اف يازين البسمه عقب البسى والله له وقع آخر :4_1_72:
فا أبتسم أبوي
قلت يبه اليوم وشوا<<سؤال في غير محله لكن لالضروف أحكام:7_5_131:
قال الخميس قلت أوووووووووووووووووووه نست
تريني أبروح لعمامي يوم الجمعه<<ههههههه مولمتن السذب
قال خير أن شاء الله
طيب روحي تمشي شوفي النخل هو مطلع أو لا
قلت طيب
يوم رحت وراء النخل ومايشوفن أبوي
راعيت لنفسي يمار تقل طالعتن من قبر
ثوبي متلطخ ووجهه كلوه طين
ورأسي ما شاء الله مايحتاج <<الشئ يوم غسلته بالبيت ربع ساعه تحت الدش والماء كله تراب
ومن هالمنبر أنصح أخواتي وأخواني
اللي يحبون النوقزه على السريان
أحذروا من فكسه مثل فكسة عبوووره اللي بغت
تموت بلحظتن قصيره
وبعد حذراكم عن السذب تروه نوبن يودي لستين داهيه
وأخيراً
تقبلوا خذاريزي
وخوذوا نصايحي
:24:
خيتكم / هيام
:24:
