-
ان مت
ان مت هذي ياجماعه وصاتي
حبيت اورثها ولاموت بفلاس
راحت غريبه كل ابوها حياتي
عديت انا بايامها سنين الاتعاس
ماضن باقي لي عليها مباتي
ياقربني محري تقاطيع الانفاس
ويامن شهدتوني بحزة وفاتي
ابي تحلوني من الكعب للراس
واليا نصبتو فوق قبري حصاتي
ادعو رحومن خالق الكون والناس
قولو عسى الله يلهمه للثباتي
وكثبان قبره زعفران بالاطعاس
واليا نشدكم ناشد عن مماتي
قولو توفى والمحاسيب جلاس
وحجو لبيت الله وعند الصفاتي
قولو عسى يحميه ربه من الباس
وكل رمضان يمر ودو زكاتي
عساه تمحى من خطى الذنب لولاس
قد قيل طعم الموت مثل الحزاتي
ومر المذاق وحامي ان ذيق بالكاس
وشلون نزع الروح من وسط ذاتي
كن الضلوع تكسره ضربة الفاس
واخر وصيه داومو للصلاتي
فيها يكون الدين للدين هي راس
وهذي تراها ياجماعه وصاتي
حبيت اورثها ولاموت بفلاس
الشاعر فايز عزيزالوحداني
-
عرق الضما
أبيات روعة
الله يعطيك العافية
أختك
سيما
-
اخوي فايز
الله يحفظك ويستر عليك
بارك الله فيك
-
صح لسانك يالسمي ابيات رائعه لاهنت
-
عرق الضما
صح لسانك
الله يمد بعمرك وتشوف عيال عيالك
دمت بخير .. roooose
-
أسأل الله ان يرحمنا برحمته الواسعه
ويا عسى عمرك طويل
اخوك
نافع
-
سيما الله يعافيك
ومرورك اروع
-
مشرفتنا ام نواف
مرورك بحد ذاته له صداه بغض النضر عن رايك بالابيات
ودمتم
-
صح بدنك
يالسمي
ولاتهون
غني عن التعريف
-
بريئه ولكن
وعمرك بعد
وتشوفين عيالك وعيال عيالهم يشوفونك
-
اخوي الشاعر نافع بن طواله
مشرفنا العزيز مرورك هذا تراه عندي مهو مرور عادي بالعكس شهاده اعتز فيها
شخصا قبل لاتلتقيبه تعزه
-
فايز عزيز لاهنت صح الله لسانك مليووووووووووووووووووووووووووووون يالمبدع
-
-
نايف حزوم
ممممللللللللللللللللللللللللليون صح بدنك يالراقي
-
-
صح السانك وطال عمرك وصيه رائعه بالصلاه جعله بميزان اعمالك rooose2rooose2
-
