بسم الله والصلاة والسلام على رسول الله
السلام عليكم ورحمة الله
احيي جميع الاخوان في هذا الصرح وأتقدم اليكم بعد غياب التمس منكم العذر بهذه
المتواضعه اتمنى ان تنال جزء من رضاكم :
[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تعال لمـ لم في غيابك شتاتي = تعال شتّت لمـ لمة جرح وصْواب
تعبت امنّي في وصالك حياتي = أرجي يصيب الحظ والحظ ماصاب
راحت ثمان سنين هذي سواتي = امنّي عيوني بشوف الذي غاب
تكفنّت في غيبتك امنياتي = في غيبتك شفت اصدق الوقت كذّاب
اعيش يومي وانتظر شخص ياتي = غريب اقرب حيل من كل الاقراب
ليتك تجي وتشوف صرحك بذاتي = صرحك تعلّا داخلي صرح الاحباب
تدري وش ادعي لا سجدت بصلاتي ؟ = الله يجمّعنا بعد طولة غياب
وتدري وش احلى ماضي بذكرياتي؟ = غير الطفوله يوم انا وانت طلاب
تدري وش اغرب شي صار بحياتي؟= كل البشر في غيبتك صاروا اغراب
احس كل الناس تبدي شماتي = وش السبب ؟؟ هذا غيابك وماجاب
تدري حياتي استوَت مع مماتي = وش السبب ؟؟ خليتها تراب بتراب
لو اشتكي شاب الزمن من شكاتي = حتّى الغراب اذا سمع شكوتي شاب[/poem]
وسلامتكم
