صحيح يقولون حبل الكذب قصير
طراه قول عجايب بعض الشيبان حتى العملية الصغيرة مايتحملها , لا ماتقصدني إلا تقصدني.
الله يقطع هالناس الملاقيف الذين يحبون الشفاية مايخلون الواحد بحاله أبد عاد مايفيدونك بشيء بعضهم حتى قول الحمد لله على السلامة يبخل عليك فيها (مقدي) لاو يمكن أن يتندرون عليك ويشمتون فيك كما حصل من بعضهم عسى هالقمر الصناعي الأمريكي ي ق ع حولهم للتخويف فقط وإلا لا إستغفر الله قبل تكتب ويمكن تقبل يالله البلاغ باقي عليه شهر قبل أن يدخل المجال الجوي.
ليش أقول هالكلام مادريت إلا عجوزي جاية تهوذل تقول تطرد من الدرج ويوم وصلت قالت ياويحي متى إلا ويش صاير معك ويش بلاك وليه حنا آخر من يعلم الحمد لله على سلامتك ويش صاير كلمتني أم فواز وتقول يقولون العيال ويش صاير مع أبو عارف هو طايح وين طاح ومتى.
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياونتي ونـت جماعـه بدكـه=بالليل وعيون الرجال يتلاقطن
طاحت وكل مالقى مـن يعكـه=وحريمهم على عشاهم قلطـن
ماحولهم والـي ولافيـه سكـه=أضن ظلمي لك ياصلفيق قرطن
أدعولنا ياناس مـن زار مكـه=الله يشفينا ويرعاكم ويعز الوطـن [/poem]
فهمتوا شيء أدري إنكم مافهمتوا شيء ولكن عزاكم إنني لم أفهم شيء بعد ، قلت عيني خير يامره هو فيتس شيء أوديتس المستشفى ويش تقولين إنتي هل إنتي صاحية؟
قالت إيه صاحية ولافيني شيء بس ، قلت لابس ولاقطو إجلسي وأهدئي وقولي لي ويش السالفة بهدوء كلمة كلمة ويش قالت لتس أم فواز؟
جلست حولي وقالت قالت لي أم فواز الحمد لله على سلامة أبوكم. ، ويش صايرن له ؟ وتقول قلت لها ماصار عليه شيء الحمد لله وسألتها ويش إنتي سامعة عنه تريه بعض المرات يخبي علينا؟
قالت إن فلانة تقول أنتي تعرفين أبو عارف اللي من جماتكم برأس تنورة ؟ قلت إيه ويش فيه عسى ماشر بسم الله عليه ، قالت عطاتس عمره لا لا إستغفر الله عامل عملية ، عامل عملية قالت إيه طايح من على جلسة خشب بالبر وتعور وقد عمل له عدة عمليات وفيه فلاق وعنده شهرين إستراحة مرضية.
تقول قلت عوذاء والله مايستأهل أبو عارف يخيتي من قالتس إنتي تقول إنها عرفت عنه عن طريق مضايف شمر قصده هالبلاء الذي أنت عليه 24 ساعة هو الذي قالهم بأنك طحت وعملت عمليات.
عاد أنا أعوذ بالله من كلمة أنا بعد جهد جهيد عرفت السالفة وقلت لها أي أم عارف أنتي ماتشوفيني أمامك مافيني شيء قالت إيه بدل بلا ماتحب البلاء قلت ويش بلاك جاية طايرة بغيتي تكسرين مع هالدرج وأنتي تعرفين أن مافيني شيء؟ قالت والله ما أدري خرعني هالحريم وقلت لايكون حاصل معك شيء وأنا ما أدري.
قلت لها لا لا عوافي مافيه إلا الخير هذه فقط كذبة ابريل قدمتها لهم في يناير من أجل يصدقونها ولا أحسبها تصل الأمور إلى هذه الدرجة:3ajeeb:shlwee7.
وسلامتكم والله يسلمكم كلكم ، أكيد اللي قالي الحمد لله على السلامة تحسف عليها.
لاتحسفون جزاكم الله الجنة.
