بين فأر البراري وفتى البراري
فتى البراري ماهو نهاش فتى البراري والصحاري والقفار :)
طبعاً السالفة تهم البنوتات المقبلات على الزواج وفي نفس الوقت مهمة للمتزوجات ,,
هذا ياطوال الأعمار بحث علمي حقيقي مليون بالمية , عن طريقه تم اكتشاف إنجاز علمي خطير ويعتبر نجاح هائل لصالح نون النسوة :thumb:
البحث يقول الله يسلمكم :
اكتشفوا بالملاحظة إن فأر البراري والقفار :) <<< اللي هو على مايبدو الجربوع وما شاكله من فيران :)
اكتشفوا إنه وفي جداً جداً لبعلته المصونة :d:
وإنه مستحيل يتزوج عليها ,, وإنه من يولد لحد مايموت عقب عمر طويل , وهو ماعنده إلا هالحبيبة الوحدة ,, ولا يعترف بشيء اسمه عرس ثاني أو مسيار أو حتى علاقات محرمة خارج نطاق الزوجية :3ajebni:
بينما راقبوا فأر المراعي والمدن اللي مستقر في أرضه ومتواسي ,, لاحظوا عليه إنه معدد shlwee7 وعينه زايغة وعنده على ذمته كم فارة :148r:
قاموا وسووا أبحاث على هالفارين بيعرفون وش سبب وفاء الأول وطيش الثاني :puzzled:
وبعد الدراسات والمعامل والمختبرات اللي فاتحينها لحساب هالفارين اكتشفوا التالي :
رأس فأر البراري يحتوي على نسبة أعلى من البروتين اللي يستقبل هرمون فازوبريسين بينما فأر المراعي راسه فاضي ماعندك أحد :7ayyoh:
طبعاً قاموا وحقنوا فار المراعي بهرمون الفازوبريسين وش تتوقعون صار !!!!؟
صار اللي مايصير shlwee7
يقولون صارت فيران المراعي المحقونة بهالهرمون أكثر ميلاً للزوجات الأولات القديمات :mabrook: ولا عاد تزيغ عيونهم هنا ولا هنا :) <<< يحيا العدل :goooood:
لذلك عقب هالاكتشاف النوعي الخطير :)
أبشّر جميع بنات جنسي إني إن شاء الله بفتح لي صيدلية أبيع فيها هرمون الفازوبريسين بأسعار رمزية جداً جداً ,,
ماعليها إلا إنها تحط نقطة في كأس العصير يومياً مرتين صباحاً ومساءً ,,
وتبشر بالخير ,, يبي يصير هو روميوها وقيسها وكثيّرها وعنترتها وكل نماذج الأوفياء في العالم :d:
وتنتهي أزمة زواج المسيار والمتعة ونية الطلاق ,,
ويعنسون هالبنات ولا يلقون من ياخذهم :solh: <<<<< خاشّه عرض هالميزة :)
الله يبشرني بالخير :mabrook:
