.
السلام عليكم ورحمة الله وبركاته
الحقيقه ادري اني مقصر معاكم حيل فارجوا منكم العذر والسموحه
ولي مده طويله جدا ماكتبت شي.
اليوم شفت قصيدة الاخ ضحوي الاسلمي
و انا لي مده طويله عنه بحكم ظروف العمل وسفره الي الخارج
و طرالي ايام وذكريات حلوه ايام كان معانا في العمل هو والاخوان
هليل الشمري وخالد زايد وعبدالله النبطاوي ( ابو سلطان ) وحمود الشمري
قبل استقالتهم من العمل
فكتبت بعض الابيات على عجل ( كيبورديه على قولتهم )
رغم اني ضد الكيبورديات ولكن للظروف احكام
ارجوا ان تنال اعجابكم
.غزلان هو اسم مكان او منطقة محطات غزلان
.
[poem=font=",6,white,normal,normal" bkcolor="transparent" bkimage="" border="none,4," type=0 line=1 align=center use=sp num="0,black""]
الله يعاوني على جو (غزلان) = عز الله إن فراقها كنه العيد
من عقب ماني مع هل الطيب طربان = ومن عقب ماهم محزمي والبواريد
راحوا وخلوني مع (سعيد عمران ) = وصارت رفاقتنا مع (فرنك) و ( سعيد)
منا استقالوا والعوض ربع طهران = يمحق عوض كانه هل الحقد والكيد
ولاني على بعض المخاليق شرهان = ماهقوتي بالي علومه مناقيد
شوفي على شوف المطانيخ شفقان = وياشينها (غزلان )بعد الاواليد
ماهي مهونه للبقيه وحقران = لكن هذولا رفقتي يالاجاويد
افرح بهم فرحة هل الغوص بالدان = او شوفة الريضان عند الرواويد
اسنين حنا رفقة ٍ مثل الاخوان = واليوم عنهم صار لي عام ويزيد
يذكر ابو فواز سافر لتيوان = وخالد إبن زايد مسافر لـ مدريد
واضيق يامريت مكتب بو سلطان = وتاخذني الذكرى لحلو المواريد
واذكر هليل فزعتي طير حوران = شوق الهنوف المترفه شيخة الغيد
وحمود شيال الثقايل بليهان = واسنين مرت كنها شرد الصيد
اللي لهم بالمجد حروه وعنوان = وعلومهم مثل الثمر بالعناقيد
حاشوا علوم الهندسه علم وإتقان = مع ديننا وسلومنا والتقاليد
سلام مني يمهم ماله اثمان = مقدمة ديباج قافه اناشيد
حنا نريد ومالنا غير ماكان = والله يريد ومالنا غير ميريد
الله يوفقهم على رفعة الشان = وانا يصبرني بفرقا الصناديد[/poem]
توفيق نواف الجفال
2007/12/4
.
