[align=center]قريت موضوعن لاخونا ريال الفسحه
يوم سفرتنا لامريكا تخبرونوه ( الله من بطي السنين )
عاد لفت انتباهي تهكم هالبنات واننا ماحنا قد السفر لامريكا
ابفهم وش صايرتن امريكا
انتن تدرن اني رحت مهو لامريكا
رحت لرفحاء
انتن اللي حديتني اعلم بسفرياتي
وهذا مهو غرور
هذا وانا للحين ماقلت لينه وتربه وحايل وام رضمه والخشيبي وشعيب المناشبي
وقيصومة فيحان والهباس وهجرة ابن جبهان والمركوز والاعيوج وزبالا والمعيزيله وسامودا
وجيت زعبيه بالربيع وفيضة المسعريه .
ماعلينا
هذا سلمكم الله
اجتمعت عجايب ومعه بالمختصر ومهاجره واجوديه
وقالت لهن عجايب يابنات وش رايكن نروح لامريكا
قالن البنات وشوله امريكا بالذات
قالت مو انا ميتتن من القهر الشباب يروحون وحنا لا
قالت بالمختصر ايوالله
والله ياهم بطوا تسبدي
عاد هاللي اسمه الشبث مستانس بخشتوه يعنني بجنب بوش
بالله يا عجايب نبي نروح ابصور بجنب كونداليزا رايس
والله وهن يتفقن ويجمعن قطتهن
طبعا
اللي باعت ذهبه والله عنده اخت تجهز لعرسه وسرقت الذهب وباعتوه
المهم من كثر الفلوس طغن وخذن لهن طايرتن خاصه ( اهب ياوجيههن )
( حنا باخر الرحله صرنا ناكل ميراندا وصامولي من الطفره )
المهم انهن رتسبن بالطايره
وقالت عجايب يا بنات تعالن بساااااع اجتماع
ويوم اجتمعن قالت لهن
اسمعن زين
بما اني مشرفة فلة الحجاج وانتن اعضاء سلاتيح
اذا انا الامره الناهيه
والله وهن يوافقن
قالت يالله قومي يالاجوديه اوطي رجليني
وانتي يا بالمختصر افليني الله العالم اني مقموله ( به قمل )
وانتي يا مهاجره طقطقي اصابع يديني
وقبل تمشي الرحله قالت روحي يا بالمختصر خلي الطيار يجي
ابشوف هو اجودي ولا من هاللي يسرعون
ويوم جاء ليمار هكا الافغاني اللي يالله تشيلوه الطايره
قال ايو مدام
قالت هالحين مالقوا طيار لنا الا انت
قال ايوا
قالت بس لا تسرع يالهرش
قال لا لا مدام يمسي خمس الاف بس
ويوم طارن وطارن وطارن ولا وقعن
وهي تويدز مهاجره من الدريشه
قالت يا عجايب امريكا ليه هاللون
قالت عجايب ليه وش صايرن به
قالت مهاجره ليه كله جبال
قالت عجايب لعنبو بليستس اللي يسمعتس يقول اني مقطعتن شوارع امريكا
ومامداه تخلص كلامه الا عاقبتهن لوحه مكتوب عليه تورا بورا 15 كيلو
وهن يتقامزن يم السواق
ولا يفتح لهن الا يوم نزل بالقاع
والوجه مهو الوجه
متغير عليهن
هاللي كان منا حليل نباوه
هالمره كاشرن كشرتن تخرع المطنوخ وريال
قالت عجايب يابو فغن وش العلم
قال خبيبي بدون مخاولات
انتي خلاص صرتي مخاصره
قالت اي مخاصره واي محاصره
قال انا اختلت عليكم
وخطفتكم الى تورا بورا
قالت وليه تخطفنا
شايفنا القنصل الامريكي
وهذي ( تشر على مهاجره ) سفيرة الدنمارك
قال لا يا خبيبي ....
وهي تقاطعوه
قالت ياخي ترك قرفتني بسعابيلك
وبس خ خ خ خ
لعنبو بليسك انت لو تذكر الله كثر ماتقول هالـ خ تسان بالجنه
انت ياملعون الرقبه مالقيت الا حنا تخطفنا
وهي تاخذ نعلته وتقوم تمردغوه
وهالهرش مدنق وحاسن بالذنب
قالت يالله هالحين ترجعنا لعربنا
يالله بساع لا اخلي بالمختصر تعض جبهتك
وبسااااااع ليار واصلينن الرياض
ومنه مايعودن السفريات
وخلنكن على الديار الانف ذكرهاااااااا
وتقلدوا تحيتي[/align]
