منصور الغايب وقصه من التراث الصيني
جلبت لكم هذه القصة من امهات الكتب وأبهات المعاجم
وهي بمناسبة ترقيتي الى معزب من قبل ابوسلطان والجماعة الله يعزهم ويكثر خيرهم ويطول بعمارهم على الطاعة ويمدهم من مدات جوده ويرزقهم الرزق الحسن <<<<< اكيد تبي شئ على هالمدح اخلص وشتبي ؟؟
قصة من نوادر القصص المشهورة في التراث الصيني
يروى انه كان هناك رجل صيني حكيم اسمه ابوطروق زوانغ شو
وكان معروف بحكمته وعقله الراجح
وكان عنده تلاميذ كثير يشرف عليهم
يعلمهم فنون القتال بالنباطة
وكان عنده احد التلاميذ اسمه المطنوخ وكان مبلي الله يعافينا ويرفع عنه
لانه كان مدمن بيبسي :)
وكان يشرب بين كل بيبسي وبيبسي بيبسي
وضاق الحكيم ابوطروق ذرعا <<<<< عجبتني ذرعا :)
بهذه العادة السيئة لتلميذه المطنوخ
فمسكه في يوم من الايام وقاله يابابا ياحبيبي
هذا بيبسي شرب واجد مو زين هذا لازم يشرب مرة واحد داخل يوم بعد غدا بس <<< يكلمه بالصيني الركيك
قاله المطنوخ : ان شاء الله يا حكيم انا ماراح يشرب بيبسي واجد <<<< نصاب
طبعا ما وفى المطنوخ بوعده للحكيم ابوطروق
ففكر الحكيم بطريقة ثانية للنصيحة
فقاله يابا يا حبيبي هذا بيبسي مو زين يسوي غاز واجد داخل بطن مال انته بعدين يصير سيم سيم تفيخة يطير فوق فوق ويروح بعيد
قاله المطنوخ : ياحكيم انا ما يقدر لازم يشرب بيبسي كتير كتير انا يحب بيبسي كتير كتير بيبسي زين
قاله الحكيم بيبسي مو زين بيبسي يسوي املاح يسوي سكري يسوي غازات يسوي فقر دم
ما صدق المطنوخ ومشى وعطى الحكيم طااااف <<<<< دابل جبده
فكر الحكيم بطريقة يستطيع انه يقنع تلميذه العزيز على قلبه المطنوخ انه يبطل يشرب بيبسي
فجاب قلاصين قلاص ملاه ماي وقلاص ملاه بيبسي
ونادى المطنوخ بالفسحة وقاله تعال
انا الحين يبي يوري انته تجربة على البيبسي عشان انته يعرف انه هذا بيبسي مو زين
قال المطنوخ اوكي
طلع الحكيم ابوطروق من راسه نملة كان مغبيها للزمن
وحطها بقلاص الماي
سبحت النملة سبحت سبحت لطرف القلاص وطلعت
والمطنوخ قاعد يتابع بدقة ومتهول وينطر النتيجة
وبعدين خذا الحكيم النملة مرة ثانية وحطها بقلاص البيبسي
وكانت المفاجأة
النملة سبحت سبحت سبحت عجزت توصل للطرف من الغازات وماتت غرقانة بالبيبسي
هنيه التفت الحكيم ابو طروق لتلميذه المطنوخ وقاله : بابا انته شنو يستفيد من هذا درس
رد المطنوخ بسرعة وهو مستانس : انا يستفيد انه اي نفر يشرب بيبسي داخل بطن مال هو مافيه نمل
نمل كله موت
هنيه ضرب ابوطروق على راسه من الصدمة
وطلع من جيبه دينار عطاه للمطنوخ وقاله
بابا روح اشتر عشرة بيبسي حق انته
خلصت القصة واتمنى انكم عرفتوا الفايدة منها وهي :
ان اللي يشرب بيبسي ما يبقى ببطنه نمل :)
شاااااااو
