اللـه يـقـطـع خـوه مـالـها سـاس
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/19.gif" border="solid,4,darkblue" type=1 line=1 align=center use=sp num="0,black"]
الله يقطع خوةٍ مالها ساس = اللي ورى طرد المصالح هدفها
غاياتها يحكم عليها بالإفلاس = ولا تشرف من يجي من طرفها
على الردى والكذب ترفع وتنداس = هذي حراويها وهذا وهفها
ياناقلين الكبر ماهو بنوماس = نقص المراجـل كبركم قد كشفها
المرجله عملة ذهب ما هي بنحاس = وما كل رجلٍ لابغاها صرفها
مالي مع مجلس هل الزور مجلاس = نويت أجنبها وأجنب صلفها
عرفت ناسٍ طيروني من الناس = حيث إنها نقص على من عرفها
شذابة العرقوب تشذيب الأمواس = ناس عسى ربي يعجّل تلفها
صورة عرب واسلوبها اسلوب خناّس = تبطن خبايثها وتبدي شرفها
أخير منها في الخلا سج الأنفاس = في ديرةٍ سيل أمس ذياء جرفها
مع خوي لي على الدين قرناس = حرٌ صعيبات المراقي ولفها
ورفيقي الطيّب علـى العيـن والـراس = اللي مناهيج الوفا ما استلفها
وألا رديّ السـاس يبقـى ردِيْ ســاس = ولا خير في نفسٍ دنيٍ هدفها[/poem]
