الضيف والجار ((ابوزويد))

بسم الله الرحمن الرحيم


خلف ابو زويد (حكيم شمر ) من الرخيص من النبهان من الزميل من سنجاره جاور خالد ابن شعلان في


وقت غضب الامير محمد العبدالله الرشيد عليه وغضب شمر ايضا لغضب الامير000


صادف اثناء جيرته لابن شعلان انه اتى ضيف لابن شعلان فرأى رجلا كان يطلبه ضربه سابقا وكان هذا


المطلوب ( جار ) لابن شعلان فهجم عليه وثارت الهوشه والضرب في مجلس ابن شعلان واحد يصيح


يقول جارك يابن شعلان والثاني يقول ضيفك يابن شعلان فوقع بحيره وخاف من العار في هذه المشكله


فأرسل لابو زويد لانه يعرف انه معذور لاكن يبي دليل عند العربان000


كان ابو زويد ارمد مايشوف فرجع المرسول لابن شعلان واخبره (وكان منفعلا ) فقال عساه للعمى حنا


نبي لسانه مانبي عيونه فجاء ابو زويد يقودونه ولما وصل المجلس قال :


[poem=font="Simplified Arabic,6,black,bold,normal" bkcolor="sienna" bkimage="backgrounds/23.gif" border="none,4,darkblue" type=2 line=0 align=center use=sp num="0,black"]

قلبي غدى لمذلق الشوك محضار=طلحن بساتينه وسدرن بلاده

ورعي الزقيميات في حد سنجار=اخير عندي من حياة الزهاده

يالله ياعالم خفيات الاسرار=عليم ماتخفى عليك الجحاده

ياخالق الجنه وياخالق النار=ياخالق الدنيا وبيدك نفاده

واليا التفتت لثاوي(ن) ثابي(ن) ثار=عقب الهزل يرمى عليها شداده

في قدرتك تحيي ضعيفات الاطيار=بلا قوت يامحيي عيال الجراده

في وسط دار وامهن يم له دار=ومرامي الدنيا بعيدن بلاده

وخلاف ذا ياراكبن فوق مذعار=حمراء طوال وكن فيها زهاده

حمراء من العيرات به زوم وسطار=ولافوقه الا المزهبه مع شداده

عينه تشادي حمرته جمرة النار=تقدح كما المقباس عقب السواده

عين العديم لياسمع صيحة الجار=عي(ن) وله عند الملازيم عاده

واذنه تشادي لون كافورة البار=لاصار كاويها الشتاء من براده

ركابها عده بظل(ن) تحت غار=لاهي دنوع ولا تعرف الشراده

تمد من دار وتمسي ورى دار=ولا عمرها من كثر الاهذال باده

تلفي لخالد واخبره كل ماصار=وعليه يظهرن السراير وكاده

قل لاصار عندك ضيف واخطى على جار=عز الله انك ظاهرن من سواده

اصبر ولا بالصبر لك كسر تعبار=يامالك الدنيا تبين مقاده

واعرف ترى الدنيا لقحتن بشبشار=ولايندرى بأيات وقتن ولاده

لقاحها لقاح قدر(ن) ليافار= او ضرب قبسونن قمعها زناده

وتلقح رجال(ن) من رجالن بالاشوار=وتثور الفتناه عق انمهاده

وتسلطنت ناسن هله ميتت نار=ونيران اجاويدن يحرث سماده

والذيب لو يطلع عليه الطلي نار=وصارت عواقيب السباع الشراده

ولو نتبع المذكور ماصار ماصار=مذكورن الدنيا طمعها فساده

ومن عيا عن الجنة تعبته على النار=يلقى عماله عند وال الشهاده

الصدق خلي باركن له على دار=والكذب سلف للجهامة وقاده[/poem]



فقال ابن شعلان رضيت بكلام ابو زويد فطلع منها ابن شعلان واصبحت مثلا يضرب للناس00000



تقبلوا تحياتي ((((الراوي)))

بارك الله فيك اخوي فواز على هذه القصه وهذه القصيده

الرائعه لبو زويد

طيب فيه قصيده له مادري بس احس القاف يختلف الي يقول فيها


ياصار ضيف ومخطيله على جار = عزالله انك طالعً من ملامه

بعدين ممكن قصته يوم يزعل عن ابن رشيد او جلى يوم يمدح بن شعلان

والعنزي يمدح بن رشيد رد على قصيدة ابو زويد ياليت تجيب القصيدتين

بصراحه من اجمل الاشعار

اخوي مانع تسلم يالغالي00

واللي قلت هي هذي بس الناس يروونه بالغلط مثل ماقلت واللي طلبت من


عيوني اجيبهن وغالي والطلب رخيص000


((الراوي)))

تسلم فواز لاهنت

أخوي فواز .....
عـــزالله إنك مكسب للمضايف .. وماهي مفاجأة أو غريبة منك السوالف الطيبة ، فكل إناء بمافيه ينضح.
سلمت يداك ولا عدمناك .
وأنا من الطماعين- - أنتظر المزيد.

تحـــــــــــــــــــــــــياتي لـــــــــــــــــــــــــــك

صلفيــــــــــــــــــــــــــــــــــق


مشكـــــــــــــــــــــــــــــــــــــ ــــــــور يالعــــــــــــــــــــــــــــــــــــ ـــزوه


(((الراوي)))

اخي الكبير في القدر والمقام / فواز الغسلان

في البدايه ..

اتقدم بالشكر والثناء لشخصك الكريم في المجهودات التي يشار لها بالبنان في مضايفك ، ووجود شخص مثلك وشرواك يسعدنا جميعا ويعد احد المكاسب المهمه لمضايف شمر ..

فلك شكري وثنائي

/

بارك الله فيك على ايراد هذه القصه والقصيده ..

لك احترامي وتقديري

اخوك
ابو سلطان

الاخ ابوسلـــــــــــــــــــــــــطان


اشكر لك ماتقدمت به من كلمات ترحيبيه تدل على طيب معدنك00


والمنتدى يخدم قبيلتنا لذلك مهما قدمنا فيه فسيعتبر قليلا جدا امام


حقوقها علينا00


وكذلك هي خدمه للتراث بشكل عام ومحبيه00


تحياتي لشخصك الكريم الله لايهينك يالعزوه000



(((الراوي)))

كفيت لا هفيت

وتسلم يمينك ولا يخلي منك ومن الاخوان

مشاء الله عليك غدير ما يرجع منك احدن مضمي

تقبل تحياتي

اخوي غوستي مشكور يالعزوه


الله لايهينك يالغالي 00 تقبل تحياتي00



(((الراوي)))

مشكوووور أخوي الراوية :. فواز الغسلان
على هل القصة والقصيدة السنعة

الاخ السفاعي الله لايهينك يالغالي مشكوووور


(((الراوي)))

اللة يرحمهم جميعهم واما بنسبة لى واللة والف نعم بعايل الحمايل لهم احظوظ والزويد معروف وعلى ما اعتقد يا اخ فواز انك ذكرتة باحدى الاشرطة اما عن قصصة فمالهم عد وقصايدة كذلك
واللة يرحم ابن شعلان
ذكرتنى يا اخ فواز بخلف الاذن يوم النورى ابن شعلان مايستشيرة بشين فقال قصيدة المشهورة
يا شيخ المشايخ يا شيخ شعلان عندك صليب الراى ماتستشيرة
موضوع طيب وانت من الطيبين
لاهنت يا بوفهد وانت مدرسة يوم اختفت مدارس المجالس لاهنت
اخوك الرطاب

اخوي الرطاب اشكرك جزيل الشكر يالعزوه على حروفك الراقيه



تحياتي (((الراوي)))