[frame="7 80"][poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا . ناسي هواكـ....
أنشدك يا ناسي هواك وهوايا=عن من يودّك ما حصل منه سيـّّات
أحلف برب البيت رب البرايا=ماخان ودّك ناويٍ فيك نيـّات
القلب ماله يم غيرك نحايا=ينحي القدم لك لو على الدّرب حيـّات
يقبل ويقفي لك صباح ومسايا= تشفيه نظره منك ولا تحيـّات
وآجي واعـّود من خلاي بخلايا=ما عاد تنفع روحتي والمجيـّات
الوقت الآوّل فات ماله بقايا= فات المواجه في الضـّحى والعشيـّات
إش غيـّره ياريــم كـدّر سمايا=من عقب ماهي صافيات ونقيـّات
قـلّـي وريّـح خاطري يامنايا=عساك تسلم من جميع المنـيـّات
يمـّك ترى ماهيب تشفي الوصايا=الاسرار آبيها في الضماير خفيـّّات
ولهٍ على كلمات ذيك الشفايا= تشفي غليلٍ ما بقى له بقيـّات
وسطه طعونك بـيـّنه والكوايا=في كل شبرمن الجسم عشر كيـّات
يبرا الجرح وجروح سيد الصبايا=ماتموت حيـّه بين الاضلاع نيـّات
إدواي عندك حيث وصلك دوايا=آعد وصلك من كبار الهديـّات
من لامني علـّه فداك وفدايا=قريب ولاّ بعيد ولاّ من أيـّات
مايدري أنّـك ساكنٍ في حشايا=قدروغلا مع زين طبع وسجيـّات
المملكة مع مدنها والقرايا=من شرق نجرانٍ إلين القريـّات
مالك مع الخـفرات وصف وحلايا=ريـم الفلا منك المفالي خليـّات[/poem][/frame]
