من هالسنين ويوم انا وغد كبر بناخيي هذااااااااك ( ويشير بصبعه الكريم الى المطنوخ )
كنت مسوي عداوه مع البساس ( الهرره . جمع هره )
وهالعداوه امتدت سنين بالحروب الطاحنه بيني وبينهن
ولا علينا من اللي فات
البلا والكون من اللي جاي
يوم تسبرت وصرت رجل ( يابخت امك فيك )
احس ان هالعداوه ماهي راضيه تفارقني
لاتقولون ليش
بدون اي سبب
تقدرون تقولون لقافه
المهم اني مرتن من الايام كنت مسيرن على خوين لي
وكاشخ ابو الشباب اخر شكخه ( كشخه )
ويوم وصلت لبيت خويي ونزلت من السياره بكل رزانه وخفه
وانا اشوف هكا البس حاطن راسوه ببرميل زباله ( تكرمون ) وشغال يلقط من هالخيرات
وعقب ماني نازلن بخفه
الله يجيركم وانا استخف
وانا اسحب العقال واعدي على البس شوين شوين علشان مايسمعن
ويوم قربت لوه وانا امسوه مسه من قلب
وهو يصيح هكا الصيحه وهو يهرب وياقف باخر الشارع ويراعيلي
يالربع احس انوه يقول العن الله ابو المزح اللي تعرفوه ؟!
والمشكله ماهي هنا
المشكله ان خويي واقفن عند الباب يراعيلي وميتن ضحتس
( العن ام الفشيله )
وتقلدوا تحيتي
