قصيده ومردّهــا ..

قصيدة مهداه الى / ابو عارف

من الشاعر / سعد بن عبار العنزي

[poem=font="Simplified Arabic,4,white,bold,normal" bkcolor="royalblue" bkimage="" border="none,medium,gray" type=4 line=0 align=center use=ex num="0,black"]
جاز الكلام بطيب والشك زايل *** وبيض النوايا فتقت سود الاوهام

ريح العتب عطّر جزيل المثايل *** اللي لها مع طيّب الشان مرسام

اللي يحوش من الوفا والجمايل *** زود على كل الوزايع والأقسام

قله غدينا بين عدل ومايل *** ودايم نشيل الحظ والحظ ماقام

ورحنا ندور كل مفتي وقايل *** ونسمع تفاسير الطواري والأحلام

ندفن ورى حدب الضلوع النحايل *** شرهة رفيق كلمته دوم قدام

تحبل لنا النفس الخبيثه حبايل *** يوم بعد يوم وعام بأثر عام

يادمع مدري دم وش فيك سايل *** هيضت قلب حيلته ضيم وهيام

طالت ولكن وش لنا بالطوايل *** طير السعد وقّع وطير الفلس حام[/poem]

***********************************************
مرد / ابو عارف على هذه القصيده

[poem=font="Simplified Arabic,4,white,bold,normal" bkcolor="royalblue" bkimage="" border="none,medium,gray" type=4 line=0 align=center use=ex num="0,black"]
اهلاً هلا بموصلين الرسايل *** من واحد يشكي علي ضيم الأيام

من عيلم معروف بين القبايل *** بأرض الجزيره من يمنها إلى الشام

سعد إبن عبار والجد وايل *** من لابة فيهم مقاديم وكرام

ياركبو الويلان فوق الأصايل *** عاداتهم خويهم دوم مايضام

بالمعركه مثل السيوف السلايل *** وبيوتهم مثل السلاطين حكام

والخال من شمر كرام الخصايل *** شمر لهم بالمجد تاريخ ووسام

اللي يدوسون الخطر والهوايل *** يوم المعارك مهي تمثيل وافلام

شمر هل الردات واهل الفعايل *** ماهو كلام للدعايه والإعلام

يشهد جبل شمر وسلمى وحايل *** على فعل شمر وابو بيص مانام

فيهم كرم حاتم بذبح الجلايل *** وفيهم طنى شمر وتشمير الأكمام

ياسعد ندري بالزمان متمايل *** والذيب يجفل والثعل صار مقدام

واستبدلت بعض البشوت بفنايل *** وحتى الاسامي بدلوها بالارقام

والصدق بدل بالدجل والفشايل *** وقست قلوب الناس في قطع الأرحام

من قارن الحاظر بعصر الأوائل *** فرق الهلالي يامشى بين الأقزام

ونهاية الدنيا عليها دلايل *** ماالوم ابن عبار لو زعل مايلام

وصلاة ربي عد وبل المخايل *** صلّو على المبعوث في دين الإسلام[/poem]

0



0




0




0


وتتابع القوافي




صح لسان الشاعر / سعد بن عبار العنزي



بو عارف




لله درك كفيت وفيت



roooose

صح لساانك ابو عارف وصح لسان الشااعر سعد بن عبار العنزي ......

والله يزيدكم من نعيمه ويكفيكم شر الدنيا......وينطيك الف عاااافيه لاعدمناااك

هند القاضي

شرفني مرورك لاهنتي وصح بدنك.
Thank you

ريال الفسحه

شكراً على المرور والإطرى لاهنت.

معلومه الفسحة أصبحت 10 ريال.

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
شمر هل الردات واهل الفعايل = ماهـو كـلام للدعايـه والإعـلام

يشهد جبل شمر وسلمى وحايل = على فعل شمر وابو بيص مانـام

فيهم كرم حاتم بذبح الجلايل = وفيهم طنى شمر وتشميـر الأكمـام [/poem]



صح لسانك يا بو عارف والله لايهينك علي هالقصيده الرائعه.

دمت بخير

صح بدنك يابو حمود
لقد شرفني مرورك جداً ، ولايفوتني بهذا المقام أن أقول بأنك أنت الذي سجلتني في مضايف شمر والأخ فلاح السعد هو الذي شجعني وكتب أو ل مشاركة لي في هذا المنتدى الشامخ وهي عبارة عن أبيات شعريه أطلب فيها من الأخ علي سطم أن يعدل عن إستغالته.

فشكراً جزيلاً لك يابو حمود وللأخ فلاح السعد.

ودمتم بخير

صح لسانك يابوعارف ابدعت وبدع الشاعر سعد



اتحفتونا

شرفني مرورك يا أحمد اللوتي لاهنت.

اللوتي هذه على ذمة أبو عيد.

تسلم يابو عارف وصح لسانك ولسان الشاعر ابن عبار ,,

.
.

هلا بريمنا الغاليه ام طلال شرفني مرورك لاهنتي.

تسلم ـــــ ابو عارف
وصح الله لسان الشاعر ــــــــــ سعد بن عبار العنزي

تسلمين يانجوم الليل شكراً على المرور لاهنتي.

قَصِيدَة جَزْلَه .. مِنْ شَاَعِر جَزِل ..

شَاَكِرَة لَك تَنْبِيهِيْ عَلَىَ القَصِيْدَة .. بِـ الفِعل قَصِيْدَة تَسْتَحِق القِراءة

فأنَاَ مُقَصِرَة بِـ حَقْ هَذاَ المَضِيف..

وأتَمَنَى تَنْبِهِيْ كُلمّا لَمَحتَ مِنِيْ الغَفْلَه..

الفْ صَح لسَاَنَك ..roooose

كُنْ بِخِيرْ

.

ابو عارف

تسلم والله ،،، وصح لسانك ،،

ولسان الشاعر ابن عبار ,,

رائعين ،، لاهنتوا ،،

تحياتي للجميع .

ياسعد ندري بالزمان متمايل *** والذيب يجفل والثعـل صـار مقـدام

واستبدلت بعض البشوت بفنايل *** وحتى الاسامي بدلوهـا بالارقـام

والصدق بدل بالدجل والفشايل *** وقست قلوب الناس في قطع الأرحام

من قارن الحاظر بعصر الأوائل *** فرق الهلالي يامشى بين الأقـزام

ونهاية الدنيا عليها دلايل *** ماالوم ابن عبـار لـو زعـل مايـلام




ما شاء الله

ردود شعرية رائعة

صح لسانك أخ ابو عارف ولسان ابن عبار

الإخت الداعية الفاضلة والشاعرة المتميزة

ريوف الشمري

شرفني مرورك وإطراءك لاهنتي

كل الشكر لك.

سيدة القلم
شقاوي

كل الشكر لكما على التشجيع لاهنتما