الحروف تدمع والقلوب تبكي حسرة والم ,, ولكن هل سوف نكون مقصرين في حقك يا لبنان..
طبعا نعم وانا اول المقصرين لكي يا لبنان
وهذه القصيدة للشعب الصامد الشعب اللبناني الحبيب ,,,
اليكم القصيدة ...
بنــت(ن) تنخــى تقــول ويـن المـلاييــــن == شفتـه انا بتلفـــــــــاز فجـــــر للكيــــان
تبكــــي قهــــر من فجعــة الحــظ اللعيــن == ودمــــوعها بخــــــدودها ابكى المكـــان
تنـخـــى عــــربنا والمـصيــــبة نايـميــــــن == والله جــرحتني يــوم ذللـها الـزمــــــــان
وين الـعـرب.. دم الـعــرب.. يا نــاس ويـــن == وينــــه عن الســــنة وتوضـيـح قــــــرآن
ويـــن الشيــوخ الخاشــعين الصــايمــــين == سبـــع القــبايل وينـــهـم دون لبـــــنان
وشـــلون ترضــــــون المــــذله "ولاهيـــن" == وصهيـــون يلعب ما لقـى ردع انســـان
هـــذي عجــوز(ن) تبكـي فــراق طفلـــين == وهــذي بنـية تفقــد عيـــون شيبـــــان
لبنـــان تنخــى من مجــــــازر عــــــــدوين == و(قـانا) شكت للظيم من زود الاطعــان
وليـا متــــى راي العــــــرب صــار راييــــــن == متخــالفين ورايهــــــم دون جـــــــدوان
قبـل العــراق ادمــــوعنـا في فلـسطـــــين == شيشــان ذاقــت مر ذاقــوه الافـغــــان
يالله كــــذا يمشــــي قطــــار الصهايـــــين == والــدور منهــو فيــــه يا خــوف ايـــــران
ليــــن نتـفــــكك ضعـف ايــمان مـــع ديـــن == وسلـم علـى حلـم العـرب كانه يبــان
ليـــه العـــــرب صـــاروا ضــعوف ومســـاكين == وليـه العــرب صــاروا منـابع للاحـــزان
وليـــه العــــرب ردوا على العســــر باللـــين == وليه العـرب مظلــوم من جـور جيـران
وليـــه العــــرب صـاروا بشــــور المــــــعادين == وصاروا عشا صهيون واللي له اعـوان
وينـــه صــلاح الــدين... يا ليــــته ايبــــــــين == لجـل العــروبة تلـبس ثياب الايمـــــان
ولجــــل العــروبة تحتــــــفل بالمصلـــــــــين == ولجل العـروبة تطفي همـوم نيــران
ولجـــل العــروبة توفــي الدين بالــــــــــدين == ولجـل العــروبة تسمع "لصوت لبنـــان"
ووووسلامتكم.... نايـــــف الجهيــــــــــــــــلي ...
