بسم الله الرحمن الرحيم
كثير مانسمع عن هذا المثل "أمرأه عن عشرة رجال"
هل هو صحيح ام لا؟
القاريء للتاريخ يجد انه صحيح ميه بالميه:thumb:
هناك من الافعال اللي سونه حريم يعجزون الرجال عنه وهناك من النساء من اشتهرت
على مستوى نجد ككل وليس على مستوى قبيلتها
الامثله اللي راح اذكره راح تكون من زمن ابائنا واجدادنا
سواء كانن شمريات او لا
من اشهرهن "فاطمه بنت زامل السبهان"
فاطمه لم تشتهر لابالشجاعه ولا بالكرم اشتهرت بالدهاء
وخاصه في فترة سقوط حايل يقال انها هي اللتي كانت تدير الامور حتى عدا الله تلك الازمه
مما حد بالريحاني وهو كاتب مشهور ان يلقبها بــ "فاطمة شمر العظيمه"
كذلك الشيخه جوزاء البندر التمياط
اللي معروف ان جوزاء قديما كانت تخلى له الارقاب
وكانت تجالس الرجال حتى انه كانت على روس بعض الجاهات اللي ترسل لفك الارقاب
فكانو كل ازواجه شيوخ وامراء من ضمنهم الامير سعود الرشيد
كذلك الشيخه البندري بنت مطلق الجرباء
وهي زوجة الشيخ صفوق الجرباء
وهي اللي قال به العنزي عندما كان اسير عند صفوق
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
تسعين خيبه للوضيحي نفيعه=مع مثلها يدخل بها سوق راوي
ماقلتها بالبندري الرفيعه=بنت الذي ذباح حيل عداوي[/poem]
فأطلقت سراحه
كذلك لولوه بنت بن عرفج
وهي عندما قتل زوجها لبست لبس رجال فهاجمت من قتلو زوها وذبحتهم واحد تلو الاخر
واللي قال به الامير عبد الله بن رشيد
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياللي تقول الحرب للمال نفاد=انشهد مسوي السيف هو ليه حانيه
ان كان مانرويه من دم الاضداد= ودوه يم العرفجيه وترويه[/poem]
كذلك زوجة بن دهيثم من شمر
يوم جو يمه الضيوف وزوجه غايب وهي ترحب بهم وتذبح لهم وتقلط العشى
يوم قلطو قالت حياكم الله ببيت " اللي ياغاب وصى وياحضر تقصى"
تقصد زوجه ونهج قوله مثل الى الان دارج مع شمر
وهناك نساء اشتهرن بالشجاعه فلبسن لبس الرجال وقاتلن قتالهم بل ربما اكثر منهم بساله
منهن راعية العوشزيه وطخه بنت ابن عزيز من قبيلة البعيج وغاليه البقميه وغيره
ومن النساء اللي شدنن بشجاعتهن هي سعدى بنت خشمان الحربي
وهي ليست قديما بل من المعاصرات لان اللي حضروه حيين الى الان
مع ان شجاعته كانت ضد شمر لكن لابد اننا نذكره احترما لها
هذا ياطويلين العمر صارت هوشه بين شمر وحرب على الرديفه
طبعا ماكنا عددهم كبير المهم ان الشمامره ضربو واحد حربي اسموه لافي
ووقع بالقاع وهربو بقية الحروبوكان عددهم سبعه
وهي تجي سعدى بنت خشمان زوجة لافي وهي تاخذ عمود البيت هي تجلس عند رجله
الرجال هربو وهي قعدت
ياما ارسلوه يمه الحريم وبعد فتره قدرن انهن يطرحنه
يقول الحربي:
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
راكب فوق مومية السفيفه=فوقها اللي ماينادي بالعوافي
ليت هوش ماحصل عند الرديفه=اركبونا شمرٍ طيار الشعافي
صبو الفنجال ومده للصخيفه=يوم سعدى تنثني من دون لافي
سبعة منا مثل حضرة "مريفه"=مانادو بالخير ولانادو بالعوافي[/poem]
السبعه الاخيرين هم اللي انحاشو يقول لاهم اللي سعو بالصلح ولاهم اللي هاشو
وبوقتنا المعاصر عندكم النساء الفلسطينيات يسطرن البطولات يوم بعد يوم
اما حريمنا لو هن غاليات الله يستر عليهن الظاهر ماعندهن سالفه:)
وهذا اللي عندنا واذا فيه اضافات ترونا مانقول لا:)
يعطيكم العافيه
