((...... مجلــــة الفلـــه... >العدد الرابع< .......))
بسم الله الرحمن الرحيم
والعاقبة للمتقيـــــــــــــن
نظراً للأنقطاع المفاجيء لأعداد مجلة الفله في الاسواق بسبب نفاذ الكميه قبل الطبع !!
قررنا نحن ك.ب.إ الله يخلينا لعينً ترجينا .. زيادة كمات الطبع الى الضعفين ..و ان نمنع بيعها في دكاكين الحواري .. لأستخادمهم لها في لف الجباتي ... وأنا هنا اقفط لكم بعض ثمار اهل الفله في شتى مجالات المضايف .. لكي تعلموا ان المخاوي وطنخان والشبث
خلفوا قوم لاتهزهم .... رياح الادب << عزاااه يابو ثوب
وليعذرني بعض المواطنيين ( مواطنيين الفله) بسبب اني ماذكرت لهم شيء وذلك لانه مافتح ملفه الشخصي عندي
كأخر العنقود ....
امــــــا الخرييين ... أحب ان افرد لهم عدد لحالهم .. بعيداً عن الدبابيس ..!!
**أعــــــــــزائي .... **
أنطلقوا معي
.... وتعرفوا على مدى نضج تفكير مواطني الفله وقوادها .. !! اللهم لاحسد ...
طحياتي .......
7
7
7
-----------------------
مقدمه.......
-----------------------
الجانب السلبي للشباب السعودي _ الكاتب /الموذي ... ( الله يذكره بالخير )
اقتباس:
مرة سمعت مقولة لشاعر رفحاء الكبير ( غصبن عليكم ) محمد الرطيان يقول فيها ان مشكلة الشباب السعودي مع ماينتجه العلم من وسائل مفيدة ومريحة انه يستخدم الجانب السلبي منها
وفعلا كلامه صحيح مش كل الشباب بل معظمهم وخلونا نمسك الاختراعات وحدة وحدة
أولا : الإنترنت
في أمركا واليابان وأوربا والدول المتقدمة الانترنت يجرون فيها بحوث ويتواصلون عبر ارجاء الارض ويحاولون يستفيدون منها كل الفايدة طبعا مش كلهم بس اكثرهم
هنا عندنا أبو الشباب يقعد العصر ويتحرى بس يذن العشا تقول يتحرى صلاة التراويح هو ووجهه علشان بس يدخل المواقع الي مامنها فايدة وتلقاه مدشر اهله بعد ماكان بعد كل صلاة عشا جايب لهم خبز ولبن للشايب لا وكل ماتشوفه يقولك الغالي ماعندك بروكسي عقب ماكان يقول ماعندك سلف ( تطور الأخ ) وشاد حيله سهران ليليا الداشرخذاه ربي
ثانيا : الجوال
الجوال بعد ماكان الواحد يحلم ان يملك جوال يوم كان بعشرة الاف ويتمنا بس يمسكه من خويه او يكذب على خويه بلله جوالك ابكلم هلي ابي اقولهم اني ابتأخر وتلقا الساعة 2 صباحا بس كذا لعانة لا وتلقاه طاق صورة مع الجوال يعني شوفوني اكلم
الحين الناس فسقت لازم جوال كاميرة وفيه بلو توث علشان يجمع من البلاوي ويفتح حلقه والهوا يدخل بحلقه ويطلع وهو مادرا ولا الحين نفس خوينا راعي الانترنت ماعندك بروكسي الحين ماعندك مقاطع رايقة ولاصور وتلقا جواله سوا مافيه رصيد ولا عام ماسدد ويجيك بكل وقاحة وهو ماسك جواله يتفرج اقول عطني جوالك ابغا اكلم ضروري مرة ( اقول مالت عليك وعلى راعي المحل الي باع لك الجوال
ثالثا : جهاز المراسلة أطلع 50
هذا الجهاز مفيد مرة للبدوان واستفادوا منه غاية الاستفادة يتعازمون فيه ويدورون بعض ولأن البدوان بيوتهم بعيدة عن بعض يتعللون ويسولفون فيه ومرة فيه واحد من أهل رفحاء اسمه ابو حمود هذا الجال والله مرة محترم وخدوم لا ومؤدب بعد شلون البدوان يراسلونه بالجهاز ويطلبون انه يتصل باهلهم او قرايبهم من البر ويخليهم يكلمون اهلهم ويتصل عليهم ويكلمونهم بالجهاز الله يجزاه بالخبر وكذلك الشباب لما يطلعون للبر كل واحد معاه جهاز يتراسلون فيه علشان مايضعيون
بس المشكلة هالسملق الي من يقعد يمسك الريشة= المكرفون الي يتكلمون فيه وهو يشبه المكرفون الي بالدوريات المهم يدخل العامة الي هي قناةمفتوحة للجميع يجي يغطي الارسال ويحط شريط مسجل لا وبعضهم من اللعانة يربط الريشة بسير او يلصقها بشرطون ويحط مسجل وينام وتلقا فئة من الحثالة يسمونهم الشواحط او الزنجير هذا تقول يكلمك كعكي الي يطلع بافتح ياسمسم هذاك الي بس ياكل بسكوت مثل صوته تقول غاص بموس يقعد يخربط ويقول البخ وخرابيط ملها داعي ومرة يجي واحد منهم يلقط مكالمات تلفون السيناو ويدخله بالعامة وتسمع كلام الناس والحريم الله ياخذه
رابعا : السيارة
الناس قبل تخاف من السيارة ويالله تسوق وتتمنا تملك سيارة علشان تسافر لاهلها وتلقاه يحافظ عليها ويدخلها الورشة ويغسلها اسبوعيا وهو تلقاه كل ثلاث شهور يتروش
مرة وعياله ذابحهم القمل
الحين جو المهجولين واهل الهجولة وبوبو وماتركس تفحيط وتنطيل طول الليل من شارع لشارع ومن حي لحي والواحد ماعنده عشرة ريال حق بنزين بس لابد من الهجولة وفيه شباب تموت او بشلل او اعاقة او تشوهات وياشباب اتركوا الخرابيط والتفحيط الي اعدمكم واعدم سيارتكم واحزنكم واحزن اهلكم........
--------------------
كلمات المواطنين
--------------------
الأصيل /
اقتباس:
وبما أن المساعي الدبلماسيه قد باءت بالفشل
حيث رفض العدو خطة خارطة الطريدز
ولم يبق إلا الخيار العسكري فأنا
أمهل كل الأطراف بمراجعة مواقفها معي قبل شن الهجوم..
----------
الشبث
اقتباس:
في اغسطس اب من عام الفين وثلاثه
كنت جالس مع ولد جارنا ( مصري )
واسولف انا وياوه .....!!
---------------------
المخاوي/
اقتباس:
المضيف العام هو القلب النابض لهذه المضايف و فيه مواضيع شيقه ومفيده لنا جميعاً فنحن اجتمعنا وقلوبنا صافيه وسوف تبقى كذلك بحول الله سبحانه.
---------------
المحروووم/
اقتباس:
أول مره أضحك وأنا طالع من دوام الليل
الهاجري /
اقتباس:
في تاريخ 5/9 سبتمبر ايلول الوردي
كشخت وطقيت التحليقه ورتسبت الفي اكس ار الفضي وطقيت النظاره (ويش حلاوتك ياهاجري)
--------------
شنقل /
اقتباس:
لكل منا في حياته تجربه قد تنجح وقد تتعرض للإخفاق 000
تتعثرأقدامنا يوما ما000 ونمضي قدما للأمام أياما آخرى !!!
عثراتنا دروس وعبر 000 كفاحنا نبراس وحكم
كلي بكم إعجاب /
اقتباس:
(( حياتك ملك يديك انت فقط من يمتلكها .. حياتك دفترك .. شققه أحسن لك!!))
--------
السرعوفي /
اقتباس:
غلط كبير يقع به الكثير من الناس حينما تكون دروس المصطفى عليه السلام ترتبط في موقعه معينه فقط !!
تعاليل/
اقتباس:
أخوااااااااني واخواتي أذكركم واذكر نفسي قبلكم ..
بالإستغفاااااااااار هذه العباده البيسطه بعملها
العظيمه بأجرهاااااااااااااااااااااااااااااا ...
----------------
قصائدنا
---------------
الاصيل ::
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هلا ... وأهلا .. وبالمبـدا نهلّـي
لكـم يانـاقـدي كــل الـمـوده
أحـب الناقـد المنصـف يخـلـي
دروب المـدح .. ياليتـه يـسـده
مضايفنـا ،،، وإنتاجـي محـلّـي
جديـد ،، ونطلـب الرحمـن مَـدّه
ألا يـاقـاري الأبـيـات : قـلّـي
صحيح إن الهوى صعبـه إعْقَـدّه؟
ركيـزة شعرهـم : خلـك وخلـي
وجفنـه ماعـرف نـوم المخـده
وذاك الدمـع مـن عينيـه هلّـي
خـوي الليـل .. ونجومـه يعـده
والاخر جـزء مـن عقلـه مولـي
إذا خلـه علـى الهجـران حــده
مولـع بالغنـا : ياطيـر يالـلـي
صفـق مـن حرقتـه يـدّه بيـده
يحَسْبـون الهـوا لعبـه تسلـي!!
نسـو إن البحـر مخطـور مـده
ولا شاقـن أبوشـعـر امتـدلـي
أبد ... ماحرك أعصابـي وشـده
ولا أوصـف مثايلـهـا واجَـلـي
بطـول العنـق والمبسـم وخـده
نعـم ضـد الهـوا أقـرا وأملـي
وحَـذّر مـن مشـى دربـه وَلـدّه
أرده لـو يجينـي فــي محـلـي
ولو يطـري علـى قلبـي يـرده
أحاسب خطوتي .. صايم .. مصلي
علـى هالحـال والمنـوال مُــده
عطن عشْرك وفا .... واعطيك كلي
وسـر صويحبـي مابـاح ســده[/poem]
-------------------------
الزقروطي
ياواصله .... يامفارقه
ياضاميه .... ياشارقه
كل الورود ..... وبكل الشرود
وكل المخاليق ..... لك عاشقه
انا بشر يابنت ......؟
ايه اعشقك .. ثم اعشقك .. ثم اعشقك
ولو انك في غرورك غارقه
ماقلتلك يابنت ....؟
اني انا ...
زافر هواك وشاهقه
-----------------------
ا
الفوووحي ::
ليش الجفا ياطويل الرمش .... يابوعيون وساع كما الفنجال رامش
مات الوفاء في قلبك الهامش ..... عطيتني كرت احمر من قلبك الكامش
لا تحسبني ابرجع لقلبك زاحف .... خل قلبك الخرده وانا ابقعد بالهامش
-----------------
مناسباتنا
-----------------
زواج المحروووم >>>>>
اقتباس:
20 / 4 / 2006 ميلادي في قطر الخير
زواج الشبث >>>>>>>
اقتباس:
بهالعطله ان شاء الله
ضرس الاصيل >>>>>> بدأ الألم بتاريخ 22 /3 / 2006م وينتهي إذا حجت البقر على قرونها !!
زواج المطنوخ>>>>>>
اقتباس:
بتاريخ 22 /7 / 2006 ميلادي ملحاء - حائل
أختفاء تعاليل>>>>>>
اقتباس:
المشاركة الأخيرة:
اول تصميم لي بالمنتدى هذا.. لعبة اتحدى واحد يفوز..له جائزة.....اقلطو الله يحييكم
06-03-2006
22:28
000000000000000
ملاحظه //
نظراً لكثرة المواضييييييع
أحترنا وش نحط وايش نخلي !!!
فالجود من الموجود .. !!
ولاتنسوووووون الملحق اللي مع المجله ...
اللي فيه مسابقااات و أخبار الأسهم و و و وو و ..
اذا مالقيتووووووه
أكيد الهندي حق البقاله خذاااااه وبااعه لحاله
....... أطرحووووه وأخذوا حلالكم !!!
طحياتي .......
