يايبه
قطعة منك
تاهت بوسط الزحام
وتأمل بالوجيه ..
وفي عبث قامت تحاول
تلقى لأوصافك شبيه ..
يايبه اللي أشوفه
وجيه يعلوها العتام
ماتعرف الابتسام
والمسافه كلها شوك وهياكل
وفجأه وساد الظلام ..
والضباب يلف أرجاء الطريق
وين اروح !
في زمنهم وين الاقي لي صديق ..
وقطعتك ياأبوي يالوجه السموح
تمتطي متن الجموح
تحاول تلاقي وطن
يقبل اللأ والنعم
ويحيي فيني ماتبقى من الطموح
اللي تحطم وانهشم
بإيدين ناسٍ ماتعرف الا الغضب
رويانةٍ حقد وعقد
* * *
وانتَ يبه ماقلت لي
من أين تؤكل الكتف
او كيف أسدد طعنه من احدى الجهات ..
او في الخلف ..
او كيف أتصدى لها
ياللأسف .. ياللأسف
ماتدري إن الجيل كله يايبه
يتقن بعنف أكل الكتف
ويطعن بشكل مختلف
ولديه قدره فائقه..
وعنده مهاره كامله..
يتلون بألفين لون
وماينكشف!
نسوا يبه ..
( الدين هو المعامله )
*
*
*
*
النجلا
