[poem=font="Simplified Arabic,6,limegreen,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أنا فتني ياهلي في الهوى بان = غصن(ن)تعطّف و إنعطف من ليانه
فوقه قمر بدر(ن)تعلّى بالامتان = يحف به ليل(ن)عن العين صانه
صورت طيفه في خيالي بلالوان = مابان لي من جسمه إلاّ بنانه
ماحلى الوشام اللّي على نامله بان = ساعة رفع كفه ينادي خوانه
ونا بَعَدْهَا صرت هايم وَ وَلْهان = عساني أحضى بكلمة(ن)من لسانه
لفتة نظر نبدي بَها أول وبرهان = نبني بَها جسر الموده باوانه
ولاّ يروح بشان وآروح في شان = واخفي حناني قبل يخفي حنانه
حيث أن قلبي فبه من قبل سكان = ماقوى على تغييرته من مكانه
قديم يرعى في الحشا كل مازان = له من هواي ومطلق(ن)له عنانه
اللّي ثمان سنين والقلب مرضان = لاحل لي طاريه زاد إخفقانه
كانت إلى هنا مدّه طويله ثمّ
تكفون ياهل العرف مالي سلطان = سنين فاتت جعل يسقى زمانه
واليوم أنا حبيت لي واحد(ن)ثان = اللّي يهلّي بي وتضحك ثمانه
هي العين تعشق قبل لايشوف ألإنسان = كانه صحيح أنا هويته أمانه
والله لاسعى في ملاقاه لوكان = لو كان بخسر كل شيء(ن)عشانه[/poem]
سيف الدولة
