وتسألوني وش بلاك؟؟ اقول عااادي...
الكثير منا يبتلى لدرجة التفحم من الداخل... ولكنه... يفضل ان يخفي عن الناس بلائه...
كالمثل القائل...>> (خلها بالقلب تذبح ولا تطلع برّه وتفضح)....
تسألوني
[poem=font="Simplified Arabic,5,limegreen,bold,normal" bkcolor="darkblue" bkimage="" border="none,medium,gray" type=4 line=0 align=center use=ex num="0,black"]
كنت بروي قصتي.. والناس حدّي=دمعتين.. وكلمتين لسان شادي
كنت اسولف عن حكايات.. التحدّي=عن حروب العشق الاول في فؤادي
عن طموحي في.. علوّي والتردّي=عن نصيبي في ركودي.. واجتهادي
ما حسبت يخونني.. سيّال خديّ=لين فيّض دمع عيني... لا إرادي!!
من سموم السالفه في كبد كبدي=تسألوني وش بلاك؟ آقول: عادي
وش تبون بقصتي.. يا عيون لدّي=وطالعي رجف المحاني من تنادي
واسمعوها..لو تُمُر.. ولو تعدّي=ما خلت من خافق(ن) مذبوح هادي
كنت عايش والليالي بلون وردي=مع حبيب(ن) لا يصد.. ولا يعادي
السعاده في هوانا.. فوق سعدي=لو شربت من الخلود.. وصار زادي
بحتويها في عيوني.. دمع كدّي=وتحتويني في نظرها.. دمع كادي
(ورد وادي) ينتظرها بس تعدّي=ولو تعدّي فاح عطره (ورد وادي)
لو خطيت بهرجتي ما قلت: عدّي=كم خطايا لوحت بي في عنااادي
عارف(ن) اطباعها.. وملزوم حدّي=وفي زعلها يتّضح معنى التمادي
هي زعوله!! بس مااسرع ما تهدّي=يوم اهدّي شوي من عندي وانادي
سامحيني.. غلطتي.. ماهيب يدّي=والخطا ما هوب مني.. كان بادي
كنت اداريها.. واحصنها بوجدي=كنت برسم بيت اهلها في ودادي
حلفت إن فراقنا في يوم (لحدي)=وقالت: احيا لا حييت.. ومعك غادي
بعد عام(ن) وجهها قفّى وصدّي=كنت اظن اللي شغلها وضع عادي
الغريب مدآد غيبتها.. بشدّي=ليه؟؟ الاغرب في زعلها ما تعادي
وش بلاها- قلت فيني -ما تودّي=لا سلام..ولا كلام..ولا تنادي
إي تحريت الخوافي.. وحان هدّي=من عرفت انها محتني من الايادي
انهضي يا ضلوع صدري واستعدي=خنجر اغلى الناس طعنه ما يهادي
أمطرت سود السحايب فوق سدّي=فيّضت شطّين دمعي.. في سهادي
صار دربي لا يجيب ولا يودّي=والسجين اعلن وفاته.. والحدادي
حرب قصة لوعتي من فعل يدّي=وقد رجعت بلا سلاح ولا عتادي
ذا جزاي..وذي حياتي..وذا مردّي=وما بقالي أي بقايا.. بامتدادي
انجبرت وصار جزري فوق مدّي=واحتضنت تراب قبري في رقادي
ما تلا قون بظلامي نور يهدي=وارتوى من فيض دمعي قلب وادي
وما تحسون بعذابي يوم اعدّي=منذبح.. قتّال حزني.. في فوادي
(وفوق كل شي)(محترق بي)(كبد كبدي)=وتسألوني وش بلاك؟آقول:عاااادي[/poem]
اخوووكم........(( عمر السخني ))
