تذكرت هذه القصيدة للأمير الفارس المشهور زامل بن سالم السبهان وهو من الجعفر من عبده من شمر والتي يتضح من سياقها وفاءه للأمير سعود بن عبدالعزيز الرشيد والذي هو إمتداد لوفاء اسره السبهان لأبناء عمومتهم الرشيد :[poem=font="Simplified Arabic,5,black,bold,normal" bkcolor="burlywood" bkimage="" border="double,medium,black" type=1 line=0 align=center use=ex num="0,black"]
يا نفس صادمتك على كل الاحـــــوال = وانخــــاك يا نفس الخطـا بالـيقينا
كلٍ شرب قبلي من الــــــهم فنــــجال = وأنا فقدت حمود حبـس الكمينا
وصار عيوني بالخفا تهــــــمل اهمال = وقيمة ثــلاث سنين قلبي حــزينا
وعرفت ما غير التـــــــجلَد والاجمـــال = وطول المــــدى عيَا يبيَح كــنينا
وأيقنت أن العــــمر يفنى وينـــــــزال = وصبرت وأن الله مع الصــــابرينا
ولاويتـــــــها يوم أنها تشده البـــــال = بشرقي نجد والشــمال أجمـعينا
أبن ســـــــعود أقبل على الدار صوَال = وأرسل لأبن شعلان وجو مجملينا
تواعدوا ثم أرســـــــلوا لأبن هــــــذال = اللي يبي عز البـــــــداوة يجــينا
جونا كما وصف الدبا حين ما هـــــــال = وشربوا جبا اللبَة وجو صايلينا
هم حايلوا كيـــــدي وأنا صرت غربال = ولا تنفع الحيــلة بمن هو فطــينا
وناطحتهم بالَله وأكـــوان وأفـــــعال = وضــربٍ يخلَــي كل قاسي يلـينا
ياما على العيـــرات طوَعت من عــــال = وياما عديـت بفرصة العــايلــينا
وياما حميت وقلت فرز الوغى قال = وحطَـيت نفـسي حافـظٍ له ظمينـا
هذاك ماجوب البناخي على الخــــــال = وصـيَور ما كل المخــفى يبيــــنا[/poem]
تذكرت قول الراويه الاديب دبيس بن مهلهل بن علوي من العليان من عبده من شمر وهو امير قرية المعترضه قصيدته بالقهوه
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
وادلتي واقو صبره علي النار= خمسين عام ما فهقتة عن النار
صبة على اللي لا ركب يتبعونة = لانفظواعقب العواني بالانكار
وعده على اللي دايم ينحرونه= اللي يشببهم لياجوه خطار
وعده على اللي لابته يمدحونة = فكاك تال القوم كان الدخن ثار
واقصر عن اللي ماتعدد فنونة = مهو على طرق المواجيب صبار[/poem].
تذكرت قصيده الامير والفارس المشهور عبيد العلي الرشيد بأحد مغازيه على قبيله مطير يوم يقول :
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
العيد عيّدنا به بأقصى صعافيق= والعيد الاخر بالحفر والدجاني
نذر عيرات النضا بالمساويق= وكثيرهن من كثر الادلاج واني
فاضن ...مثل مشحنات الدوانيق=ينقلن قبل الطوب والجبخاني
للعارض المذكور والخرج وطويق= لا..لاربح حي ٍ بهاك المكاني
عيّ يرد (مطير) زود على القيق=تقول وخذت باشتك بالضماني
ياما عقبهن ..الفوات الهداليق= صارت شرايدهم مع المكرواني[/poem]
تذكرت قصيده الشاعر راشد الحليسي من الثابت من سنجاره من شمر يوم قصد بالفارس المشهور غريّب الشلاقي من الزميل من سنجاره من شمر يوم كان غريّب غزّاي على تبوك ثلاث شهور ومعه خمسه عقداء من شمر وخذو حلال بني عطيه والحويطات يقول راشد بعد مده من رحيل غريب الى نجد:
[poem=font="Simplified Arabic,5,white,bold,normal" bkcolor="black" bkimage="" border="solid,medium,black" type=1 line=0 align=center use=ex num="0,black"]
بديت باللي بإيده الرزق وحسناه=بديت بالرب عالم الغيب يعلم
يالله ياخلاّق فرض وصلواه= انت الكريم وبيدك الرزق يقسم
حنا غزينا مع زبون الونياه= (غريّب) ...اللي خويّه تلزم
يادار وين غريب واحلولاه=ماقال فوق مودّب الهجن يلزم
ابو عيون كنّهن لون ساعاه= من..هدب رموشهن يوم سلهم
تسعين ليله نتبعه فوق زرفاه=محدن وجهنا وين رحنا على يم
وطوننا طوي الشنون المّطواه=وحنا طوينا كنّس الهجن ياعم
وعصيان اهلهن كلهن خيزراناه=يقداهن اللي بإيده الرزق يقسم
وردن الاعيلي والخراب المظلاه=ومقر المعاصر نسهجه حين نجهم
وردن الاعيلي والخراب المظلاه=اما الظنيع اطنان والا ماهم هم
وردن مغيره وصدّرن منه خفيفاه=صبح ثلاث فلّهن بارد جم
وعشّن........وامرحن مستريحاه= والصبح ...القطا يوم ملتم
وصدرن لنا بالوسط مثل النعاماه=حمرٍ يسّن خدودهن واسعه دم
وارقب (غريّب) راس عيطا طويلاه=طرق( دربيله) دالن الطرش يلتم
وراعيت لمثل هالخيام المبناه= اسفل الغوارب للمخاليل ترزم
وغرنا واخذنا جمله الطرش بقفاه= نسري ونجري عن هلا المال نهزم
عزاه لوجيه النشامى وعزاه= وجيههم من بوج الاديار تسحم
وخلّى قطاعه مثل لون الخيالاه=اللي يجي بلحيته عشرة انعم[/poem]
الى اخر القصيده ...والمغزى سبق اني جعلته في موضوع مستقل بعنوان (الافيحج) قبل 9 اشهر على هذا الرابط
http://www.shammar.org/vb/showthread.php?t=28725
تذكرت قصيده جميله ورائعه قيلت بعسر الدنيا واحواله( يقال ) انها للشاعر لبيخان بن حجاب الفريسي من الخرصه من زوبع من شمر ويسنده على ولد عمه منير بن شراف الفريسي الشمري يقول لبيخان :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
امس الضحى لمرفّع الرجم نطيّت = زعجت انا صوت الضحى من هبالي
صوت طويل وعند تاليه حنيّت= يشدى حنين الخلج على العيالي
من سمع (حسّي) قال ياول هبيّت= يبكي على .......صخيف الذبالي
وانا ماهو من وجلهن يوم حنيّت= لا هن على شفّي ولا... هن ببالي
حلفت مبني بالغنادير لو بيت=لاغير مافاتن زمان الجهالي
وش اقشر الونّات (يامنير)ياريت=ترى اقشر الونّه ضعيف الرجالي
والثانيه وان كان انا منهن اخطيت=اقشر منه ونّه ضعيف الحلالي
رجل ضعيف لاتعدّه حزاميت= المال طابو به عيال الهزالي
ماتنفعك غنوة صديقك إليا اخليت=كلّن يقول ابي حلالي لحالي
والمرجله دونه سنود وسماريت=دونه وعر ماياصلنه حبالي
يشدن براس العاليه يوم راعيت=مايورده راع قصير البدالي
ياصار مايفرح بزولك إليا جيت=ولا ثار عن وجهك صعول الرجالي[/poem]
والعذروالسموحه ان اخطأنا بشي..... ولهم الرحمه .... ولكم طول العمر
روابط سلسله تذكرت
تذكرت الجزء الاول
http://www.shammar.org/vb/showthread.php?t=32273
تذكرت الجزء الثاني
http://www.shammar.org/vb/showthread.php?t=32757
تذكرت الجزء الثالث
http://www.shammar.org/vb/showthread.php?t=33481
تذكرت الجزء الرابع
http://www.shammar.org/vb/showthread.php?t=34995
