بسم الله الرحمن الرحيم
الظيم
وكفاكم الله شر الظيم
للظيم قصه مع صدور شمر لانهما شيئان لايجتمعان
وان اجتمعا كانت النهايه الموت
قديما في شبه الجزيره العربيه عندما كانت الرجال تظيم الرجال
والقوي يظيم الضعيف
هناك ممن اذا وقع عليه الظيم ياخذ حقه بيده:
يقول الامير عبيد الرشيد:
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ماني بمن يصبر على الضيم ياضيم=والى كثر همه تزود عن النوم[/poem]وهناك ممن اذا وقع عليه الظيم يرحل:
يقول الشيخ سعدون العواجي
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شبر من البيدا يعوضك الافزاع=وسود الليالي يبعدنك عن الظيم[/poem]
وهناك اللي يامن الظيم وقع عليه مابيده شي لاياخذ حقه ولايقدر يرحل
لكن لشمر كان له خصله رائعه يامن الشمري شاف القهر ولابيده شي كانت الوفاه هي
الحل الاسهل لذلك
القصص على ذلك كثيره والقصائد اكثر
منه عند مقتل الشيخ بنيه الجربا على يد المنتفق والروله في مناخ منسحه عندما حفور له
خندق في طريقه
يقولون قطعو راس الشيخ بنيه من كرههم له لانه سوى بهم الهوايل
خاصه قبايل الروله وهم يجيبونه راسه
ويعلقونه قدام قصر بن سعدون بالعراق يامار فيه شمري جلاوي عندهم اسمه "بن عجاج"
يقولون وهو ياقف قدام راس بنيه وهو يجلس يمشط شوارب بنيه ويبكي ويقول:
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
خثلت له خثلتن عسى الله يخثلـــــك=ومديت له حبل الشرك ثم سديــــــت
تسعين لحية من روس قوم غدت لك=وش عاد ياخصاي الاتياس سويــت[/poem]
وهم يسمعون الجنود قصيدته وهم يخبرون بن سعدون قال جيبوه لي
يوم راحو يم بن عجاج وهم يلقونه "ميت بفراشه"
وهم يجون لابن سعدون قالو لقيناه ميت
قال بن سعدون: انا اشهد ان من سماكم الطنايا ماكذب
ويقول بن صبيح من السويد من شمر:
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياحيف وان الحيف مايقري الضيف=والحيف ماتبرك عليه الجمالي
نفسي قزت يم الجزيره ورا السيف=واخيلهم وانا بحد الشمالي[/poem]
والحيف: يطلق على الظيم ويطلق كذلك على العيب
ويقول بن سراح من شمر يوم شاف الظيم وهو داخل السجن :
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالبيض عدن الملاثم علينا=هاتن ملاثمكن ودوكن لحانا
حطن خلاخيل الذهب في يدينا=وتجزمن بسيوفنا يانسانا[/poem]
ويقول الشيخ مسلط الجربا:
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
احسن تصبر واجمل الصبر بالطيب=هذي حياةٍ كل ابوها تلزي
والحر لاصكت عليه المغاليب=ملزوم عن دار المذله يلزي[/poem]
وعقب القصيده حلف الا ياصل خيمة بن سعود بمعركة العدوه
وبالفعل وصله يوم قرب له وهي "تعرقل" فرسه بطنب الخيمه وهو يقع
وهم يذبحونه الطبابيخ بسكاكينهم
ومن اروع القصص في الموت من القهر وهي من المشهورات وفاة الشيخ فايز بن هذيل من شمر
يوم نخته وحيشه
بن هذيل كان بمنطقه اسمه "نقرة ايوب" بالجزيره
ووحيشه كانت بقرايا حايل المهم ضايقتهه بعض القبايل على موارد اهله حول "الغزاله"
وهم كانو قلّه
وهي تنخى بن هذيل تقول:
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياغيبة بـن هذيـل ياغيبـة الذيـب=شفنا النكاير والنكد عقب ماراح
ديرتك سقـف ولهـا الأجانيـب=يروح عليه من الشعب كل مصـلاح
جانا ضعنهم مع دبشهـم جناديـب=صار الخطر منهم علينـا بـالأرواح
عجـل علينـا ياحصـان الأطاليـب=لك هدة تأخذ مع الخيـل مسـراح [/poem]
وصلته القصيده وهو عند جماعته بالمجلس قال:
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
وش هقوتك مداد من نقرة ايوب=العصر مايمسي حوال الغزاله[/poem]
قالو جماعته وينك ووين الغزاله مانت حوله
يوم شاف جماعته ماهم معه وهو يحط راسه على الشداد
يوم جو يصبون له القهوه اليامار ميت من القهر
ومن ضمنه كذلك وفاة " الفريخ"
وهو من الغفيله اهل موقق
والفريخ هو اللي يشيل البيرق لابن رشيد
يوم كبر بالسن ومرو من قدامه الجيش غزو وهو يموت من القهر بمكانه
وهو جالس لانه مايقدر يطلع معاهم
الله يبعدنا وياكم عن الظيم والقهر
