بين الجبـال ؛ الراسيـات؛ الصناديـد
[poem=font="Simplified Arabic,6,white,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بين الجبـال ؛ الراسيـات؛ الصناديـد =شـرق الهضـاب ؛ وغربي اطلالهنَّـه
العصر:في ظل الجبـل؛ نايـف الحيـد =سويـت فنجـالي ؛ وشفيـت منَّـه
ومديت شوفي؛ مع مدى ؛ هايف الغيـد =عصريـةٍ ؛ ذعـذوعهـا ؛ لاعبنَّـه
معها القميري؛ شال عذب ؛ الأغاريـد =ما أدري: عطاهـن شوق ؛ وإلا عطنَّه ؟!
في لحظـةٍ ماله؛ من الوقت ؛ تمديــد =مشاعري ؛ في خاطـري ؛ مددنَّــه
قلت آهـ؛ يا صم الصمود؛ الصواميـد =اللـه ؛ من عصـرٍمضـى ؛ شيبنَّـه
في جالهـن ؛ سـود الليالي ؛ تجاعيـد =وتشوف ؛ كن اليـوم ؛ ميلادهنَّــه
لهن مـع الأيام ؛ جـودٍ ؛ وتجديــد =مع زود ؛ عـد أيامهـن ؛ زودهنَّـه
في صمتهن ؛ لماضي الوقت ؛ تجريــد =وأحداث؛ مـاضيهـن ؛ في سرهنَّـه
عن درب هاجرهن ؛ حيودٍ ؛ مصاديـد=وإن جاء لهن ؛ ملجـاه ؛ في جالهنَّـه
يا كم ؛ شافن من سعود ؛ وتلاهيـد ؟=علـومٍ ؛ تهيل القلب ؛ لو هن حكنَّـه
يا كم شافـن ؛ من كرام ؛ الأجاويد ؟=ويا كم ؛ صوتٍ باللحن ؛ جاوبنَّــه؟
وكم واحدٍ؛ باطرافهن ؛ لايَع الصيـد ؟=يطرد ؛ هـوى بالـه ؛ وهن عذبنَّـة
أو ضايـقٍ ؛ يِرقب على ؛ زامي البيـد =وعقب التوجِّـد ؛ ينحدر؛ ما شفنَّـه
ما كن؛ فيهن داج عنتر؛ وآبـا زيـد =في ما ضـيٍ ؛ يا ليتهـن ؛ سولفنَّـه
ما كن ؛ ساجـن بالمجـر ؛ المعاويـد =والغرب؛ غربلهـن ؛ وهن غربلـنَّـه
بذيك الهـدام ؛ الخاربات ؛ المهاديـد =للعــز ؛ يـا سواعـدٍ ؛ شيـدنَّـه
مـا كن ؛ فيهن صفِّفَـن ؛ البغاديـد =ولا كـن ؛ حَـيٍّ داج ؛ بديارهنِّـه
كلٍ يْريـدْ ؛ ويفعـل الله ؛ ما يْريـد =والمرضـي ؛ إن تْغيِّـر؛ الوقت سنِّـه
سبحان ؛ من يبدى بذا الخلق ؛ ويْعيـد =أمـره ؛ بكاف ونون ؛ من غير منِّـه[/poem]
الشاعر الدكتور شايم الهمزاني الشمري
تحياتي:)
